News marathi

  ज्यांनी त्यांच्या बायकोला हरवण्यासाठी ताकद लावली त्यांनाच उमेदवारी ?  ही तर वैचारिक दिवाळखोरी : विजय शिवतारे  नीरा दि.३१     लोकसभा निवडणुकीमध्ये अजित पवार यांच्या पत्नी सुनेत्रा पवार यांना पराभूत करण्यासाठी ज्यांनी प्रयत्न केले, आपला पैसा खर्च केला, त्यांना अजित पवार आपल्या पक्षामधून उमेदवारी देतात हे फारच आश्चर्यजनक असल्याचे   शिवसेनेचे प्रवक्ते विजय शिवतारे यांनी म्हटलं आहे. लोकसभा निवडणुकीच्या वेळी आम्ही पुरंदर मधून ताकद पणाला लावली म्हणून तरी सुनेत्रा पवार यांना 90 हजारापेक्षा जास्त मते मिळाली. अजित पवारांचे हे वागणं समजण्या पलीकडचे असल्याचे म्हणत, याबाबत वरिष्ठ निर्णय घेतील अस विजय शिवतारे यांनी म्हटले आहे. ते आज नीरा येथे माध्यमांशी बोलत होते.       विजय शिवतरे यांनी आज नीरा येथून आपल्या प्रचाराला सुरुवात केली आहे. घराघरात जाऊन विजय शिवतारे यांनी मतदारांशी संपर्क साधला. मतदारांशी संपर्क साधण्यासाठी फारच कमी कालावधी असल्यामुळे आपला कोणत्याही प्रकारे वेळ वाया न घालवता विजय शिवतरे हे आता कामाला लागले आहेत.या दरम्यान त्यांनी नीरा ...

 मराठी रंगभूमी दिनाच्या निमित्ताने प्रविण जोशी यांच्या 'पनव्या' कादंबरीचे प्रकाशन  पुरंदर :    मौजे गुळुंचे (ता. पुरंदर ) येथील प्रसिद्ध ग्रामीण लेखक व कवी प्रविण अशोकराव जोशी यांच्या पनव्या या कादंबरीचे प्रकाशन मराठी रंगभूमी दिनाच्या निमित्ताने येत्या (ता. 5) नोव्हेंबर रोजी करण्यात येणार आहे. नीरा शिवतक्रार (ता. पुरंदर ) येथील ग्रामपंचायत कार्यालयाच्या सभागृहात प्रकाशन सोहळा संपन्न होणार आहे.     नंदीबैलाचा खेळ करणाऱ्या मेढंगी जोशी या भटक्या समाजातील स्त्री जीवनावर आधारित ही कादंबरी आहे. स्वातंत्र्योत्तर काळ ते आजातगायत या कालखंडात या जमातीला करावा लागणारा संघर्ष, त्यांच्या व्यथा, वेदना, अडचणी या कादंबरीत लेखक प्रविण जोशी यांनी रेखाटल्या आहेत. कादंबरीचे कथानक काल्पनिक असले तरी वास्तवाला भिडण्याचे सामर्थ्य या कथानकात असल्याचे महाराष्ट्र साहित्य परिषदेचे शिरूर तालुक्याचे अध्यक्ष कुंडलिक कदम यांनी सांगितले.    सावित्रीबाई फुले पुणे विद्यापीठाच्या मराठी अभ्यास मंडळाचे अध्यक्ष प्रा. डॉ. संदीप सांगळे यांच्या हस्ते पुस्तकाचे प्रकाशन होणार आहे. अध्यक्ष...

 पुरंदर मध्ये सात जणांचे  उमेदवारी अर्ज  अवैध  दिगंबर दुर्गाडे, संदीप जगदाळे, जालिंदर कामठे, दत्ता झुरंगे, बळीराम सोनवणे आदींचे उमेदवारी अर्ज अवैध  पुरंदर :        पुरंदर हवेली विधानसभा मतदारसंघातून भरलेल्या उमेदवारी अर्जाची छाननी आज बुधवारी पूर्ण करण्यात आली आहे. यामध्ये ७ उमेदवारांचे अर्ज हे अवैध ठरले आहेत. पुरंदर हवेली विधानसभा मतदारसंघातून ४० उमेदवारांनी आपले उमेदवारी अर्ज दाखल केले होते. यापैकी ३३ उमेदवारी अर्ज वैध ठरले असून ७ उमेदवारी अर्ज हे पक्षाचे एबी फॉर्म न मिळाल्याने अवैध ठरले आहेत. यामध्ये राष्ट्रवादी काँग्रेस अजित पवार गटाचे नेते जिल्हा बँकेचे अध्यक्ष प्रा. दिगंबर दुर्गाडे यांचा देखील समावेश आहे.     पुरंदर हवेली विधानसभा मतदारसंघातून निवडणूक लढवण्यासाठी महायुती कडून अनेक जण इच्छुक होते. त्यामुळे महायुतीतून मोठ्या प्रमाणात अर्ज दाखल करण्यात आले होते. विशेषता राष्ट्रवादी काँग्रेस अजित पवार, भारतीय जनता पार्टी, शिवसेना या पक्षांच्यावतीने बहुसंख्य उमेदवारांनी आपल्या उमेदवारी अर्ज दाखल केले होते. मात्र त्यांना एबी फॉर...

 संभाजी झेंडे यांच्याकडून एनसीपी अजित पवार गटाचा एबी फॉर्म सादर : आबासाहेबांना घड्याळ चिन्ह  पुरंदर विधानसभा निवडणुकीत २८ उमेवारंनी ४० अर्ज दाखल केले : १०३ अर्जांची विक्री  पुरंदर :       पुरंदर विधानसभा मतदारसंघाच्या निवडणुकीत अर्ज दाखल करण्याच्या शेवटच्या दिवशी २८ उमेदवारांनी ४० अर्ज सादर केले आहेत. आमदार संजय जगताप यांनी आज मंगळवारी मोठ्या जनसमुदायासह शक्ती प्रदर्शन करत अर्ज दाखल करत मोठी सभा घेतली. आज शेवटच्या दिवशी संभाजी झेंडे यांनी एनसीपी अजित पवार गटाचा एबी फॉर्म निवडणुक निर्णय अधिकाऱ्यांकडे दाखल केला आहे. महायुतीतून काल शिवसेनेचे उपनेते व माजी राज्यमंत्री विजय शिवतारे यांनी शिवसेनेच्या एबी फॉर्म दाखल केला आहे. यामुळे महायुतीत मैत्रीपूर्ण लढत वाटत असली तरी काटशहच्या या राजकीय खेळीत झेंडेंनी आपलं वर्चस्व सिद्ध केले आहे.      आज मंगळवार दि. २९ ऑक्टोबर रोजी नामनिर्देशन पत्र दाखल केलेल्या उमेदवारांची नावे पुढील प्रमाणे. 1) विशाल अरुण पवार (अपक्ष), २) संदीप उर्फ गंगाराम मारुती जगदाळे(भाजपा, अपक्ष), ३) शंकर बबन हरपळे( अपक्ष शिवसेना उबाठा), ...

 अखेर आबासाहेबांच ठरलं! साहेबांना एनसीपीच टिकिट! पुरंदर : पुरंदरच्या विधानसभा निवडणुकीत मोठे ट्विस्ट होणार असल्याचा अंदाज द न्युज मराठीने वर्तवला होता. सनदी अधिकारी संभाजी झेंडे मोठी राजकीय खेळी खेळत असल्याचेही सांगितले होते. आज मंगळवारी दुपारपर्यंत झेंडे यांना एनसीपी अजित पवार गटाची उमेदवारी जाहीर होऊ शकते असे विश्वसनीय सूत्रांनी सांगितले आहे.           महाविकास आघाडीतून विद्यमान आमदारांन टिकिट निश्चित झाले तरी महायुतीतून उमेदवार निश्चित होत नव्हता. माजी राज्यमंत्र्यांना उमेदवारी जाहीर झाली तरी महायूतीत सर्व आलबेल नसल्याचे दिसून येत आहे. कारण एनसीपी गटाचे एकही कार्यकर्ता अर्ज दाखल करताना हजर नसल्याने उलट सुलट चर्चांना उधाण आले आहे. त्यातच अजित पवारांचे विश्वासू पिडीसी बॅंकेचे चेअरमन डॉ. दिगंबर दुर्गाडे यांनी काल सोमवारी अर्ज दाखल केला. माजी सनदी अधिकारी संभाजी झेंडे यांनी ही काल मंगळवारी अर्ज दाखल करत मोठे शक्ती प्रदर्शन केले. झेंडे हे मोठ्या पक्षाचे टिकिट खेचून आणणारच या भुमिकेत आहेत. रात्री झालेल्या हलचालींवरून झेंडे एनसीपी अजित पवार गटाच्या बड्या न...

 अन् खा.शरद पवार यांनी केली अपघातग्रस्त शालेय विद्यार्थ्यांला वैद्यकीय उपचारासाठी आर्थिक मदत बारामती प्रतिनिधी :         अन् अवघ्या एका फोनवर जखमी शालेय विद्यार्थ्यावर १५ लाख रुपयांचा वैद्यकीय खर्च खा. शरद पवार यांनी उचलुन उपचाराच्या चिंतेत असलेल्या वाईकर कुटुंबाला सुखद धक्का मिळाला आहे.      २० ऑक्टोबर २०२४ रोजी दहावीत शिकणाऱ्या दादा सदानंद वायकर या पंधरा वर्षांच्या शालेय विद्यार्थ्यांचा निरा - बारामती या राज्य मार्गावर शरद संकुल जवळ भिषण अपघात झाला. त्यास सामाजिक कार्यकर्ते संदीप आढाव यांनी वेळीच मदत केल्याने बारामतीत प्राथमिक उपचार करून पुण्यातील नामवंत रुबी हॉल क्लिनिक मधे तातडीने शस्त्रक्रिया केली.   त्यांच्या पुढील उपचारासाठी १५ लाख रुपये खर्च करावा लागेल असे डॉक्टरांनी सांगितले. यावर मोलमजुरी व भिक्षा मागून जिवन जगणाऱ्या भटक्या जोशी समाजाच्या वाईकर कुटुंबाच्या पायाखालची वाळू सरकली. अखेर लोकवर्गणी करुन उपचार करावयाचे ठरविले.         मात्र खा.शरद पवार यांच्या रुपाने त्यांना देवदुत सापडला. आज गोविंद बागेत जखमी दाद...

 पुरंदर विधानसभा निवडणुकीत १४ उमेवारंनी २० अर्ज दाखल केले : १०० अर्जांची विक्री  मतदारसंघात महाविकास आघाडी व महायूतीत सर्व काही आलबेल नसल्याचे दिसून येत आहे.  पुरंदर : पुरंदर विधानसभा निवडणुकीत सोमवार दि.२८ ऑक्टोबर रोजी १२ नामनिर्देशन पत्र सादर करण्यात आले. महायुती व महाविकास आघाडीतील दिग्गजांना अधिकृत पक्षांची उमेदवारी जाहीर झाली असली तरी घटक पक्षातील इच्छूकांनी आप आपल्या पक्षांच्या नावाने व अपक्ष उमेदवारी अर्ज दाखल केल्याने तालुक्यात निवडणूकीच्या चर्चा झडत आहेत. पुरंदर हवेली विधानसभा मतदारसंघात महाविकास आघाडी व महायूतीत सर्व काही आलबेल नसल्याचे दिसून येत आहे.    शुक्रवार दि २५ रोजी १) उदयकुमार वसंतराव जगताप (अपक्ष), २) सुरेश बाबुराव वीर (अपक्ष), ३) दत्तात्रय मारुती झुरंगे (अपक्ष) या अर्जदारांनी आपले निवडणुकीचे अर्ज सादर केले होते. सोमवार दि.२८ रोजी १) दिगंबर गणपत दुर्गाडे अपक्ष, राष्ट्रवादी काँग्रेस, २) महादेव साहेबराव खेंगरे पाटील अपक्ष ३) अतुल महादेव नागरे अपक्ष, ४) दिलीप विठ्ठल गिरमे अपक्ष, ५) संभाजी सदाशिव झेंडे एनसीपी, शेतकरी कामगार पक्ष, अपक्ष, ६) दत्तात...

 पुरंदरच्या विधानसभा निवडणुकीत मोठा ट्विस्ट  पुरंदर : राज्याच्या विधानसभेचे बिगूल वाजून आठवडा झाला तरी महायुती, महाविकास आघाडी व तिसऱ्या आघाडीतील उमेदवरांचा मेळ काही केल्या लागेना. पुरंदरच्या विधानसभा निवडणुकीत विद्यमान आमदारांन महाविकास आघाडीने राष्ट्रीय काँग्रेस पक्षची उमेदवारी जाहीर केली. त्यांच्या विरोधात महाविकास आघाडीतील एक, तर महायुतीतील तब्बल सहा उमेदवार आप आपल्या पक्षाकडे उमेदवारीसाठी इच्छुक आहेत. पण शनिवारी मोठी घडामोडी झाली व महाविकास आघाडीतून इच्छूक असलेले उमेदवार चक्क महायुतीतून उमैदवारी मिळवण्यात यशस्वी झाल्याची चर्चा रंगली आहे.      पुरंदर विधानसभा निवडणुकीत महाविकास आघाडीतून विद्यमान आमदार, महायुतीतून माजी राज्यमंत्री व हट्ट करत असलेले पुर्वश्रमीचे मोठे अधिकारी हे तीघेच निवडणूक लढवतील अशी अपेक्षा मतदारांना होती. महविकास आघाडीत विद्यमान आमदार व पुर्वश्रमीचे मोठे अधिकारी यांच्यात उमेदवारी वरुन मोठी रस्सीखेच होती. पण राष्ट्रीय काँग्रेसने पहिल्याच यादित विद्यमान आमदरांची उमेदवारी जाहीर झाली. यामुळे व्यथित झालेल्या अधिकाऱ्यांनी पर्याय शोधण्याची मोठी क...

  पुरंदर हवेली विधानसभा मतदारसंघाच्या निवडणुकीसाठी ३ उमेदवारांचे अर्ज दाखल ; तर ४७ अर्जदारांनी ८८ अर्ज  पुरंदर : राज्यात विधानसभा निवडणूकीचे अर्ज दाखल करण्याची प्रक्रिया सुरू आहे. पुरंदर हवेली विधानसभा मतदारसंघाच्या निवडणुकीत शुक्रवार दि. २५ नोव्हेंबर पर्यंत ४७ अर्जदारांनी ८८ अर्ज खरेदी केले आहेत. तर या पैकी ३ उमेदवारांनी नामनिर्देशन पत्र पुरंदर निवडणूक कार्यालयात दाखल केले आहेत.        पुरंदर हवेली विधानसभा मतदारसंघाच्या निवडणुकीत १) उदयकुमार वसंतराव जगताप (अपक्ष), २) सुरेश बाबुराव वीर (अपक्ष), ३) दत्तात्रय मारुती झुरंगे (अपक्ष) या अर्जदारांनी शुक्रवारी आपले निवडणुकीचे अर्ज सादर केले आहेत. पहिल्या दिवशी मंगळवार दि. २४ रोजी उत्तम गुलाब कामटे, दत्तात्रय मारुती झुरंगे, अनिल नारायण गायकवाड, संदीप उर्फ गंगाराम मारुती जगदाळे, चंद्रकांत शंकर भिंताडे, शंकर बबन हरपळे, दिगंबर गणपत दुर्गाडे, उत्तम गुलाब काळे, जालिंदर सोपानराव कामठे, महादेव साहेबराव खेंगरे पाटिल, सुरेश बाबुराव वीर, अतुल महादेव नागरे, उमेश नारायण जगताप, विशाल अरुण पवार, बुधवार दि. २३ रोजी गंगाराम सोपान...

 अजित पवार लढवणार बारामती मधून निवडणूक   पुणे दि.२१        बारामती विधानसभा मतदारसंघातून आपण जो देईल त्या उमेदवाराला निवडून द्या. अस अजित पवार यांनी बारामतीकरांना आवाहन केलं होतं. यानंतर अजित पवार हे बारामती निवडणूक लढवणार नाहीत अशी अटकल बांधली जात होती. त्यामुळेच अजित पवार हे कोणत्या विधानसभा मतदारसंघातून निवडणूक लढवतील याबाबत अनेक तर्क वितर्क लढवले जात होते. मात्र आता अजित पवार हे बारामती विधानसभा मतदारसंघातून निवडणूक लढवणार हे स्पष्ट झाले आहे.       बारामती विधानसभा मतदारसंघातून अजित पवारांच्या प्रचाराला देखील सुरुवात झालेली आहे. अजित पवार हे 28 ऑक्टोबर रोजी बारामती विधानसभा मतदारसंघातून आपला उमेदवारी अर्ज दाखल करणार आहेत. त्यामुळे आता बारामतीची लढत ही रंगतदार होणार आहे. राष्ट्रवादी काँग्रेसचे संस्थापक अध्यक्ष शरद पवार आणि राष्ट्रवादी काँग्रेसचे राष्ट्रीय अध्यक्ष अजित पवार यांच्यामध्ये हा सामना प्रामुख्याने पाहायला मिळणार आहे. अजित पवारांचा पराभव करण्यासाठी शरद पवार यांनी कंबर कसलेली आहे. अजित पवार देखील आता बारामती मधून निवडणूक लढवण्...

 नीरा येथे ज्वेलर्सचे दुकान फोडून लाखो रुपयांच्या चांदीच्या  दागिन्यांची चोरी  अधिक माहितीसाठी व्हिडिओ पहा....☝️☝️

 माझ्या मनगटावर बांधलेल्या प्रत्येक राखीची मी शपथ घेतो- मी लाडकी बहिण योजना कधीही बंद होऊ देणार नाही : अजित पवार   मुंबई :       लाडकी बहिण योजना बंद करण्याचं स्वप्न बघणाऱ्यांना अजित पवारांचे सडेतोड उत्तर, 'सत्तेत आल्यानंतर लाडकी बहीण योजनेसाठी वाढीव आर्थिक मदतीचे आश्वासन'; व्हिडिओ संदेशात महिलांनी दिलेल्या पाठिंब्याबद्दल मानले आभार.       राज्यातील विधानसभा निवडणुकीच्या पार्श्वभूमीवर उपमुख्यमंत्री आणि राष्ट्रवादी काँग्रेसचे अध्यक्ष अजित पवार यांनी एका व्हिडिओ संदेशाद्वारे महाराष्ट्रातील महिलांचे लाडकी बहीण योजनेला दिलेल्या पाठिंब्याबद्दल आभार मानले आहेत. महायुती सरकारच्या माझी लाडकी बहिण योजनेच्या यशाबद्दल बोलताना अजित पवार म्हणाले की, या योजनेने महिलांना स्वावलंबी बनवून सक्षम केले आहे. या योजनेमुळे लाडक्या बहिणींना स्वत:च्या पायावर खंबीरपणे उभे राहण्यास मदत झाली आहे, असे अजित पवार म्हणाले. आगामी विधानसभा निवडणुकीत महाराष्ट्रातील महिलांनी महायुतीला पाठिंबा द्यावा, असे आवाहन त्यांनी केले.       आधी या योजनेच्या व्यवहा...

 पुरंदर विधानसभा निवडणुकीसाठी वर्षा लांडगे निवडणूक निर्णय अधिकारी.  ४ लाख ५८ हजार २८२ मतदार : निवडणूकीसाठी २ हजार १९८ कर्मचारी नियुक्त  पुरंदर :        महाराष्ट्र राज्यातील विधानसभेच्या २८८ जागांकरीता विधानसभा सार्वत्रीक निवडणूक २०२४ चा कार्यक्रम जाहिर झाला आहे. २०२ पुरंदर विधानसभा मतदार संघासाठी श्रीमती. वर्षा लांडगे यांची निवडणूक निर्णय अधिकारी म्हणून नेमणूक करणेत आलेली असून व १ सहा. निवडणूक निर्णय अधिकारी यांची नेमणूक करणेत आली आहे. पुरंदर विधानसभा मतदारसंघामध्ये ४ लाख ५८ हजार २८२ मतदार असून, निवडणूक प्रक्रिया पार पाडणेसाठी २ हजार १९८ कर्मचाऱ्यांची नियुक्ती करण्यात आली आहे. मतमोजणी नवीन प्रशासकीय इमारत, सासवड (पुरंदर) येथे होणार असल्याची माहिती पुरंदरचे प्रशासनाने दिली आहे.          भारत निवडणूक आयोगाने दिनांक १५ ऑक्टोबर २०२४ रोजीच्या प्रसिध्दी पत्रकान्वये आयोगाने प्रसिध्द केलेल्या कार्यक्रमानुसार दिनांक १५ ऑक्टोबर पासून आचारसंहितेची अंमलबजावणी सुरू झाली आहे. २०२ पुरंदर विधानसभा मतदारसंघासाठी नामनिर्देशनपत्र निवडणूक निर्णय अ...

 'महायुती सरकारने समाजातील सर्व घटकांसाठी काम केले', उपमुख्यमंत्री अजित पवार यांच्याकडून  रिपोर्ट कार्ड जारी  मुंबई :         महायुती सरकारने गेल्या दोन वर्षांत केलेल्या कामांचे रिपोर्ट कार्ड प्रसिद्ध करताना अजित पवार म्हणाले की, सरकारने सर्व समाजातील सर्व घटकांसाठी काम केले. ते पुढे म्हणाले, 'आम्ही प्रत्येक समाजाला न्याय देण्याचा प्रयत्न केला. विरोधकांकडून खोटी मांडणी केली जात आहे; दोन-तीन टप्प्यात निवडणुका होतील, असा दावा त्यांनी केला होता.      अडीच कोटी महिलांना लाडकी बहिण योजनेचे हप्ते दिले जातात, विरोधकांनी या योजनेच्या बाबतही खोटी मांडणी करण्याचा प्रयत्न केला, परंतु लाडकी बहीण योजनेच्या अंमलबजावणीसाठी आम्ही एक वर्षासाठी ४५,००० कोटी रुपयांची आर्थिक तरतूद केली आहे. निवडणूक जिंकण्याचा विश्वास व्यक्त करताना उपमुख्यमंत्री अजित पवार म्हणाले की, महायुती सरकारचा कामांचा ट्रॅक रेकॉर्ड सिद्ध आहे आणि आम्ही आमच्या कामाच्या आधारे मतदारांकडे जात आहोत. गेल्या दोन वर्षांतील गुंतवणूक आणि विकास कामांवर प्रकाश टाकताना अजित पवार म्हणाले, आम्ही स...

 महाराष्ट्र विधानसभा निवडणुकीत डिजिटल मीडियाच्या प्रतिनिधींना वृत्तसंकलनासाठी ओळखपत्र द्या मराठी पत्रकार परिषद व डिजिटल मीडिया परिषदेची मागणी एस.एम.देशमुख यांचे निवडणूक आयोगाला पत्र मुंबई दि. १५ प्रतिनिधी महाराष्ट्र विधानसभा निवडणुकीत मतदान व मतमोजणीचे वृत्तसंकलन करण्यासाठी मुद्रीत व इलेक्ट्रानिक मीडियाच्या प्रतिनिधींसोबत डिजिटल मीडियाच्या प्रतिनिधींना निवडणूक आयोगाने ओळखपत्र (प्रधिकारपत्र) द्यावे, अशी मागणी मराठी पत्रकार परिषद व डिजिटल मीडिया परिषदेच्यावतीने भारत निवडणूक आयोगाकडे करण्यात आली आहे. याबाबत मुख्य निवडणूक आयुक्त राजीव कुमार यांना मराठी पत्रकार परिषदेचे मुख्य विश्वस्त एस.एम.देशमुख यांनी ई-मेलद्वारे पत्र पाठवले आहे.  एस.एम.देशमुख यांनी मुख्य निवडणूक आयुक्त यांना पाठवलेल्या पत्रात म्हंटले आहे की, महाराष्ट्र विधानसभा निवडणूक २०२४ ची घोषणा मुख्य निवडणूक आयुक्त या नात्याने आपण १५ ऑक्टोबर २०२४ रोजी पत्रकार परिषद घेऊन केली आहे. त्यानुसार महाराष्ट्रात २० नोव्हेंबर २०२४ रोजी मतदान होणार आहे, आणि २३ नोव्हेंबर २०२४ रोजी मतमोजणी होणार आहे. या निवडणुकीत जास्तीतजास्त मतदारांनी म...

 ऋषिकेश तावरे यांची अन्नपुरवठा निरीक्षकपदी निवड  पुरंदर प्रतिनिधी दि. १५:    पुरंदर तालुक्यातील सासवड येथील ऋषिकेश लक्ष्मण तावरे यांची अन्न नागरी पुरवठा व ग्राहक संरक्षण विभाग महाराष्ट्र राज्य मार्फत घेण्यात येणाऱ्या परीक्षेत अन्न पुरवठा निरीक्षक ( Food Supply Inspector ) पदी निवड झाली.     ऋषिकेश तावरे यांचे १ ली ते १० पर्यंतचे शिक्षण वाघिरे विद्यालय सासवड ,११ वी ते १२ वीचे महाविद्यालयीन शिक्षण वाघिरे कॉलेज सासवड, मेकॅनिकल इंजिनियर शिक्षण के जे कॉलेज येथे पूर्ण केले.       ऋषिकेश तावरे यांच्या उज्वल यशाबद्दल विविध संघटना, संस्था, पक्ष ,मंडळे यांच्या पदाधिकाऱ्यांनी अभिनंदन केले आहे.       ऋषिकेश तावरे यांनी वडील सेवानिवृत्त माध्यमिक शिक्षक लक्ष्मण तावरे,आई आदर्श शिक्षिका दैवता तावरे, बहीण इंटेरियर डिझायनर ऋतुजा गवळी -तावरे यांच्या पाठिंब्याने सातत्य, जिद्द, परिश्रम व चिकाटी याच्या जोरावर स्पर्धा परीक्षेचा अभ्यास सुरू ठेवून हे उज्वल यश संपादन केले आहे. 

 विधानसभा निवडणुकीच्या तारखा जाहीर होताच राष्ट्रवादी पक्षाचे अध्यक्ष अजित पवार म्हणाले, “आमचा विकासकामांचा ट्रॅक रेकॉर्ड महाराष्ट्रातील लोकांच्या कल्याणासाठीच्या आमच्या बांधिलकीची साक्ष देतो." मुंबई : राष्ट्रवादी काँग्रेस पक्ष निवडणुकीसाठी पूर्णपणे तयार आहे, निवडणूक आयोगाने महाराष्ट्रातील विधानसभा निवडणुकीच्या तारखा जाहीर केल्यानंतर उपमुख्यमंत्री आणि राष्ट्रवादी काँग्रेसचे अध्यक्ष अजित पवार यांनी प्रतिक्रिया दिली, ते म्हणाले,“आमचा विकासकामांचा ट्रॅक रेकॉर्ड महाराष्ट्रातील लोकांच्या कल्याणासाठीच्या आमच्या बांधिलकीची साक्ष देतो. निवडणुकांच्या घोषणा होताच अजित पवारांनी ट्विट केले आहे. आमचा ऐतिहासिक अर्थसंकल्प, आमचा विकासाचा रेकॉर्ड, लाडकी बहीण योजना, तीन मोफत सिलिंडर, शेतकऱ्यांसाठी वीज बिल माफी’ आमची ही कामं लोकांसमोर आहेत. पक्षाच्या कार्यकर्त्यांना निवडणुकीच्या रणधुमाळीसाठी सज्ज राहा असे सांगून ते म्हणाले की, आपण काळ वेळ न बघता अथक परिश्रम घेतले आहेत, आता लोकांकडे जाऊन हात जोडून मतदान मागण्याची वेळ आली आहे. राष्ट्रवादीचे अध्यक्ष अजित पवारांनी विधानसभा निवडणुकांच्या घोेषणांचं स्वागत ...

एज्युफंड लिटिल चॅम्प्स ड्रॉइंग स्पर्धा महाराष्ट्रभर मोठ्या उत्साहात संपन्न  पुरंदर प्रतिनिधी दि. १२ १०  आणि ११ ऑक्टोबर रोजी महाराष्ट्रातल्या शाळांमध्ये भरवलेली एज्यूफंड लिटल चॅम्प्स चित्रकला स्पर्धा मोठ्या प्रमाणात यशस्वी ठरली.UTI म्युच्युअल फंड द्वारा पुरस्कृत आणि SmartLinkz डिस्ट्रिब्युशन नेटवर्क द्वारे राबविण्यात आलेल्या या स्पर्धेत इयत्ता 1 ते 8 वी च्या विद्यार्थ्यांचा उत्साहपूर्ण सहभाग दिसला.  स्पर्धेची थीम सामाजिक समस्यांवर केंद्रित होती, जसे की "शिक्षण हे सामाजिक बदलाचे माध्यम आहे" , "स्वच्छतेचे महत्त्व," आणि "प्रदूषण ही गंभीर समस्या आहे".  तरुण कलाकारांनी त्यांच्या सर्जनशील आणि विचारप्रवर्तक रेखाचित्रांद्वारे त्यांची सर्जनशीलता आणि प्रतिभा प्रदर्शित केली आणि या गंभीर समस्यांबद्दल त्यांची समज व्यक्त केली.  या स्पर्धेने तरुण मनांना प्रेरणा देण्यासाठी आणि आर्थिक नियोजनाचे महत्त्व अधोरेखित करण्यासाठी एक व्यासपीठ म्हणून काम केले. अशा स्पर्धांच्या माध्यमातून तरुणांमध्ये आर्थिक साक्षरता वाढवण्याचा आणि विद्यार्थी व पालक यांना त्यांचे भविष्य सुरक्षित करण्या...

 राष्ट्रवादी काँग्रेसचे स्टार प्रचारक म्हणून हे अभिनेते काम करणार  प्रसिद्ध अभिनेते सयाजी शिंदे यांचा राष्ट्रवादीत प्रवेश, सयाजी शिंदे राज्यभरात पक्षाचे स्टार प्रचारक म्हणून काम करणार  मुंबई :  आगामी विधानसभा निवडणुकीच्या पार्श्वभूमीवर राष्ट्रवादी काँग्रेसला मोठा दिलासा मिळाला असून, प्रसिद्ध अभिनेते सयाजी शिंदे यांनी आज अजित पवार यांच्या पक्षात प्रवेश केला आहे. उपमुख्यमंत्री तथा राष्ट्रवादीचे राष्ट्रीय अध्यक्ष अजित पवार, राष्ट्रवादी काँग्रेसचे राष्ट्रीय कार्याध्यक्ष प्रफुल्ल पटेल आणि राष्ट्रवादी काँग्रेसचे प्रदेशाध्यक्ष सुनील तटकरे यांनी मुंबईत पत्रकार परिषदेत त्यांचे पक्षात स्वागत केले.  सयाजी शिंदे यांनी अजित पवार यांच्या नेतृत्वाचे कौतुक करत समाजातील उपेक्षित घटकांप्रती असलेली बांधिलकी अधोरेखित केली. शेतकरी पार्श्वभूमी असलेल्या प्रबळ मराठा समाजातील शिंदे यांच्याकडे स्वयंसेवक आणि सामाजिक कार्यकर्त्यांचा मोठा आधार असून त्यांच्या 'सह्याद्री देवराई' या स्वयंसेवी संस्थेच्या माध्यमातून ते राज्याच्या ग्रामीण भागात सक्रीय पणे कार्यरत आहेत. विधानसभा निवडणुकीपूर्वी शिं...

पत्रकारांसाठी महामंडळ हा फक्त निवडणूक जुमला : एस. एम.  देशमुख  महामंडळ स्थापन करून पत्रकारांचे प्रश्न सुटतील असं आम्हाला वाटत नाही. मुंबई :       पत्रकार संरक्षण कायद्याचं नोटिफिकेशन काढून राज्यात पत्रकार संरक्षण कायदा लागू करण्यास टाळाटाळ केली जात आहे, पत्रकार पेन्शन योजनेसाठी अनेक ज्येष्ठ पत्रकारांचे अर्ज तांत्रिक दोष काढून हेतूत: प्रलंबित ठेवले जात आहेत, पेन्शनची रक्कम ११,००० वरून २०,००० करण्याची घोषणा तर केली गेली मात्र त्याची अंमलबजावणी होत नाही, मजेठिया वेतन आयोगाची अंमलबजावणी करण्यास टाळाटाळ केली जात आहे, अधिस्वीकृती पत्रिका धारकाच्या रेल्वेसह अनेक सवलती रद्द केल्या गेल्या आहेत, साप्ताहिकं आणि छोटी दैनिकं बंद पडतील असं वृत्तपत्र धोरण आखलं जात आहे, चांगल्या युट्यूब चँनल्सना सरकारी जाहिराती सुरू करा, त्यांना अधिस्वीकृती द्या या मागण्यांकडे दुर्लक्ष  केलं जात आहे. या सर्व बुनियादी प्रश्नांची उपेक्षा करून सरकार आता पत्रकारांसाठी महामंडळ स्थापन करायला निघालं आहे. हा केवळ निवडणूक जुमला आहे..होणार काही नाही.. याचं कारण पत्रकारांचे प्रश्न सुटले पाहिजेत ...

मराठी पत्रकार परिषदेच्या अध्यक्षपदी अष्टीवकर तर कार्याध्यक्षपदी काटकर यांची निवड  सरचिटणीस म्हणून नाईकवाडे तर कोषाध्यक्षपदी मन्सुरभाई शेख यांना संधी  मुंबई येथे झालेल्या सर्वसाधारण सभेत मुख्य विश्वस्त एस.एम.देशमुख यांची घोषणा, माजी अध्यक्ष शरद पाबळे यांची विश्वस्तपदी नियुक्ती  मुंबई दि. ९ प्रतिनिधी :        ८६ वर्षांची देदीप्यमान परंपरा असलेल्या मराठी पत्रकार परिषदेच्या नवीन पदाधिकाऱ्यांची निवडी करण्यात आल्या असून नुकत्याच झालेल्या निवडणुकीत कार्याध्यक्ष म्हणून सांगलीचे पत्रकार शिवराज काटकर आणि सरचिटणीस म्हणून परभणीचे पत्रकार सुरेश नाईकवाडे यांची बिनविरोध निवड झाली आहे. निवडणूक निर्णय अधिकारी अनिल भोळे यांच्यावतीने एस.एम.देशमुख यांनी काल, ९ ऑक्टोबर रोजी ही घोषणा केली. रोह्याचे मिलिंद अष्टीवकर हे परिषदेचे नवे अध्यक्ष आहेत.  मराठी पत्रकार परिषदेची सर्वसाधारण सभा काल , बुधवारी (९ ऑगस्ट २०२४) मुंबई प्रेस क्लबच्या सभागृहात उत्साह पार पडली. याप्रसंगी परिषदेची नवीन कार्यकारिणी बिनविरोध निवडण्यात आली. परिषदेच्या घटनेनुसार १ सप्टेंबर २०२४ रोजी मराठी पत्रका...

 निवासी संस्थांनी पर्यावरण संवर्धनाची जबाबदारी घ्यावी..... रो. शीतल शहा  आजच्या विकसित समाजात वाढत्या शहरीकरणामुळे पर्यावरणाला मोठा धोका निर्माण झाला आहे. पर्यावरण संवर्धन ही आता आपली महत्वाची जबाबदारी आहे. आपण आज समाजाच्या उज्ज्वल भविष्यासाठी एकत्र येत असून हवा,पाणी, ध्वनी प्रदूषण टाळण्याची सार्वत्रिक गरज असल्याचे प्रतिपादन रोटरी डिस्ट्रिक्ट 3131 चे प्रांतपाल रो. शीतल शहा यांनी केले. रोटरी क्लब ऑफ बारामतीने शहरातील निवासी सोसायट्यामधील रहिवाश्यांसाठी गरगटे फार्म येथे आयोजित करण्यात आलेल्या "ग्रीन सोसायटी" या कार्यक्रमात उदघाटक म्हणून ते बोलत होते.या प्रसंगी व्यासपीठावर रोटरी डिस्ट्रिक्ट 3131 च्या पर्यावरण समितीचे डायरेक्टर रो. वसंतराव माळुंजकर, ग्रीन सोसायटी समितीच्या विभागीय संचालक रोटरी क्लब ऑफ बारामतीचे अध्यक्ष अरविंद गरगटे, सचिव रविकिरण खारतोडे,रोटरी क्लब ऑफ पुणे विसडमचे अध्यक्ष रो. निलेश धोपाडे,प्रमुख मार्गदर्शक महेश देवधर, केतकी साठे- कुलकर्णी,शैलेश देशपांडे आदी मान्यवर उपस्थित होते. यावेळी बोलताना शीतल शहा पुढे म्हणाले की आज आपण नैसर्गिक स्रोत ओरबाडून घेत आहोत आणि हे ...

 लोणंद सातारा मार्ग वाहतुकीसाठी दहा दिवस बंद ; हा आहे पर्यायी मार्ग.  सातारा :          रेल्वे विभागाने दुहेरी मार्गासाठी सातारा-लोणंद राज्य मार्गावर वाठार स्टेशन हद्दीत काळी मोरी नावाचा जुना ब्रिटीशकालीन रेल्वे पूल पाडून उभारलेल्या नवीन पुलाचे काम निकृष्ट झाल्याने त्याची दुरूस्ती करण्यासाठी या मार्गावरील सर्व वाहतूक पुढील दहा दिवसांसाठी बंद असल्याची अधिसूचना सातारा जिल्हा पोलीस अधीक्षक समीर शेख यांनी काढली आहे.       मिळालेल्या माहितीनुसार वाठार स्टेशनजवळील काळीमोरी रेल्वे पूल पाडून रेल्वे विभागाने या ठिकाणी नवीन पूल उभारला. परंतु, या नवीन पुलाचे काम निकृष्ट झाल्याने पुलाची दुरूस्ती करणे गरजेचे आहे. यासाठी रेल्वेच्या महाव्यवस्थापकांनी वाठार पोलीस स्टेशन तसेच जिल्हा पोलीस अधीक्षकांना पंधरा दिवसासाठी या मार्गावरील वाहतूक बंद करण्यासाठी पत्रव्यवहार केला होता. मात्र, वाहतुकीचा तसेच लोकांच्या मागणीचा विचार करून पोलीस प्रमुख अधीक्षकांनी सोमवार दि. ७ ते दि. १६ ऑक्टोंबरपर्यंत या मार्गावरील अवजड वाहतूक पूर्णपणे बंद केली आहे.  फलटण व लो...

 शहा कन्या विद्यालयात भोंडला उत्साहात  नीरा दि.५          नीरा (ता.पुरंदर) येथील सौ लिलावती रिखवलाल शहा कन्या विद्यालयांमध्ये नवरात्रौत्सवानिमित्त शनिवारी( ५ ऑक्टोबर) रोजी महा भोंडल्याचे आयोजन करण्यात आले होते .विद्यालयाच्या मुख्याध्यापिका निर्मला नायकोडी व स्थानिक स्कुल कमिटीच्या सदस्या रेणुका कोठडीया, तनुजा शहा व उपस्थित शिक्षकांनी हत्तीच्या प्रतिमेचे पूजन करून या महाभोंडल्याला सुवात करण्यात आली. यावेळी भोंडला गाणी, गरबा गाणी , दांडिया नृत्य यासह भोंडला उत्साहात साजरा करण्यात आला . नवरात्रीमध्ये हस्त नक्षत्राची सुरुवात होते. म्हणून हत्तीची पूजा करून शेतकरी सुख, समृद्धी व ऐश्वर्यासाठी नृत्य गाणी व कथा या माध्यमातून देवाकडे आपली प्रार्थना करत असतात ही माहिती विद्यार्थिनींना देण्यात आली .  यावेळी विद्यार्थिनींनी पारंपारिक वेशभूषा परिधान करून फुगडी, गाणी , झिम्मा , गरबा, दांडिया यांचा आनंद लुटला . यावेळी विद्यालयाच्या उपशिक्षिका सपना ओव्हाळ यांनी भोंडला गीत गायन केले .तसेच विद्यार्थीनींनी अनेक भोंडला गाणी व गरबा गाणी यावर फेर धरला .महिला शिक्षकां...

 पिंपरे येथील अपघातग्रस्त युवकांच्या वारसांना मुख्यमंत्री निधीतून अर्थसहाय्य  शिवतारे यांनी कुटुंबियांना थेट घरी जाऊन दिला धनादेश नीरा दि. ४       पिंपरे( ता.पुरंदर ) येथील अपघातग्रस्त तीन युवकांच्या कुटुंबांना. मुख्यमंत्री सहाय्यता निधीमधून प्रत्येकी तीन लक्ष रुपयाची मदत देण्यात आली आहे. शिव सेनेचे नेते विजय शिवतारे यांनी गुरुवारी सायंकाळी सहाय्यता निधीचे धनादेश अपघात ग्रस्त तरुणांच्या कुटुंबीयांकडे सुपूर्द केले.      सुमारे दीड वर्षापूर्वी पिंपरे खुर्द येथील तरुणाचा नीरा लोणंद दरम्यान अपघात झाला होता.यामध्ये तीन तरुणांचा मृत्यू झाला होता. यावेळी विजय शिवतारे यांनी या तरुणांच्या कुटुंबीयांना आर्थिक मदत मिळवून देण्याचे आश्वासन शिवतारे यांनी दिले होते. यापूर्वी शेतकरी अपघात विमा योजनेतून प्रत्येकी 2 लक्ष रुपये मदत करण्यात आली होती त्याच बरोबर आता मुख्यमंत्री सहाय्यता निधीमधून प्रत्येकी तीन लक्ष रुपयाची मदत देण्यात आली आहे. पिंपरे खुर्द गावामधील ओंकार थोपटे, अनिल थोपटे आणि पोपट थोपटे या तीन युवकांचा एका भीषण अपघातात जागीच मृत्यू झाला होता. त्य...