News marathi

  नीरा रेल्वे स्थानकात भीषण अपघात; प्रवाशाचे दोन्ही पाय चुरडले  रेल्वे पोलिस व आरपीएफ मदतील आले नसल्याचा गंभीर आरोप  नीरा : प्रतिनिधी       सोमवारी (दि.२९) सायंकाळी नीरा रेल्वे स्थानकात पुणे–सातारा डेमो रेल्वेमधून उतरत असताना एका तरुणाचा भीषण अपघात झाला. या अपघातात तरुणाचे दोन्ही पाय रेल्वेखाली सापडून पूर्णतः चुरडले गेले असून त्याची प्रकृती अत्यवस्थ आहे.       आदित्य साहेबराव होळकर (वय १८, रा. सोमेश्वरनगर, ता. बारामती) असे जखमी तरुणाचे नाव आहे. प्रत्यक्षदर्शींनी दिलेल्या माहितीनुसार, डेमो रेल्वे नीरा स्थानकात थांबत असताना आदित्य उतरण्याचा प्रयत्न करत होता. यावेळी तोल गेल्याने तो थेट रेल्वेखाली गेला आणि भीषण अपघात घडला.       अपघातानंतर रेल्वे पोलिस, आर.पी.एफ. तसेच नीरा रेल्वे स्थानकातील कर्मचाऱ्यांनी जखमी प्रवाशाला तत्काळ मदत न केल्याचा गंभीर आरोप स्थानिक नागरिकांकडून केला जात आहे. विशेष म्हणजे नीरा रेल्वे स्थानकातील पोलीस मदत केंद्राला कुलूप लागलेले असून आपत्कालीन परिस्थितीत कोणतीही यंत्रणा कार्यरत नसल्याचे चित्...

 बाबुर्डी येथे MAHAVISTAR AI अ‍ॅपचे प्रात्यक्षिक मार्गदर्शन; शेतकऱ्यांचा उत्स्फूर्त प्रतिसाद  बारामती :           डिजिटल तंत्रज्ञानाच्या साहाय्याने शेती अधिक शाश्वत व लाभदायक व्हावी, या उद्देशाने कृषी विभागामार्फत बाबुर्डी (ता. बारामती) येथे कृषीदूतांच्या माध्यमातून कृषी खात्याच्या MAHAVISTAR AI अ‍ॅपचे सविस्तर मार्गदर्शन करण्यात आले. या उपक्रमाला शेतकरी व ग्रामस्थांचा उत्स्फूर्त प्रतिसाद लाभला.          कृषी विभागाच्या वतीने राबविण्यात येत असलेल्या आधुनिक तंत्रज्ञानाधारित उपक्रमांतर्गत बाबुर्डी गावात कृषीदूतांनी शेतकरी व ग्रामस्थांना कृषी खात्याच्या MAHAVISTAR AI अ‍ॅपचे सखोल मार्गदर्शन केले. बदलत्या हवामान परिस्थितीत आणि वाढत्या उत्पादन खर्चाच्या पार्श्वभूमीवर डिजिटल साधनांचा वापर करून शेती अधिक सक्षम करण्याचा हा प्रयत्न असल्याचे कृषीदूतांनी सांगितले.        या कार्यक्रमात MAHAVISTAR AI अ‍ॅपच्या माध्यमातून शेतकऱ्यांना पीक नियोजन, हवामान अंदाज, खत व्यवस्थापन, कीड व रोग नियंत्रण, बाजारभावाची अद्ययावत माहि...

 युईआय ग्लोबल एज्युकेशनची तिसरी राष्ट्रीय ‘युसीसी’ पाककृती स्पर्धा उत्साहात संपन्न दिल्लीच्या विनोद विश्वकर्मा यांना प्रथम, पुण्याला दुसरा क्रमांक पुणे | प्रतिनिधी युईआय ग्लोबल एज्युकेशन संस्थेच्या वतीने आयोजित तिसरी संस्थांतर्गत राष्ट्रीय पाककृती (क्युलिनरी) स्पर्धा अर्थात युसीसी (UCC) पुण्यात मोठ्या उत्साहात पार पडली. या स्पर्धेत देशभरातील युईआय ग्लोबलच्या नऊ अभ्यासकेंद्रांमधील प्रथम वर्षाच्या १५० हून अधिक विद्यार्थ्यांनी सहभाग नोंदवला. या चुरशीच्या स्पर्धेत दिल्लीच्या विनोद विश्वकर्मा यांनी उत्कृष्ट पाककृती सादर करत प्रथम क्रमांक पटकावला. त्यांना मानाचा चषक, ‘मास्टर शेफ 2025’ हा किताब, रोख ५१ हजार रुपये, पदक व गोल्डन शेफ कोट देऊन गौरविण्यात आले. पुण्याच्या ओंकार राजू देशमुख याने दुसरा क्रमांक मिळवला (रोख ३१ हजार रुपये), तर दंडोती मोहम्मद दानिश रियाज (पुणे) याने तिसरा क्रमांक पटकावला (रोख ११ हजार रुपये). याशिवाय मिस्ट्री बॉक्स चॅलेंजमध्ये महाराष्ट्राच्या शैलेंद्र लक्ष्मण परदेशी यांनी प्रथम क्रमांक मिळवला, तर ग्लोबल बिर्याणी फेरीत दिल्लीच्या अमिनेश अंबर यांनी बाजी मारली. ही स्पर्ध...

 जेऊर रेल्वे अंडरपासजवळ भरधाव रेल्वेखाली युवक ठार  पुरंदर :        नीरा नजिकच्या पिंपरे खुर्द (ता. पुरंदर) गावच्या हद्दीतील जेऊर रेल्वे अंडरपास शेजारी पुणे–मिरज रेल्वे मार्गावर भरधाव रेल्वेची धडक बसून एका युवकाचा जागीच मृत्यू झाल्याची घटना गुरुवारी (दि.२५) सायंकाळी साडेपाचच्या सुमारास घडली. या घटनेनंतर नीरा पोलिसांनी तत्काळ हालचाली करत मृत युवकाची ओळख पटवण्यात यश मिळवले आहे.        पुणे–मिरज रेल्वे मार्गावर पुणे बाजूकडून सातारा दिशेने जाणाऱ्या भरधाव रेल्वेची धडक बसून एका युवकाचा दुर्दैवी मृत्यू झाला. धडकेची तीव्रता इतकी प्रचंड होती की युवकाच्या शरीराचे तुकडे झाले आणि त्याचा जागीच मृत्यू झाला.         या घटनेची माहिती सर्वप्रथम संबंधित रेल्वेच्या लोको पायलटने रेल्वे विभागाला दिली. त्यानंतर रेल्वे प्रशासनामार्फत नीरा पोलिसांना याबाबत कळविण्यात आले. माहिती मिळताच नीरा पोलीस दूरक्षेत्राचे सहाय्यक पोलीस उपनिरीक्षक घनश्याम चव्हाण व हवालदार संतोष मदने यांनी तात्काळ घटनास्थळी धाव घेऊन पंचनामा केला व मृतदेह ताब्यात घेतला....

 🔴 एकतर्फी प्रेमातून क्रूर खून! प्रियकराने प्रेयसीच्या पतीवर कोयत्याने वार करून घेतला जीव पुणे ग्रामीण | प्रतिनिधी एकतर्फी प्रेमातून निर्माण झालेल्या विकृत भावनेने अखेर रक्तरंजित वळण घेतले! प्रियसीला मिळवण्यासाठी प्रियकराने थेट तिच्या पतीचा काटा काढल्याची धक्कादायक घटना पुणे ग्रामीणमध्ये उघडकीस आली असून, या प्रकरणाने संपूर्ण परिसर हादरून गेला आहे. जेजुरी पोलीस स्टेशन हद्दीतील माळशिरस (ता. पुरंदर) परिसरात ही भीषण घटना घडली. मृताचे नाव दीपक गोवर्धन जगताप (वय 32) असे असून, तो आपल्या पत्नी व कुटुंबासोबत राहत होता. 💔 एकतर्फी प्रेमातून कट पोलिस तपासात उघड झाले की, आरोपी सुशांत संदीप मापरे (वय 32, व्यवसाय – चालक) याचे मृताच्या पत्नीवर एकतर्फी प्रेम होते. तिने वारंवार नकार देऊनही आरोपी तिचा पाठलाग करत होता. मृत दीपक जगताप याने या त्रासाला विरोध केला होता. याच रागातून आरोपीने खुनाचा कट रचला. 🔪 कोयत्याने निर्घृण हल्ला दिनांक 26 डिसेंबर 2024 रोजी सकाळच्या सुमारास आरोपीने दीपक जगताप याला गाठून कोयत्याने सपासप वार केले. गंभीर जखमी अवस्थेत दीपक याचा घटनास्थळीच मृत्यू झाला. आरोपी वार करून पसार...

🔴 दारूच्या नशेत रक्तरंजित खेळ! सासवड शहरात तरुणाचा निर्घृण खून; दोन आरोपी जेरबंद सासवड | प्रतिनिधी सासवड शहरात दारूच्या नशेत झालेल्या वादातून एका तरुणाचा निर्घृण खून झाल्याची धक्कादायक घटना उघडकीस आली असून, पुणे ग्रामीण पोलिसांनी अवघ्या काही तासांत गुन्ह्याचा छडा लावत दोन आरोपींना अटक केली आहे. या घटनेमुळे सासवड शहरात एकच खळबळ उडाली आहे. मृत तरुणाचे नाव राजू दत्तात्रय बोराटे (वय 36, रा. सासवड, ता. पुरंदर) असे असून, तो मजुरीचे काम करत होता. दिनांक 28 डिसेंबर 2024 रोजी सासवड शहरातील न्यू अमर कॉलनी परिसरात एका निर्जन ठिकाणी त्याचा मृतदेह आढळून आला. मृताच्या डोक्यावर व शरीरावर गंभीर मारहाणीच्या खुणा आढळल्याने खुनाचा संशय बळावला. 📌 दारूच्या वादातून खून पोलिस तपासात उघडकीस आलेल्या माहितीनुसार, मृत राजू बोराटे याचा आरोपींसोबत दारू पिण्यावरून वाद झाला होता. वाद विकोपाला गेल्यानंतर आरोपींनी त्याला मारहाण करून गंभीर जखमी केले. त्यानंतर राजूचा मृत्यू झाला. गुन्हा लपवण्यासाठी आरोपींनी मृतदेह घटनास्थळीच टाकून पलायन केले. 🕵️‍♂️ पोलिसांची जलद कारवाई घटनेची माहिती मिळताच सासवड पोलीस स्टेशन व स्थानि...

 पॅशनला प्रोफेशन बनवून स्वत:ला उच्च स्थानावर घेऊन जा; मनीष खन्ना यांचा विद्यार्थ्यांना सल्ला पुणे युईआय कलिनरी कॉम्पिटिशनचे दिमाखात उद्घाटन; देशभरातील 9 कॅम्पसमधील सुमारे 150 विद्यार्थ्यांचा सहभाग  हॉस्पिटॅलिटी आणि बिझनेस मॅनेजमेंट क्षेत्रातील विद्यार्थ्यांनी केवळ काम करायचे म्हणून करू नये तर; ते काम तुमचे पॅशन झाले पाहिजे. हेच पॅशन तुमचे प्रोफेशन बनले पाहिजे.त्यामुळे तुमचे पॅशन अशा पध्दतीने विकसित करा की जे तुम्हाला उच्च स्थानावर घेऊन जाईल, त्याच दृष्टीने युआयई ग्लोबल एज्युकेशन इन्स्टिट्यूट देशभरातील 9 कॅम्पसच्या माध्यमातून सुमारे 20 वर्षांपासून काम करत आहे,असे प्रतिपादन युआयई ग्लोबल एज्युकेशनचे व्यवस्थापकीय संचालक (MD) व मुख्य कार्यकारी अधिकारी (CEO) मनीष खन्ना (Manish Khanna, Managing Director, UIE Global Education)यांनी केले.  UEI ग्लोबल एज्युकेशनतर्फे पुण्यातील मुळाशी येथील द फॉरेस्टा रिसॉर्ट येथे आयोजित तिसऱ्या UEI कलिनरी कॉम्पिटिशन-2025 ( पाककृती स्पर्धा) (UEI Culinary Competition-2025) स्पर्धेच्या उद्घाटन प्रसंगी मनीष खन्ना बोलत होते. याप्रसंगी इंडियन कुलिनरी फोरम...

 पुरंदरमध्ये अजब घटना.. निसर्गाचा अद्भुत चमत्कार! मेंढरू जन्माला पाच पायांसह  पुरंदर :         निसर्ग अनेकदा अशा घटना घडवतो की ज्या पाहून माणूसही थक्क होतो. अशाच एका दुर्मिळ आणि रंजक घटनेमुळे परिसरात एकच चर्चा सुरू झाली आहे. एका शेतकऱ्याच्या गोठ्यात मेंढरू जन्माला आले असून, विशेष म्हणजे या मेंढराला चक्क पाच पाय आहेत.        पुरंदर तालुक्यातील पिसुर्टी गावात ही अनोखी घटना घडली असून, संबंधित मेंढीने अलीकडेच एका पाच पायांच्या मेंढराला जन्म दिला आहे. जन्मत:च वेगळेपण दिसत असल्याने शेतकरी कुटुंबासह परिसरातील नागरिकांनी मोठी गर्दी केली. सामान्यतः मेंढरांना चार पाय असतात; मात्र या मेंढराच्या शरीराच्या पुढील बाजूस अतिरिक्त पाय स्पष्टपणे दिसत आहे.       पशुवैद्यकीय तज्ज्ञांच्या मते, गर्भावस्थेत झालेल्या जैविक बदलांमुळे किंवा अनुवंशिक कारणांमुळे अशा प्रकारची शारीरिक रचना निर्माण होते. ही अवस्था वैद्यकीय भाषेत ‘जन्मजात विकृती’ म्हणून ओळखली जाते. सध्या मेंढरू तंदुरुस्त असून ते दूध पित आहे व हालचालीही सामान्य असल्याचे सांगण्या...

 पुरंदर हादरला  प्रेमविवाहाचा राग ठरला जीवघेणा; तरुणाचा कोयत्याने निर्घृण खून.  या हत्याकांडाने पुरंदर तालुक्यात भीतीचे वातावरण  पुरंदर | प्रतिनधी        प्रेमविवाहाचा राग मनात धरून एका तरुणाने थेट सूडाचा मार्ग स्वीकारत नवविवाहित तरुणाचा कोयत्याने निर्घृण खून केल्याची खळबळजनक घटना पुरंदर तालुक्यात घडली आहे. माळशिरस गावच्या हद्दीतील रामकाठी शेताच्या शिवारात घडलेल्या या हत्याकांडाने संपूर्ण परिसरात भीतीचे वातावरण निर्माण झाले आहे.         दिपक गोरख जगताप (वय २२, रा. राजेवाडी, ता. पुरंदर, जि. पुणे) असे खून झालेल्या तरुणाचे नाव असून तो १३ डिसेंबर रोजी दुपारी घरातून बाहेर पडला होता. मात्र दुसऱ्या दिवशी सकाळी रामकाठी शेताच्या शिवारात त्याचा रक्ताच्या थारोळ्यात मृतदेह आढळून आला. मृतदेहावर डोके, मान, पाठ तसेच उजव्या पायावर धारदार शस्त्राने केलेल्या गंभीर जखमा स्पष्ट दिसून आल्या.         प्राथमिक तपासात हा खून प्रेमसंबंधातून निर्माण झालेल्या सूडभावनेतून झाल्याचे उघड झाले आहे. आरोपी सुशांत संदीप मापारी (रा. ...

 इंदापूरची श्रावणी शिताप कुराश वर्ल्ड चॅम्पियनशिपसाठी निवड; 57 किलो गटातून राज्यातील पहिली खेळाडू   बारामती पुणे जिल्ह्यातील इंदापूर तालुक्यातील श्रावणी प्रशांत शिताप हिची जानेवारी 2026 मध्ये इराण येथे होणाऱ्या कुराश वर्ल्ड चॅम्पियनशिपसाठी निवड करण्यात आली आहे. गुजरातमधील गांधीनगर येथे पारपडलेल्या वर्ल्ड चॅम्पियनशिप निवड चाचणीत श्रावणीने उत्कृष्ट कामगिरी करत पात्र ठरली. 57 किलो वजन गटातून वर्ल्ड चॅम्पियनशिपमध्ये खेळणारी ती महाराष्ट्रातील पहिली महिला खेळाडू ठरली आहे. श्रावणी ही इंदापूरसारख्या ग्रामीण भागातील शेतकरी कुटुंबातून पुढे आलेली खेळाडू आहे. कठोर परिश्रम, सातत्यपूर्ण सराव आणि योग्य मार्गदर्शनाच्या जोरावर तिने हा टप्पा गाठला आहे. 2024-25 या कालावधीत तिने राष्ट्रीय स्तरावर दोन पदके पटकावली असून तिच्या खेळातील प्रगती सातत्याने दिसून येते आहे. या यशामागे कुराश असोसिएशन ऑफ महाराष्ट्राचे सचिव तसेच इंटरनॅशनल वन स्टार पंच दत्तात्रय व्यवहारे व जयश्री व्यवहारे यांचे विशेष योगदान आहे. इंदापूर परिसरातील गोरगरीब व सर्वसामान्य कुटुंबातील शेकडो खेळाडूंना प्रसंगी मोफत प्रशिक्षण देत त...

 सासवड व जेजुरी नगरपालिकांच्या निवडणुकांनंतर ‘चाय पे चर्चा’ कार्यक्रम  पुरंदर तालुका मराठी पत्रकार संघातर्फे उपक्रमाचे आयोजन  पुरंदर :        पुरंदर तालुका मराठी पत्रकार संघातर्फे सासवड व जेजुरी नगरपालिकेच्या निवडणुकांनंतर शहराच्या सर्वांगीण विकासासाठी सर्व राजकीय नेते, नवनिर्वाचित नगराध्यक्ष, नगरसेवक पदांचे उमेदवार व स्थानिक नागरिक यांना एका व्यासपीठावर आणण्यासाठी “चाय पे चर्चा” या उपक्रमाचे आयोजन करण्यात आले आहे. निवडणूक काळातील विविध मतभेद विसरून विकासाच्या दिशा ठरवण्यासाठी हा उपक्रम महत्त्वपूर्ण ठरणार असल्याची भावना आयोजकांनी व्यक्त केली.        या चर्चासत्रात शहराच्या प्रगतीसाठी मतमतांतरांना बाजूला ठेवत रचनात्मक आणि सकारात्मक चर्चा होणार असून, शहर विकासाचा मार्ग अधिक भक्कम करण्यास हा संवाद उपकारक ठरेल, अशी अपेक्षा संघटनेने व्यक्त केली आहे.  कार्यक्रमाचे मार्गदर्शक म्हणून बी. एम. काळे, प्रकाश फळके, दत्ता भोंगले, सुनील लोणकर आणि भरत निंगडे यांचा समावेश आहे. आयोजन समितीमध्ये अध्यक्ष योगेश कामथे, उपाध्यक्ष प्रविण नवले, सचिव अम...

 दत्तात्रय रोकडे यांना जिल्हास्तरीय गुणवंत शिक्षक पुरस्कार प्रदान पुणे – शिक्षण क्षेत्रातील उल्लेखनीय सेवा, नवोन्मेषी उपक्रम आणि विद्यार्थ्यांच्या सर्वांगीण विकासासाठी केलेल्या सातत्यपूर्ण प्रयत्नांची दखल घेऊन पुरंदर तालुका माध्यमिक शिक्षक संघाचे अध्यक्ष दत्तात्रय रोकडे यांना जिल्हास्तरीय गुणवंत शिक्षक पुरस्कार प्रदान करण्यात आला.      निळू फुले सभागृह, राष्ट्र सेवा दल, साने गुरुजी स्मारक, पुणे येथे आयोजित कार्यक्रमात माजी आमदार, लेखक व विचारवंत उल्हासदादा पवार यांच्या हस्ते हा पुरस्कार देण्यात आला. यावेळी पुणे विद्यापीठाचे अनिल खरे आणि शिक्षकेतर संघटनेचे राज्य कार्यवाह शिवाजी खांडेकर प्रमुख अतिथी म्हणून उपस्थित होते.     दत्तात्रय रोकडे यांनी अनेक वर्षांपासून शैक्षणिक गुणवत्तावृद्धी, डिजिटल शिक्षणाचा प्रसार, नावीन्यपूर्ण उपक्रमांची अंमलबजावणी आणि सामाजिक बांधिलकी जोपासत विद्यार्थ्यांच्या व्यक्तिमत्त्व विकासासाठी महत्त्वपूर्ण कार्य केले आहे. त्यांच्या अध्यापन पद्धतीतील नाविन्य, विद्यार्थ्यांशी संवादातील सहजता आणि शैक्षणिक प्रगतीत केलेल्या योगदानामुळे ते जिल...

  राइट टू डिस्कनेक्ट बिल 2025: भारतातील कामकाज संस्कृतीत ‘डिजिटल क्रांती’? ऑफिसमध्ये घालवलेला वेळ आणि घरात सुरू राहणारे काम — यामधील रेषा आता जवळजवळ पुसली गेली आहे. काम संपल्यानंतर रात्री उशिराचे फोन, सुट्टीत येणारे ईमेल आणि व्हॉट्सअ‍ॅप मेसेजेस कर्मचाऱ्यांच्या वैयक्तिक आयुष्यावर परिणाम करत आहेत. कोविडनंतर वर्क फ्रॉम होमच्या विस्तारामुळे ही समस्या अधिक गंभीर झाली आहे. त्यातून निर्माण होणारा मानसिक ताण, थकवा आणि बर्नआऊट हा नवीन ‘कर्मचारी आजार’ बनला आहे. या सामाजिक-आर्थिक वास्तवातूनच ‘राइट टू डिस्कनेक्ट बिल 2025’ ची निर्मिती झाली. बिलाची पार्श्वभूमी: कामाचे बदलते स्वरूप डिजिटल युगात संवादाचा वेग वाढला, पण त्याच वेगाने कर्मचार्‍यांवर कामाचे ओझेही वाढले. ऑफिस टाइम संपल्यानंतरही कर्मचारी सतत उपलब्ध राहण्याची अपेक्षा वाढली. यामुळे ‘ओव्हरटाइम ऑन मोबाइल’ ही नवीन काम संस्कृती रुजली. भारतीय कामगार बाजारात बहुसंख्य कर्मचारी खासगी क्षेत्रात आहेत, जिथे ही समस्या अधिक तीव्र आहे. त्यामुळे खासगी सदस्य विधेयक म्हणून सुप्रिया सुळे यांनी सादर केलेले हे बिल चर्चेला चालना देते. मुख्य तरतुदी: हक्क की...

 उत्कृष्ट पत्रकार पुरस्काराने सन्मानित; सुनील लोणकर यांचा गौरव  पुणे :      निळू फुले सभागृह, राष्ट्र सेवा दल, साने गुरुजी स्मारक, पर्वती पायथा येथे आयोजित कार्यक्रमामध्ये शिक्षक शिक्षकेतर संघटनेतर्फे उत्कृष्ट पत्रकार पुरस्काराने पत्रकार सुनील लोणकर यांचा गौरव करण्यात आला. ज्येष्ठ नेते उल्हासदादा पवार यांच्या हस्ते पुरस्कार प्रदान करण्यात आला. शिक्षण क्षेत्रातील मान्यवरांची उपस्थिती लाभलेल्या या सोहळ्यात विविध माध्यमांतून लोणकर यांच्यावर अभिनंदनाचा वर्षाव झाला.     या सन्मानाबद्दल कृतज्ञता व्यक्त करताना सुनील लोणकर यांनी आपल्या शिक्षकी संघटनांवरील वृत्तसंकलनाच्या दीर्घ योगदानाची आठवण करून दिली. अनेक वर्षे शिक्षक व शिक्षकेतर संघटनांचे प्रश्न, समस्या आणि गौरवकार्यक्रम समाजासमोर प्रामाणिकपणे मांडण्याचा प्रयत्न केला असून, त्या सेवेला मिळालेलं हे मोलाचं फळ असल्याचे त्यांनी सांगितले.        परिसराशी असलेला भावनिक दुवाही त्यांनी व्यक्त केला. महाविद्यालयीन शिक्षण याच परिसरात पूर्ण झाल्याने अनेक वर्षांनी पुन्हा या ठिकाणचा फेरभेट अनुभव भ...

पुणे–पंढरपूर पालखी मार्गावरील भीषण अपघातात नीरा गावातील दुचाकीस्वाराचा मृत्यू  पुरंदर : नीरा (ता. पुरंदर) येथील पांडुरंग सुरेश मोरे (वय ४८, रा. वार्ड क्र.१) यांचा मंगळवारी (दि. ०२) संध्याकाळी झालेल्या दुर्दैवी अपघातात मृत्यू झाला. मोरे हे संध्याकाळी सुमारे ६.३० वाजता जेजुरीहून नीरेच्या दिशेने MH12KD5545 क्रमांकाच्या दुचाकीवरून निघाले होते. पुणे–पंढरपूर पालखी मार्गावरील धोकादायक पट्ट्यातून जात असताना पुणे–मिरज रेल्वे मार्गावरील गेट ओलांडल्यानंतर त्यांच्या दुचाकीचा अपघात झाला. अज्ञात वाहनाची धडक बसून किंवा दुचाकी रस्त्याच्या कडेला घसरून खाली गेल्याने हा अपघात झाल्याचा प्राथमिक अंदाज व्यक्त केला जात आहे. या दुर्घटनेत मोरे यांचा जागीच मृत्यू झाला. घटनेची माहिती मिळताच नीरा पोलीस दुरक्षेत्राचे पोलीस हवालदार संतोष मदने यांनी तातडीने घटनास्थळी धाव घेत पाहणी केली. पुढील तपास नीरा पोलीस करीत आहेत.

 पुरुषांच्या वाढत्या आत्महत्यांचे गूढ — नीरा शहरासमोरील नवी सामाजिक शोकांतिका  पुरंदर :       नीरा शहर व परिसरात गेल्या वर्षभरात घडलेल्या घटनांची मालिका केवळ आकडेवारी नाही, तर समाजाच्या अंतःकरणाला हादरा देणारा वेदनादायी आरसा आहे. पन्नासहून अधिक पुरुषांनी आत्महत्येचा प्रयत्न केल्याच्या घटना समोर येत आहे, आणि हे संख्यात्मक भयावह वास्तव नीरा शहरासाठी चिंतेचे सत्र बनले आहे.  ही बाब केवळ एखाद्या वैयक्तिक अडचणीची किंवा कौटुंबिक भांडणाची प्रतिक्रिया नाही; तर समोर येणाऱ्या पृष्ठभागाखाली एक सखोल सामाजिक बदल, दबाव आणि मनोव्यथा दडल्या आहेत.  सुसाईड नोटमध्ये गंभीर कारणे नाहीत — खरे कारण कुठे दडलेय?  पोलीस यंत्रणा सांगते की आत्महत्येपूर्वी मिळालेल्या चिठ्ठ्यांमध्ये अनेकदा गंभीर कारणांचे भानही नसते. अनेक वेळा कुटुंबीयांच्या प्रतिष्ठेची भीती आणि गावाकडच्या “काय म्हणतील” संस्कृतीमुळे प्रकरणे दडपली जातात. पण असा प्रश्न निर्माण होतो— मनाचा घात इतका खोलवर जाऊन बसतो, आणि सुसाईड नोट मात्र वरवरची? याचा अर्थ खरे कारण समाजाने मान्य न केलेले भावनिक, आर्थिक किंवा सामा...

 नीरा येथील ज्येष्ठ नागरिक निर्मला तेजमल जैन यांचे निधन : मरनोत्तर नेत्रदान करून मानवतेची सेवा  नीरा (ता. पुरंदर) : नीरा शहरातील ज्येष्ठ नागरिक आणि आदरणीय व्यक्तिमत्त्व म्हणून ओळखल्या जाणाऱ्या निर्मला तेजमल जैन (वय ८२) यांचे नुकतेच निधन झाले. त्यांच्या निधनाने नीरा परिसरात हळहळ व्यक्त केली जात आहे. शांत, संयमी स्वभाव, कुटुंबाबद्दलची निस्सीम निष्ठा आणि सामाजिक जाण या गुणांमुळे त्या परिसरात सर्वश्रुत होत्या.           निर्मला जैन यांनी आपल्या आयुष्यात कुटुंब एकत्र ठेवण्याचे कार्य जपले. त्यांच्या पश्चात तीन मुले, सुना तसेच नातवंडे असा मोठा परिवार आहे. कुटुंबातील सर्व सदस्यांवर त्यांचा मायेचा आणि अनुशासनाचा हात सदैव राहिला. नीरा येथील दिनेश मेडिकलचे मालक नरेंद्र जैन तसेच संतोष जैन व दिनेश जैन यांच्या त्या मातोश्री होत.            विशेष म्हणजे, आपल्या जीवनातील परोपकारी वृत्तीचे दर्शन देत त्यांच्या कुटुंबीयांनी मातोश्रींचे नेत्रदान करण्याचा निर्णय घेतला. त्यामुळे दोन व्यक्तींना नवे प्रकाशमान आयुष्य मिळणार आहे. नेत्रदान हा म...