News marathi

 सरपंचांनो सावधान ! गावात बालविवाह झाल्यास पद गेलेच म्हणून समजा, राज्य सरकारने घेतलाय निर्णय  राज्य महिला आयोगाच्या अध्यक्ष रुपाली चाकणकर यांची माहिती पुणे:        बालविवाह प्रतिबंध कायद्याची व्याप्ती वाढवत आता दोन कुटुंबापुरता त्याचा आवाका न ठेवता या कायद्याचा परीघ वाढविण्यात आला आहे. आता आपल्या गावात बालविवाह झाल्यास व त्याची नोंद घेतल्यास गावकारभारी म्हणजेच सरपंचांन दोषी धरत त्यांचे पद जाऊ शक्ते. याबाबतचा निर्णय घेतल्याची माहिती राज्य महिला आयोगाच्या अध्यक्ष रुपाली चाकणकर यांंनी दिली आहे. आता गावात बालविवाह झाल्यास त्याचा फटका सरळ गावकीचे पुढारपण करणाऱ्यांना बसणार आहे. राज्य सरकारने या कायद्याची कठोर अंमलबजावणीचे संकेतच दिले असूून त्याविषयी  च् गंभीरतेचा इशारा दिला आहे. गावात बालविवाह झाल्यास आता सरपंच, ग्रामपंचायत सदस्य, पोलीस पाटील आणि नोंदणी अधिकाऱ्यांवर कारवाई होणार आहे. त्यांच्यावर गुन्हा दाखल होणार आहे. एवढयावरच न थांबता राज्य सरकारने त्यांचे पद रद्द करण्याचा निर्णय घेतला आहे. राज्य महिला आयोगाच्या अध्यक्ष रुपाली चाकणकर यांनी याविषयीची माहिती...

 जागतिक पर्यावरण दिनाच्या निमित्ताने वाल्हे येथे वनविभागाच्या वतीने वृक्षारोपण. वाल्हे दि. ५ जागतिक पर्यावरण दिनानिमित्त वनविभागाच्या वतीने , वाल्हे (ता. पुरंदर) येथील भवानीमाता निसर्ग पर्यटन डोंगर परिसरामध्ये रविवारी ( दि. ५)  वनविभागाच्या वतीने विविध प्रकारच्या वृक्षांची लागवड सरपंच अमोल खवले यांच्या हस्ते करण्यात आली.   याप्रसंगी, वनपाल राहुल रासकर, वाल्हे पोलिस दुरक्षेत्राचे हवालदार संतोष मदने, किशोर कुदळे, दिपक कुमठेकर, त्रिंबक भुजबळ, विशाल भुजबळ, वनमजूर महादेव माने आदि उपस्थित होते. या वेळी जागतिक पर्यावरण दिनानिमित्त जैवविविधता जपण्यासाठी जेजुरी, साकुर्डे, पिंपरे,   वाल्हे आदि परिसरामध्ये विविध प्रकारच्या वृक्षांची लागवड करण्यात आल्याचे, तसेच पावसाळ्यात वाल्हे परिसरासह डोंगर भागात मोठ्या प्रमाणात वृक्ष लागवड करून, त्यांचे संवर्धन करण्यात येणार असल्याचे,   वनरक्षक पोपटराव कोळी यांनी सांगितले.

 पिंगोरी येथे राबवण्यात आली पर्यावरण स्वच्छ्ता मोहीम. वाल्हे दि.५   पुरंदर तालुक्यातील पिंगोरी येथील कावडेवाडी आणि शिंदे नगर या भागात आज पिंगोरी ग्रामस्थ आणि इला फाऊंडेशन  यांच्यावतीने पर्यावरण स्वच्छ्ता मोहीम राबवण्यात आली. यामध्ये  गावातील पाणलोटक्षेत्र ओढे नाले व  रस्त्याच्याकडेला पडलेला प्लॅस्टिक कचरा गोळा करून तो नष्ट करण्यात आला.        आज दिनांक ५ मे रोजी  जागतिक पर्यावरण दिना निमित्त  इला फाऊंडेशन व पिंगोरी येथील  ग्रामस्थ यांच्यावतीने स्वच्छता मोहीम करण्यात आली.  कवडेवाडी पासून ते शिंदेनगर ओढ्या पर्यत  संपुर्ण  प्लास्टिक  गोळा  करण्यात आला व नष्ट  करण्यात आला. यावेळी पिंगोरीचे सरपंच जीवन शिंदे  ग्रामपंचायत सदस्य  संदिप यादव,भाग्यश्री शिंदे, सचिन शिंदे,  राष्ट्रवादीचे तालुका सरचिटणीस निलेश शिंदे,  कुमार पवार, राहुल  लोणकर,  शामराव  गायकवाड, पोपट खोमणे, मयुर गायकवाड, माऊली  खोमणे, इला फाऊंडेशनचे डॉ.सतीश पांडे, डॉ. सुरूची  पांडे,प्रविण यादव व अनेक ...

 वन्य प्राण्यांची तहान भागवून साजरा केला लग्नाचा २५ वा वाढदिवस... परिंचे येथील जाधव दांपत्याचा उपक्रम परिंचे प्रतिनिधी दि.३१         सध्या कडक उन्हाळा सुरू असून सर्वत्र पिण्याच्या पाण्याची टंचाई जाणवत आहे.. मानव जातीबरोबरच मुक्या प्राण्यांना देखील त्याच्या झळा जाणवू लागल्या आहेत.. हेच सामजिक भान राखून पुरंदर तालुक्यातील परिंचे गावचे रहिवासी आणि सध्या व्यवसाया निमित्त बारामती येथे स्थायिक झालेले विजय गणपत जाधव आणि सौ हेमलता विजय जाधव यांनी आपला लग्नाचा वाढदिवस वेगळ्या पद्धतीने साजरा करून समाजापुढे वेगळा आदर्श उभा केला आहे. या उभयतांनी आपल्या लग्नाच्या २५व्या वाढदिवसानिमित्त परिंचे हरणी रस्त्यांवरील वन खात्याच्या हद्दीतील पाणवठ्यात सुमारें सहा हजार लिटरहून अधिक पाणी टँकरद्वारे सोडुन ऐन उन्हाळ्यात पशु पक्ष्यांची तहान भागवण्याचे मोठे काम केले आहे..           त्यांच्या या उपक्रमाला पेशाने शिक्षकअसणारे त्यांचे बंधू अजय व त्यांच्या पत्नी सुषमा जाधव तसेच त्यांचे मेहुणे संतोष एकनाथ जगताप यांनी हजेरी लावत मोलाचा वाटा उचलला. पावसाळा सुरू होईपर्यंत ...

 नीरा येथे पुण्यशलोक अहिल्याबाई होळकर यांची जयंती करण्यात आली साजरी  नीरा दि.३१          नीरा (ता.पुरंदर ) येथे आज दिनांक ३१ मे रोजी पुण्यश्लोक आहील्याबाई होळकर यांची जयंती उत्साहात साजरी करण्यात आली. या निमित्त नीरा ग्रामपंचायतीच्या कार्यालयात होळकर यांच्या प्रतिमेचे पूजन करण्यात आले.       नीरा ता.पुरंदर येथे आज सकाळी १० वाजळेच्या सुमारास मान्यवरांच्या हस्ते अहिल्याबाई होळकर यांच्या प्रतिमेचे पूजन करून त्यांना अभिवादन करण्यात आले.यावेळी पुरंदर पंचायत समितीचे माजी उपसभापती गोरखनाथ माने,,नीरेचे उपसरपंच राजेश काकडे,ग्रामपंचायत सदस्य अनिल चव्हाण, संदीप धायगुडे राधा माने, अभिजित भालेराव,सोमेश्वर कारखान्याचे माजी व्हॉईस चेअरमन वसंत दगडे,माजी उपसरपंच दीपक काकडे,गणेश गडदरे, बाबुराव दगडे,गणपत लकडे,महेश धायगुडे,तात्या लकडे,संदीप जावळे, मच्छिंद्र लकडे,सुनील धायगुडे, भैय्या दगडे आणील दगडे, ग्रामसेवक मनोज ढेरे,पोलीस पाटील राजेंद्र भास्कर पोलीस कर्मचारी संदीप मोकाशी यांच्यासह अनेक नागरिक उपस्थित होते.   यावेळी नीरेचे उपसरपंच राजेश क...

 जाणून घ्या अविवाहित जोडापे लॉजवर एकत्र राहू शकते का? पोलिसांनी त्रास दिल्यास करा तक्रार पुणे दि 30 जर तुम्ही तुमच्या मैत्रिणीसोबत हॉटेलमध्ये असाल आणि पोलिस तुमची चौकशी करण्यासाठी आले तर घाबरण्याची गरज नाही. अविवाहित जोडप्याने हॉटेलमध्ये एकत्र राहणे हा गुन्हा नाही. त्यामुळे हॉटेलमध्ये राहणाऱ्या कोणत्याही अविवाहित जोडप्याला त्रास देण्याचा किंवा अटक करण्याचा अधिकार पोलिसांना नाही.                सर्वोच्च न्यायालयाचे ज्येष्ठ वकील राजेश बागवान याबाबत म्हणतात की, अविवाहित जोडप्यांना हॉटेलमध्ये एकत्र राहण्याचा आणि परस्पर संमतीने शारीरिक संबंध ठेवण्याचा मूलभूत अधिकार आहे. मात्र, यासाठी अट अशी आहे की, दोघेही प्रौढ असावेत. सुप्रीम कोर्टाने स्पष्टपणे म्हटले आहे की, संविधानाच्या कलम 21 मधील मूलभूत अधिकारामध्ये स्वतःच्या इच्छेने कोणाशीही जगण्याचा आणि शारीरिक संबंध ठेवण्याचा अधिकार समाविष्ट आहे. यासाठी लग्न करणे आवश्यक नाही. याचा अर्थ असा की लग्नाशिवाय जोडपे हॉटेलमध्ये एकत्र राहत असतील तर तो त्यांचा मूलभूत अधिकार आहे. हॉटेलमध्ये राहताना पोलिसांनी अविवाह...

 पिसुर्टी येथील रक्तदान शिबिरात ३०  रक्तदात्यानी केले  रक्तदान  नीरा दि. २९        पिसुर्टी (ता.पुरंदर) येथे आज दिनांक २९ मे रोजी  पुण्यश्लोक अहिल्यादेवी होळकर यांच्या जयंतीच्या निमित्त मोरया ग्रुपच्यावतीने रक्तदान शिबिराचे आयोजन करण्यात आले होते. या रक्तदान शिबिरामध्ये ३० रक्तदात्यांनी रक्तदान केले      पुरंदर तालुक्यातील पिसुर्टी येथे पुण्यश्लोक अहिल्यादेवी होळकर यांचा जयंती उत्सव साजरा करण्यात येत आहे. आज दिनांक २९ मे रोजी सकाळी १० ते सायंकाळी ४ वाजण्याच्या दरम्यान रक्तदान शिबिराचे आयोजन करण्यात आले होते. या शिबिरामध्ये एकूण ३० रक्तदात्यांनी रक्तदान केले. तर उद्या  व्याख्यानाचे आयोजन करण्यात आले आहे. दिनांक ३१ मे रोजी  सकाळी दहा  ते  चार  या वेळेत  बैलगाडा शर्यतीचे आयोजन करण्यात आले.त्याचबरोबर सायंकाळी सात वाजता भव्य मिरवणूक होणार असल्याची माहिती मोरया ग्रुपच्या वतीने देण्यात आली आहे. आज झालेल्या या रक्तदान शिबिराला  राष्ट्रवादीचे जिल्हा उपाध्यक्ष भैय्यासाहेब खाटपे, काँग्रेसचे ज्येष्ठ नेते ...

 कडक उन्हाळ्यात श्रीमंत दगडूशेठ हलवाई ट्रस्टने वाल्हे पालखी मैदानातील झाडांना तारले. आठवड्यातून एक दिवस दोन टॅंकरच्या माध्यमातून पालखी मैदानातील झाडांना मुबलक प्रमाणात मिळतेय पाणी. वाल्हे (दि.२६) श्री संत ज्ञानेश्वर महाराज पालखी सोहळ्याचा पुणे जिल्ह्यातील शेवटचे मुक्कामी ठिकाण असलेल्या, वाल्हे (ता.पुरंदर) येथील संत ज्ञानेश्वर महाराज पालखी सोहळ्याचा पुर्वी मुक्कामाचे ठिकाणी जागा कमी पडू लागल्याने, मागील काही वर्षांपासून सुकलवाडी फाट्यानजीक (ता.पुरंदर) असलेल्या ओसाड माळरानावर पालखी सोहळा मुक्कामाचे ठिकाण करण्यात आले असून, शासकीय मालकीचा असलेल्या भव्य पालखी तळ मागील पाच- सहा वर्षांपासून, पालखीतळ सुशोभीकरणातुन, भव्य पालखी मैदानास सीमा भिंत , दोन स्वागत कमाण, हायमास्ट दिवे, पालखी विसावा ओटा आदी कामे शासनाच्या माध्यमातून करण्यात आली होती.  मात्र, संपुर्ण माळरान असल्याने, या माळावर पावसाळा संपल्यानंतर फक्त वाळलेले गवत होते. या भव्य पालखी मैदान परिसरात विविध संस्था, तसेच 'हरितवारी उपक्रमांतर्गत' आळंदी देवस्थान, सिने अभिनेते सयाजी शिंदे यांच्या देवराई संस्था, बाणेर येथील वसुंधरा अभियान...

 ऊस तोड मजुरांना किराणा किटचे वाटप स्व. प्राचार्य हनुमंतराव चाचर विकास प्रतिष्ठान, पुरंदर चा उपक्रम  नीरा दि.२१         मावडी कडेपठार गावातील एकूण २९५.५ एकर एवढे ऊस तोडणी क्षेत्र पूर्ण झाल्यामुळे शेतकऱ्यांमध्ये आनंदाचे वातावरण आहे. त्यामुळे स्व. प्राचार्य हनुमंतराव चाचर विकास प्रतिष्ठान, पुरंदर च्या वतीने महिला वपुरुष ऊस तोड मजुरांना किराणा किट देऊन सन्मान करण्यात आला.   श्री. सोमेश्वर सहकारी साखर कारखान्याचा गाळप हंगाम दि. २०/०५/२०२२ रोजी संपन्न झाला. चालू वर्षात १३,२५,३९५.४१० मे. टनाचे ऊसाचे गाळप कारखान्याने पूर्ण केले . मावडी कडेपठार गाव व परिसरातील कारखान्याकडे नोंद असणाऱ्या २६०.३० तर बिगर नोंद असणाऱ्या ३५.२० अशा एकूण २९५.५ एकर क्षेत्रावरील ऊस तोडणी करण्यासाठी कारखान्याकडून ८ टोळ्या व १ हार्वेस्टर मशीन देण्यात आले होते. या ८ टोळ्या मधील महिला व पुरुष मजुरांच्या मदतीने मावडी गावातील २९५.५ एकरावरील ऊस तोडणी पूर्ण झाल्याची माहिती कारखान्याचे चिटबाय आनंद पाटोळे यांनी दिली.           दर वर्षी पेक्षा यंदाच्या वर्षी...

 राज्यस्तरीय छत्रपती संभाजी महाराज गौरव पुरस्कार 2022 जाहीर  संपादक श्रीराम पवार , लेखक इंद्रजीत सावंत, अभिनेते निखिल चव्हाण ठरले पुरस्काराचे मानकरी जेजुरी प्रतिनिधी दि.७  न्युज मराठी डॉटकॉम  मराठा सेवा संघ - संभाजी ब्रिगेड यांच्या वतीने दरवर्षी दिला जाणारा मनाचा राज्यस्तरीय “छत्रपती संभाजी महाराज गौरव पुरस्कार २०२२” पत्रकारिता क्षेत्रातील योगदानाबद्दल दैनिक सकाळचे संपादक श्रीराम पवार, साहित्यिक क्षेत्रातील योगदानाबद्दल इंद्रजीत सावंत आणि सिनेक्षेत्रातील योगदानाबद्दल सिनेअभिनेते निखिल चव्हाण यांस जाहीर करण्यात आलेला आहे.             छत्रपती संभाजी महाराजांचा जयंती सोहळ्यानिमित्त शनिवार दिनांक १४ मे २०२२ ला पुरंदर किल्ल्यावर आयोजित कार्यक्रमात खा. युवराज छत्रपती संभाजी राजे भोसले ,खा.सौ.सुप्रिया सुळे, राज्यमंत्री विश्वजित कदम,  आ. रोहित पवार, आ.संजय जगताप , मराठा सेवा संघ – संभाजी ब्रिगेडचे प्रदेशाध्यक्ष प्रवीणदादा गायकवाड आणि इतर मान्यवरांच्या  शुभहस्ते पुरस्काराचे वितरण होणार आहे, विविध क्षेत्रात अतुलनीय कामगिरी करणाऱ्या ...

  प्राजक्ता बोराडे यांना वै.इंदुमती पवार स्मृती सामाजिक कृतज्ञता पुरस्कार प्रदान       नीरा दि.७    कृतज्ञता प्रतिष्ठान, पैलवान ग्रुप आणि गुरु हनुमान तालीम, शिवतक्रार-निरा यांच्या वतीने देण्यात येणारा सामाजिक कृतज्ञता पुरस्कार सोहळा २०२२ हा प्राजक्ता बोराडे याना देण्यात आला आहे.पुरंदर चे आमदार संजय जगताप यांच्या हस्ते हा पुरस्कार प्रदान करण्यात आला.  त्याच बरोबर कै. विश्वनाथ सपकाळ (गुरुजी) स्मृती सामाजिक कृतज्ञता पुरस्कार मा. वस्ताद बुवाजी लिमण यांना वस्ताद  प्रकाशशेठ सावंत यांच्या शुभहस्ते प्रदान करण्यात आला.           नीरा नाजूक पिंपरे खुर्द येथील संकेत लॉन मंगल कार्यालयात मॅट वरील कुस्ती स्पर्धांचे आयोजन करण्यात आले होते. यावेळी हे पुरस्कार प्रदान करण्यात आले यावेळी झालेल्या कुस्ती स्पर्धेत   यामध्ये मोठ्या गटात पै. गणेश कोकरे यानी प्रथम क्रमांक मिळवला.दुसरा नंबर पै. आदर्श पाटील याने मिळवला  तीसरा नंबर पै. जय भांडवले,  महिलांच्या मोठ्या गटात.सांगलीची पै. प्रतिक्षा बागडी, हिने प्रथम.क्रमांक म...

  सासवड येथे पत्रकार व पोलीस यांच्यावतीने मुस्लीम बांधवांसाठी   इप्तार पार्टीचे आयोजन सासवड दि.२९ पुरंदर तालुक्यातील सासवड येथे आज दिनांक २९ एप्रिल रोजी इप्तार पार्टीचे आयोजन करण्यात आले होते. मुस्लीम बांधवांचे सध्या रोजे सुरु आहेत. अनेक मुस्लीम बांधव या महिन्यात रोजे पाळत असतात्त सायंकाळी हे रोजे सोडले जातात.          सासवड पोलीस स्टेशन व सासवड शहर पत्रकार संघाच्यावतीने दरवर्षी इप्तार परतीचे आयोजन करण्यात येते. त्या प्रमाणे आज या पार्टीचे   आयोजन करण्यात आले होते. यावेळी   सासवड शहरतील सर्व   मुस्लिम बांधवाना पत्रकार संघाच्यावतीने तसेच पोलीस प्रशासनाच्या वतीने   रमाजनच्या   शुभेच्छा देण्यात आल्या. याप्रसंगी   पत्रकार   हेमंत ताकवले, श्रीकृष्ण नेवसे, बाळसाहेब कुलकर्णी,   वामन जगताप,   आरोग्य आधिकारी मोहन चव्हाण, तसेच मुस्लिम समाज चे आरीफ आतार,   हासन तांबोळी, आकबर ईनामदार, समस्त मुस्लिम समाज उपस्तीत होता.  

  जबरदस्त वास्तव: लोकशाही आणि आजची मुसलमानाची आजची अवस्था : पैगंबर शेख

 जाती धर्माचे प्रश्न राजकारणी टोकदार करतायत .पण ते आमचे प्रश्न नाहीत.आपले प्रश्न वेगळे आहेत त्यावर लक्ष केंद्रित करायला हवेत : मिलिंद कसबे 

 कै.दिनकरराव सावंत स्मृति प्रतिष्ठानचे पुरस्कार. राहुल शिंदे व ह.भ.प. आनंद तांबे यांना करण्यात आले प्रदान  आमदार संजय जगताप यांच्या हस्ते पुरस्काराचे वितरण सासवड प्रतिनिधी दि.१८      सामाजिक क्षेत्रात उत्कृष्ठ कामगिरी बजावलेल्या संस्था व व्यक्ती यांना गेली पंचवीस वर्षापासून कै. दिनकरराव सावंत स्मृति प्रतिष्ठानच्या ‌वतीने पुरस्कार दिले जातात. पुरंदरचे आमदार संजय जगताप यांच्या हस्ते पुरंदर तालुका पत्रकार संघाचे माजी अध्यक्ष राहुल शिंदे तसेच पिंपरी - चिंचवड देवस्थानचे विश्वस्त व ह. भ. प. आनंद तांबे यांना यंदाचे हे राज्यस्तरीय पुरस्कार प्रदान करण्यात आले.          पत्रकारितेतून विविध सामाजिक प्रश्नांना वाचा फोडून समाजाला न्याय मिळवून देणारे पुरंदर तालुका पत्रकार संघाचे माजी अध्यक्ष व मराठी पत्रकार परिषद, मुंबई संचलित पुणे जिल्हा सोशल मिडियाचे उपाध्यक्ष पत्रकार राहुल शिंदे, तसेच पिंपरी - चिंचवड देवस्थानचे विश्वस्त व हरी भक्त परायण आनंद तांबे यांनी आपल्या किर्तनातून अनेक वर्षापासून केलेल्या समाजप्रबोधनाच्या कार्याबद्दल प्रतिष्ठानच्या वतीने र...

  नीरा येथे विविध ठिकाणी महामानव डॉ.बाबासाहेब आंबेडकर यांची जयंती साजरी   नीरा दि. १४              नीरा (ता.पुरंदर) येथे आज विविध ठिकाणी  महामानव डॉ.बाबासाहेब आंबेडकर यांची जयंती साजरी करण्यात आली. नीरा येथील ग्रामपंचायत कर्यालयात नीरेच्या सरपंच तेजश्री काकडे,उपसरपंच राजेश काकडे यांच्या हस्ते  डॉ.आंबेडकर यांच्या प्रतिमेचे पूजन करण्यात आले.           नीरा येथे महामानव डॉ.बाबासाहेब आंबेडकर यांची जयंती साजरी मोठ्या उत्साहात साजरी केली जाते. दोन दिवस या निमित्त विविध कार्यक्रमांचे आयोजन केले जाते. आज सकाळी नीरा येर्थिल सर्वोदय   सोसायटीच्या प्रांगणात महामानव डॉ.बाबासाहेब आंबेडकर व तथागत गौतम बुद्धांच्या प्रतिमांचे पूजन मान्यवरांच्या हस्ते करण्यात आले.तर वार्ड नंबर चार मध्ये निरेचे माजी उपसरपंच कुमार मोरे  व त्यांच्या मंडळाच्या वतीने महामानव डॉ.बाबासाहेब आंबेडकर व तथागत गौतम बुद्धांच्या प्रतिमांचे पूजन नीरा औट पोस्टचे पोलीस उपनिरीक्षक कैलास गोतपागर यांच...

  उत्कृष्ठ समाजकार्यासाठी " कै.दिनकरराव सावंत स्मृति प्रतिष्ठानचे पुरस्कार जाहिर.        जेजुरी प्रतिनिधी _ दि.१४          सामाजिक क्षेत्रात उत्कृष्ठ कामगिरी बजावलेल्या संस्था ,  व व्यक्ती यांना गेली पंचवीस वर्षापासून  "कै. दिनकरराव सावंत स्मृति प्रतिष्ठानच्या " ‌वतीने पुरस्कार दिले जातात.       पुरंदर तालुका पत्रकार संघाचे माजी अध्यक्ष व निरा येथील पत्रकार श्री राहुलजी शिंदे यांनी आपल्या परिकारितेतून  विविध सामाजिक प्रश्नांना वाचा फोडून अनेकांना न्याय मिळवून दिलेला आहे. त्यांना " आदर्श पत्रकारिता " तसेच पिंपरी _चिंचवड देवस्थानचे विश्वस्त व ह. भ. प. श्री आनंद तांबे यांनी आपल्या किर्तनातून बऱ्याच वर्षापासून समाजप्रबोधनाचे कार्य करीत असल्याने त्यांना " समाजभूषण " यंदा यां दोघांना प्रतिष्ठानच्या वतीने पुरस्कार जाहिर झालेले असून त्या पुरस्काराचा वितरण समारंभ पुरंदर तालुक्याचे विद्यमान आमदार संजयजी जगताप यांच्या हस्ते होणार आहे.         पुरस्कार वितरणावेळी प्रतिष्ठानचे अध्यक्ष श्री ...

  जलजीवन बाबत   तालुक्यातील ४१ गावातील गाव कारभारी उदासीन   कागदपत्रांची तातडीने पूर्तता करण्याची आमदार संजय जगताप यांची सुचना     सासवड दि.९     पुरंदर तालुक्यातील ४१ गावांनी   जलजीवन योजने अंतर्गत होणाऱ्या योजनेसाठी विविध कागद पत्रांची पूर्तता केली नसल्याची माहिती पुढे आली आहे. या गावातील गाव कारभाऱ्यांनी तातडीने कागद पत्रांची पूर्तता करण्याच्या सुचना आ.संजय जगताप यांनी दिल्या आहेत.        आज दिनांक ९ एप्रिल   रोजी सासवड येथे   आमदार संजय जगताप यांच्या अध्यक्षतेखाली टंचाई आढावा बैठकीचे आयोजन करण्यात आले होते.यावेळी तालुक्यातील विविध भागात आगामी काळात पाणी टंचाई बाबत येणाऱ्या अडचणी व त्यावर करावयाच्या उपाय योजना बाबत चर्चा करण्यात आली.यावेळी अनेक गावातील लोकांनी उन्हाळ्या मध्ये पाणी टंचाई बाबत माहिती देत, उपाय योजना करण्याबाबत तातडीने कार्यवाही करण्याची मागणी केली. यावेळी   माजी उपसभापती गोरखनाथ माने,जिल्हा परिषद सदस्य   दत्ता झुरुंगे ,माजी जिल्हा परिषद सदस्य सुदाम इंगळे, सुनिता कोलते...

 वाल्हे येथे उद्या पासून सुरू होणार "भैय्यासाहेब  खाटपे चषक २०२२" क्रिकेट सामने .   नीरा  दि.१    पुरंदर तालुक्यातील वाल्हे येथे उद्यापासून  भैय्यासाहेब चषक क्रिकेट सामने सुरू होत आहेत. राष्ट्रवादी काँग्रेसचे जिल्हा उपाध्यक्ष भैय्यासाहेब खाटपे  यांच्यावतीने  भव्य क्रिकेट सामान्यांचे आयोजन करण्यात आले आहे.         खुल्या गटात हे सामने होणार असून विजेत्या संघाला ७१ हजार  रुपये रोख व ट्रॉफी दिली जाणार आहे.तर उपविजेत्या संघाला ५१ हजार एक रुपयाचे रोख  व ट्रॉफी असे बक्षीस असणार आहे.त्याच बरोबर अन्य दोन संघांना सुध्दा तिसरे आणी चौथे बक्षीस दिले जाणार आहे. यामध्ये तिसरे बक्षीस २१ हजार रोख व चौथे बक्षीस ११ हजार रोख असे असणार असल्याची माहिती  भैय्यासाहेब खतापे यांनी दिली आहे.    उद्या सकाळी १० वाजता पाडव्याच्या मुहूर्तावर या सामन्याचे उद्घाटन  आमदार संजय जगताप व जिल्हा बँकेचे अध्यक्ष दिगंबर दुर्गाडे यांच्या उपस्थित भोर उपविभागीय अधिकारी धनंजय पाटील यांच्या हस्ते होणार आहे. त्याच बरोबर  सुरवातीचा सा...

 माळशिरस येथील भुलेश्वर मंदिरात रंगला किरणोत्सव सोहळा..  माळशिरस दि.२९   पुरंदर तालुक्यातील माळशिरस येथील भुलेश्वर मंदिरामध्ये र दिनांक 27 28 आणि 29 मार्च या दिवशी किरणोत्सव सोहळा रंगला होता, सूर्याची किरणे या तीन दिवशी थेट शंभू महादेवाच्या पिंडीवर पडत असल्याचा अनुभव येथील भक्तांनी याची डोळा याची देही अनुभवला       पुरंदर तालुक्‍याच्या पूर्व भागातील माळशिरस येथील, पुणे जिल्ह्यामध्ये शिल्प सौंदर्याचा खजिना म्हणून ओळख असणाऱ्या भुलेश्वर महादेवाच्या मंदिरात दर वर्षी २७ मार्च २८ मार्च आणि २९ मार्च असा सलग तीन दिवस किरणोत्सव सोहळा होत असतो. गेल्या तीन वर्षांमध्ये हा योग भुलेश्वर भक्तांना पाहता आला नव्हता. कोरोणा या विषाणूजन्य आजारामुळे सलग तीन वर्ष न पाहता आलेला किरणोत्सव... या वर्षी सलग तीन दिवस उपस्थित राहून भुलेश्वर भक्तांनी पाहण्याचा आनंद घेतला... यावेळी 'हर हर महादेव' 'भुलेश्वर महाराज की जय', असा जयघोष करत भक्तगणांनी भुलेश्वराचे दर्शन घेतले.