'माणुसकीचा गाव' पुस्तकाचे चौदा एप्रिल रोजी प्रकाशन
'माणुसकीचा गाव' पुस्तकाचे चौदा एप्रिल रोजी प्रकाशन नीरा दि.८ गुळुंचे (ता.पुरंदर) येथील प्रवीण जोशी हे माण तालुक्यात जिल्हा परिषद प्राथमिक शाळा वाघमोडेवाडी येथे मुख्याध्यापक म्हणून कार्यरत आहेत. प्रवीण जोशी लिखित माणुसकीचा गाव या पुस्तकाचे प्रकाशन दहिवडी (ता.माण) येथे होणार असून यानिमित्ताने आयोजित कार्यक्रमाला उपस्थित राहण्याचे आवाहन संयोजकांकडून करण्यात आले आहे. शिक्षण उपसंचालक देविदास कुलाळ व ग्रामीण साहित्यिक प्रा. व. बा. बोधे यांच्या हस्ते पुस्तकाचे प्रकाशन होणार आहे. कार्यक्रमासाठी माण तालुका गटशिक्षणाधिकारी माणिक राऊत यांसह शिक्षणविस्तार अधिकारी उपस्थित राहणार आहेत. शंकरराव भेलके महाविद्यालयाचे मराठी विभागप्रमुख डॉ. जगदीश शेवते, शिवछत्रपती आर्ट्स व कॉमर्स कॉलेजचे मराठी विभागप्रमुख डॉ. वैजीनाथ राख, मिरज येथील शेठ र. वि. गोसलीया कॉलेजचे व्याख्याते प्रा. उत्तम पांढरे, विशेष सरकारी वकील ऍड. बापूसाहेब शिलवंत, ऍड. पृथ्वीराज चव्हाण, ऍड.अमोल यादव, किरण बोधे व पत्रकार परिषदेचे भरत निगडे उपस्थित राहणार आहेत. लेखक जोशी यांनी ...