निरेच्या नगररोडवर ट्रक व दुचाकीचा भिषण अपघात. दुचाकीस्वार ठार. दुचाकीवरील पती पत्नी गेले होते मुलाला आश्रमशाळेत भेटायला

निरेच्या नगररोडवर ट्रक व दुचाकीचा भिषण अपघात. दुचाकीस्वार ठार. 

दुचाकीवरील पती पत्नी गेले होते मुलाला आश्रमशाळेत भेटायला 

पुरंदर : 

     नीरा शहरातील अहिल्यानगर सातारा महामार्गावर भिषण अपघात झाला आहे. ट्रकला डाव्या बाजूने ओव्हरटेक करण्याच्या प्रयत्नात दुचाकीस्वार ट्रकच्या चाकाखाली आला. दुचाकीस्वार गंभीर जखमी झाल्याने उपचारासाठी आधी निरेतील खाजगी दवाखान्यात व नंतर पुढिल उपचारासाठी लोणंदकडे रवाना केले, मात्र उपचारापूर्वीच ते मृत पावले होते. अपघातात दुचाकीस्वार विजय कुवरलाल साखरे, रा. बोपर्डी जिल्हा नागपूर हल्ली मुक्कामी वाई एम.आय.डी.सी. असे नाव आहे. 

     आज शनिवारी (दि.६) सायंकाळी ४.४५ वाजता अहिल्यानगर सातारा महामार्गावर मोरगाव किंवा बारामती दिशेने येणाऱ्या ट्रक क्रमांक एम.एच. २०- जी. सी. ७८११ या ट्रकाला हॉंडा शाईन क्रमांक एम.एच. ११- सी.झेड ३१०२ यांच्यात अपघात झाला आहे. दुचाकीवरील चालक विजय साखरे व मागे बसलेली महिला लता साखरे रस्त्याच्या मध्यावरुन चाललेल्या ट्रकला डाव्याबाजूने ओव्हरटेक करताना दुचाकी घसरली दुचाकी व मागे बसलेली महिला रस्त्यावर कोसळल्या, मात्र दुचाकीस्वार थेट ट्रकच्या खाली गेला. दुचाकीस्वाराने हेल्मेट घातले होते पण गाडीवरुन दुचाकीस्वार खाली पडताच हेल्मेट डोक्यातून पुढे निघून गेल्याचे प्रत्यक्षदर्शींनी सांगितले. 

   अपघातात दुचाकीस्वाराचे प्रचंड रक्तस्त्राव झाला होता. नीरेतील एक खाजगी हॉस्पिटल समोरच हा अपघात घडल्याने तातडीने उपचारासाठी दवाखान्यात दाखल करण्यात आले पण परिस्थिती गंभीर असल्याने डॉक्टरांनी लोणंदकडे रवाना केले. नीरा पोलीस दुरक्षेत्राचे पोलीस सह उपनिरीक्षक रविराज कोकरे व हवालदार संतोष मदने घटनास्थळी भेट देत दोन्ही वाहने ताब्यात घेतली. 

    

     नागपूर जिल्ह्यातील बोपर्डी येथील विजय साखरे वाई (जिल्हा सातारा) एम.आय.डी.सी. मध्ये कामगार म्हणून दोन महिन्यांपासून काम करतायेत. विजय व लता साखरे वरवंड (ता.दौंड) भागातील एक आश्रम शाळेत बार वर्षांचा सहावीत शिकणाऱ्या आपल्या मुलाला भेटायला गेले होते. मुलाला भेटून वाई कडे निघालेल्या या दांपत्याच्या दुचाकीचा अपघात झाला आहे.