पोलीस पाटलांच्या मागण्यांबाबत सकारात्मक विचार करणार : विधानसभा उपाध्यक्ष अण्णा बनसोडे
नीरा,दि.११: राज्यातील पोलीस पाटलांच्या विविध प्रलंबित मागण्यांचा सकारात्मक विचार करून त्यावर उपाययोजना करण्यात येणार असल्याचे विधानसभेचे उपाध्यक्ष अण्णा बनसोडे यांनी सांगितले.विधानभवन येथे बनसोडे अध्यक्षतेखाली गावकामगार पोलीस पाटील संघटनेची बैठक आयोजित करण्यात आली होती. या बैठकीस संबंधित विभागाचे मंत्रालय अधिकारी , संघटनेचे पदाधिकारी यांच्यासह राज्यभरातून पोलीस पाटील प्रतिनिधींनी उपस्थित होते. याबाबतची माहिती पोलिस पाटील संघांचे कार्याध्यक्ष विजय कुंजीर पाटील यांनी नीरा येथे माध्यमांना दिली
बनसोडे यांच्याबरोबर झालेल्या बैठकीमध्ये पोलीस पाटलांचे सेवानिवृत्ती वयोमर्यादा ६० वरून ६५ करणे, पोलीस पाटलांची तक्रार आली तर त्या तक्रारीची चौकशी उपविभागीय अधिकारी स्तरावर करण्यात यावी.जे गाव महानगरपालिकेत, नगरपालिका मध्ये जाईल तेथील पोलीस पाटलांची पर्याय व्यवस्था करण्यासाठी प्रयत्न केला जावा. रिक्त पदाची भरती करण्यात यावी. या प्रमुख मागाण्यांसह विविध समस्या बाबत गृहराज्यमंत्री यांच्या उपस्थितीतही बैठक लावण्यात येईल.असे आश्वासन बनसोडे यांनी पोलीस पाटलांच्या शिष्टमंडळाला दिले.
उपाध्यक्ष बनसोडे म्हणाले, ग्रामीण भागातील कायदा व सुव्यवस्था सुरळीत राखण्यात पोलीस पाटलांचा मोलाचा वाटा असल्याने त्यांच्या प्रश्नांकडे गांभीर्याने पाहणे आवश्यक आहे. पोलिस पाठलांच्या समस्यांचे तातडीने निराकरण केले जाईल या बैठकीला पोलीस पाटील संघाचे राज्याध्यक्ष बाळासाहेब शिंदे याच्यासह बैठकीस पोलीस पाटील संघटनेचे पदाधिकारी मोठ्या संख्येने उपस्थित होते.
No comments:
Post a Comment