उपमुख्यमंत्री अजित पवार यांच्या बारामतीतील सहयोग निवासस्थानासमोर वंचित बहुजन आघाडीचे आंदोलन

 उपमुख्यमंत्री अजित पवार यांच्या बारामतीतील सहयोग निवासस्थानासमोर वंचित बहुजन आघाडीचे आंदोलन

राज्य सरकारने समाज कल्याणचा निधी लाडकी बहीण योजनेकडे वळवला : वंचित बहुजन आघाडीचा आरोप

 बारामती दि.८

          राज्य सरकारने लाडकी बहीण योजनेसाठी समाज कल्याणचा निधी वळवणल्याचा आरोप करत वंचित बहुजन आघाडीच्यावतीने बारामती मध्ये आंदोलन करण्यात आलाय. समाज कल्याणचा हा निधी आम्हाला परत करावा. या मागणीसाठी उपमुख्यमंत्री अजित पवार यांचे निवासस्थान सहयोग सोसायटी समोर आंदोलन करण्यात आलंय. 

       राज्य सरकाने उपमुख्यमंत्री व अर्थमंत्री अजित पवार यांच्या सांगण्यावरून 745 कोटीचा निधी हा लाडक्या बहिणीसाठी वळवण्यात आला असून, ज्यांनी हा निधी वळवलाय त्यांच्यावर ॲट्रॉसिटी अंतर्गत गुन्हा नोंद करावा. अशी मागणी वंचित कडून करण्यात आली आहे. यावेळी वंचित बहुजन आघाडीचे कार्यकर्ते मोठ्या प्रमाणात उपस्थित होते. कार्यकर्त्यांनी यावेळी सरकार विरोधात घोषणाबाजी केलीय.

 

अनुसूचित जाती जमातीचा हा निधी इतरत्र वळवला जाऊ नये म्हणून याला बजेटचा कायदा करावा.

      यावेळी बहुजन विकास आघाडीचे युवा अध्यक्ष मंगलदास निकाळजे म्हणाले की, महाराष्ट्र सरकारने अनुसूचित जाती जमाती व नवबौद्ध समाजाचा निधी लाडकी बहीण योजनेसाठी वळवल्याच्या निषेधार्थ आज आम्ही हे आंदोलन केले आहे. हे आंदोलन अनुसूचित जातीचा 410 कोटीचा निधी अनुसूचित जमातीचा 335 कोटीचा निधी एकूण मिळून 745 कोटीचा निधी महाराष्ट्र सरकारने लाडकी बहीण योजनेसाठी वळवला आहे. हा निधी आमचा परत करावा. या निधीसाठी बजटचा कायदा करावा. जेणेकरून आमचा हा निधी कोणी इतरत्र वळवणार नाही. हा निधी वळवणारांवर ॲट्रॉसिटी कायद्याअंतर्गत गुन्हा दाखल करावा. ही आमची मागणी आहे. महाराष्ट्र सरकारने आमच्या या आंदोलनाची दखल घेऊन आमचा हा निधी परत करावा अशी या आंदोलनाच्या माध्यमातून आम्ही मागणी करत आहोत.