तलाठ्याच्या ४६४४ जागांसाठी तब्बल १३ लाख अर्ज : तलाठी परीक्षेतून सरकारला 127 कोटींचा महसूल
तलाठ्याच्या ४६४४ जागांसाठी तब्बल १३ लाख अर्ज : तलाठी परीक्षेतून सरकारला 127 कोटींचा महसूल मुंबई दि.२५ राज्यात चार वर्षापासून रखडलेली भरती प्रक्रिया पुन्हा सुरू झाली असून तलाठी पदासाठी४६४४ जागांसाठी जाहिरात प्रसिद्ध झाली आहे. या जागांसाठी राज्यभरात तब्बल १३ लाखांपेक्षा जास्त अर्ज प्राप्त झाले आहेत. या परीक्षा शुल्कापोटी सरकारच्या तिजोरीत तब्बल १२७ कोटी रुपयांचा महसुल जमा झाल आहे. विशेष म्हणजे, पी.एचडी., इंजिनिअर, एमबीए झालेल्या हजारो उच्चशिक्षित बेरोजगार तरुणांनीही अर्ज केले आहेत. राज्यात 4 वर्षांनंतर तलाठी गट(क) भरतीला मुहूर्त मिळाला आहे. सरकारने ४६४४ जागांसाठी भरती प्रक्रिया सुरू असून 26 जूनपासून अर्ज करण्याची प्रक्रिया सुरू झाली. यात २३ जुलैपर्यंत सुमारे १३ लाखांच्या जवळ उमेदवारांनी अर्ज केले आहेत. अजून दोन दिवस म्हणजेच २५ जुलैपर्यंत अर्ज भरण्याला मुदतवाढ देण्यात आली आहे. यामुळे हा आकडा आणखी वाढण्याची शक्‍यता आहे. एकूण जागेच्या तुलनेत आलेल्या अर्जाचा विचार केल्यास एका जागेसाठी २७५ उमेदवार आहेत. त्यामुळे प्रचंड स्पर्धा या परीक्षेसा...