News marathi

 नीरा नदीच्या पुलावरून ट्रक कोसळला.  अपघातात नंतर युवकांनी काय केले?  साताऱ्याहून शिरुरकडे निघाला होता ट्रक.  पुरंदर :        मागील काळात पालखी सोहळ्या दरम्यान वारकऱ्यांचा ट्रक नीरा नदीच्या पात्रात कोसळला होता. त्याच पद्धतीने बुधवारी रात्री आठच्या सुमारास मालवाहतूकीचा भरधाव ट्रक नीरा नदीच्या पुलावरून कोसळला आहे. सुदैवाने ट्रक पुलाच्या कठाड्यावर अडकल्याने अनर्थ टळला आहे. ट्रक चालकाला स्थानिकांनी कोसळलेल्या ट्रकमधून बाहेर काढून चौकशी करत, ट्रक मालकाला घटनेची कल्पना दिली आहे.    पुणे पंढरपूर पालखी महामार्गावरील पुणे सातारा जिल्ह्याची सिमा असलेल्या नीरा नदिच्या पुलावर वाहतूक धोकादायक होत आहे. पुणे व सातारा बाजूने पुलावर जाताना नागमोडी वाळणे व चढ आहे. यामुळे या मार्गावर पुढे पुल आहे हे चालकांना लक्षातच येत नाही. त्यामुळे मागील काळात संत ज्ञानेश्वर महाराज पालखी सोहळ्या दरम्यान पहाटेच्या वेळी वारकऱ्यांचे साहित्य घेऊन मुक्कामाच्या ठिकाणी निघालेल्या ट्रकला पुणे हद्दीत महादेव मंदिरा लगत अपघात झाला होता. अगदी तशाच प्रकारे बुधवार दि. २९ रोजा रात्री ...

पत्रकार एकता रॅलीत मोठ्या संख्येनं सहभागी व्हा : एस.एम.देशमुख पुणे ते सेलू पत्रकार एकता रॅली निघणार  मुंबई :       परभणी जिल्ह्यातील सेलू येथे मराठी पत्रकार परिषदेच्यावतीने होत असलेल्या पुरस्कार वितरण सोहळा आणि तालुका अध्यक्षांचा मेळाव्याच्या निमित्तानं शुक्रवार दि.३१ जानेवारी रोजी पुणे ते सेलू अशी पत्रकार एकता रॅली निघणार असल्याची माहिती परिषदेच्या प्रसिध्दी पत्रकात देण्यात आली आहे. परिषदेचे मुख्य विश्वस्त एस.एम.देशमुख पत्रकार एकता रॅलीचे नेतृत्व करणार आहेत.          ३१ जानेवारी २०२५ रोजी सकाळी ०९ वाजता पुण्याजवळील पेरणे फाटयावरील शरद पाबळे यांच्या निवासस्थानापासून एकता रॅलीला सुरूवात होईल. शिक्रापूर मार्गे रॅली रांजणगाव येथे पोहचेल.. तेथे स्वागत आणि दर्शन घेऊन रॅली शिरूर मार्गे अहिलयानगरला पोहोचेल. तेथे स्वागत आणि विश्रांती नंतर रॅली कडा, आष्टी, जामखेड, पाटोदा मार्गे बीडला जाईल.. वरील सर्व ठिकाणी स्थानिक पत्रकार आणि गावातील प्रतिष्ठित रॅलीचे स्वागत करतील.. बीड येथे रेस्ट हाऊसवर रॅलीचे स्वागत केले जाईल. तेथून पुढे वडवणी, तेलगाव, माजलगाव, पाथ...

  कर्नलवाडीतील युवकाचा आत्मदहनाचा प्रयत्न.  भोर पुरंदर उपविभागीय पोलिस अधिकारी कार्यालयासमोरील घटना  पुरंदर :        प्रजासत्ताक दिनी कर्नलवाडी गावातील युवकाने सासवडच्या भोर पुरंदर उपविभागीय पोलीस अधिकारी कार्यालयासमोर आत्मदहन करण्याचा प्रयत्न केला आहे. अंकुश उमाजी वाघापुरे (वय ३० वर्षे) रा. कर्नलवाडी, ता. पुरंदर याने दि. २६ जानेवारी रोजी सकाळी आत्मदहनाचा प्रयत्न केला आहे. याबाबत दत्तात्रय शांताराम खेगरे पो.हवा. उपविभागीय पोलीस अधिकारी भोर विभाग सासवड यांनी फिर्याद दाखल केली आहे.    याबाबत सासवड पोलीस स्टेशन मध्ये  गु.र.नं.35/2025 भा.न्या.सं.कलम 125, 286, 35, 221कल्मांअन्वय दत्तात्रय शांताराम खेगरे यांनी गुन्हा दाखल केला आहे. सासवड पोलीसांनी दिलेल्या माहितीनुसार रविवार दि. २६ जानेवारी रोजी सकाळी ०८.४५ वाजताच्या सुमारास मौजे सासवड ता. पुरंदर जि. पुणे गावचे हददीत उपविभागीय पोलीस अधिकारी कार्यालय भोर विभाग सासवड यांचे कार्यालया समोरील मोकळया जागेत अंकुश उमाजी वाघापुरे (वय ३० वर्षे) रा. कर्नलवाडी, ता. पुरंदर जि. पुणे याने कोणते तरी विषारी औष...

 ज्ञानेश्वर महाराज संस्थान कमेटीचे प्रमुख विश्वस्तपदी योगी निरंजन नाथ पालखी सोहळा प्रमुखपदी डॉ. भावार्थ देखणे यांची निवड.  आळंदी :       आळंदी येथील श्री संत ज्ञानेश्वर महाराज संस्थान कमेटीचे प्रमुख विश्वस्तपदी योगी निरंजन नाथसाहेब यांची तसेच २०२५ या वर्षातील श्री संत ज्ञानेश्वर महाराज पालखी सोहळा प्रमुखपदी डॉ. भावार्थ देखणे यांची निवड झाल्याचे श्री ज्ञानेश्वर महाराज संस्थानचे मावळते प्रमुख विश्वस्त विधीतज्ञ राजेंद्र उमाप यांनी सांगितले.         श्री ज्ञानेश्वर महाराज संस्थान कमेटी आळंदी यांचं बैठक प्रमुख विश्वस्त विधीतज्ञ राजेंद्र उमाप त्यांचे अध्यक्षते खाली झाली. यावेळी विश्वस्त व पालखी सोहळा प्रमुख, योगी निरंजन नाथसाहेब, विश्वस्त डॉ. भावार्थ देखणे, व्यवस्थापक माऊली वीर उपस्थित होते. या बैठकीत पुढील वर्षभराचे कालावधीसाठी संत ज्ञानेश्वर महाराज संस्थान कमिटीचे झालेल्या बैठकीत कमेटीचे प्रमुख विश्वस्तपदी योगी निरंजन नाथसाहेब यांची निवड करण्यात आली. तसेच या वर्षीच्या पंढरपूर पालखी सोहळा प्रमुखपदी डॉ. भावार्थ देखणे यांनी निवड करण्यात आल...

 जेजुरी येथील सिंह मल्टिस्पेशालिटी हॉस्पिटल वर कारवाईची आरपीआयची मागणी     हॉस्पिटल अनाधिकृत, असल्याचे म्हणत री. पा. इ करणार मुख्याधिकारी कार्याल्यासमोर हलगी नाद आंदोलन  जेजुरी :     महाराष्टाचे कुलदैवत म्हणून जेजुरी सर्वत्र सुपरिचित आहे. याठिकाणी बहुवीध प्रांतातून, प्रदेशातून लोक वास्तव्यास आहेत. व्यवसायाच्या निमित्ताने येथे देशाच्या काना कोपऱ्यातून येऊन लोक उदर निर्वाह करीत आहेत. तशाच काहींशा प्रकारे वैद्यकीय क्षेत्रातील कोणतीही पदवी संपादन नं करता, कोणत्या तरी डॉक्टर च्या हाता खाली कंपाउंडर म्हणून शिकलेल्या व जुजबी ज्ञान असणाऱ्या व्यक्तीने मल्हार नगरीत दवाखाना नव्हे मल्टी स्पेशालिटी हॉस्पिटल सुरु करून लोकांच्या जीवाशी खेळण्याचा प्रकार सुरु आहे.      याबाबत सविस्तर माहिती अशी की, जेजुरी येथे सिंह मल्टि स्पेशालिटी हॉस्पिटल या नावाने पुणे -पंढरपूर पालखी महामार्गा लगत हॉस्पिटल सुरु आहे. पूर्वी छोट्या स्वरूपात जुन्या जेजुरी येथे एका खोलीत हे सुरु होते. आत्ता मात्र एखाद्या मल्टि नॅशनल हॉस्पिटलला लाजवेल अशा स्वरूपात हे हॉस्पिटल सुरु आहे. या...

 उद्या पासून जोतिबाच्या मूळ मूर्तिचे दर्शन बंद  २१ ते २४ जानेवारी अखेर भारतीय पुरातत्व विभागाकडून संर्वधन प्रक्रिया कोल्हापूर :        श्री.केदारलिंग (देव जोतिबा) मूळ मूर्तीची मंगळवार (दि.२१) ते शुक्रवार )दि.२४) अखेर भारतीय पुरातत्व विभागाकडून संर्वधन प्रक्रिया करण्यात येणार आहे. भाविकांसाठी या कालावधीमध्ये उत्सवमूर्ती व कलश दर्शनासाठी मंदिरातील कासव चौक येथे ठेवण्यात येणार आहे.           मौ.वाडी रत्नागिरी ता. पन्हाळा जि. कोल्हापूर येथील श्री. केदारलिंग (देव जोतिबा) देवस्थान मुळ मूर्ती सुस्थितीत राहणेच्या अनुषंगाने, जिल्हाधिकारी, कोल्हापूर तथा प्रशासक, देवस्थान व्यवस्थापन समिती, कोल्हापूर यांचे वतीने मूर्तीची पाहणी करणेकामी वेळोवेळी पुरातत्व विभाग यांना कळविण्यात आले होते. त्यानुसार भारतीय पुरातत्व विभाग, दिल्ली व पुरातत्व विभाग, पुणे यांचेकडून मूर्तीची पाहणी करणेत आली होती व मूर्ती संवर्धनाच्या अनुषंगाने अहवाल देण्यात आला होता.        या अहवालाच्या अनुषंगाने देवस्थान व्यवस्थापन समिती, पश्चिम महाराष्ट्र, कोल...

 पालकमंत्र्यांची यादी जाहीर, धनंजय मुंडेंना मोठा धक्का.. मुख्यमंत्री देवेंद्र फडणवीस गडचिरोली, अजित पवार बीड सह पुण्याचे पालकमंत्री , एकनाथ शिंदे ठाणे, शंभुराजे देसाई साताऱ्याचे पालकमंत्री.  मुंबई :  मोठी बातमी समोर येत आहे, पालकमंत्र्यांची यादी जाहीर करण्यात आली असून, उपमुख्यमंत्री अजित पवार हे आता दोन जिल्ह्यांचे पालकमंत्री असणार आहेत. अजित पवार हे पुणे आणि बीडचे पालकमंत्री असणार आहेत. तर मंत्री धनंजय मुंडेंना यादीतून वगळण्यात आलं आहे. धनंजय मुंडे यांच्यासाठी हा मोठा धक्का आहे. गेल्यावेळी धनंजय मुंडे यांच्याकडे बीडचं पालकमंत्रिपद होतं. मुख्यमंत्री देवेंद्र फडणवीस हे गडचिरोलीचे पालकमंत्री असणार आहेत. तर उपमुख्यमंत्री अजित पवार हे पुणे आणि बीडचे पालकमंत्री असणार आहेत. उपमुख्यमंत्री एकनाथ शिंदे यांच्याकडे मुंबई शहर आणि ठाण्याचं पालकमंत्रिपद देण्यात आलं आहे. पंकजा मुंडे यांच्याकडे जालन्याचं पालकमंत्रिपद देण्यात आलं आहे. गुलाबराव पाटील हे जळगावचे पालकमंत्री असणार आहेत. धुळ्याचं पालकमंत्रिपद जयकुमार रावल यांच्याकडे सोपवण्यात आलं आहे. वाशिमची जबाबदारी हसन मुश्रीफ यांना देण्या...

 ज्ञानपूर्ती क्लासचे 33 विद्यार्थी अबॅकसच्या राष्ट्रीय स्पर्धेत अव्वल  भोर (राजीव केळकर) दि.१६  भोर येथील ज्ञानपूर्ती प्रोॲक्टिव अबॅकस क्लासेसच्या विद्यार्थ्यांनी राष्ट्रीय स्पर्धेत अव्वल स्थान पटकावले आहे. स्वारगेट,पुणे येथील गणेश कला क्रीडा मंच या ठिकाणी ही स्पर्धा पार पडली,ज्ञानपूर्ती प्रोॲक्टिव अबॅकस क्लासेसला सलग दुसऱ्यांदा बेस्ट सेंटर अवॉर्ड देऊन सन्मानित करण्यात आले ज्ञानपूर्ती च्या तब्बल 96 विद्यार्थ्यांनी घवघवीत यश संपादन केले. या गुणवंत विद्यार्थ्यांचा सत्कार समारंभ भोर येथील वाघजाई माता मंदिर हॉल या ठिकाणी संपन्न झाला      भोरचे गटविकास अधिकारी श्री किरण कुमार धनावडे साहेब, नायब तहसीलदार क्रांती पाटील धनावडे मॅडम ध्रुव प्रतिष्ठानचे संस्थापक अध्यक्ष राजीव केळकर जिजामाता इंग्लिश मीडियम स्कूल व जुनियर कॉलेज भोरच्या प्राचार्य सौ, रुबीना सय्यद,जिजामाता इंग्लिश मीडियम प्राथमिक विभाग प्राचार्य,स्वाती मोटकर क्रांतिवीर वासुदेव बळवंत फडके स्मृती विद्यालयचे मुख्याध्यापक रवींद्र पवार सर, निवृत्त शिक्षक सिकंदर रणवरे सर,भोर एज्युकेशन सोसायटी भोरच्या ...

 पुणे पंढरपूर पालखी मार्गावर अपघात  जाधववाडी फाट्यावर वृद्धाला एसटीची धडक, वृद्ध ठार  पुरंदर : पुणे पंढरपूर पालखी महामार्गावरील जाधववाडी फाट्यावर (ता. पुरंदर) भरधाव आलेल्या एसटी बसचने रस्ता ओलांडणाऱ्या लुना चालकाला जोरदार धडक दिल्याने ते उपचारापूर्वीच मृत्यू पावले. लुना चालक विजय काळुराम कोंढाळकर (वय ६७) रा. जाधववाडी रोड जाधवगड कमानीचे वरच्या बाजूला (ता.पुरंदर) यांचा मृत्यू झाला आहे. सासवड पोलीसांनी घटनास्थळी धाव घेत एसटी चालकावर गुन्हा दाखल केला आहे.      सासवड पोलीसांनी दिलेल्या माहितीनुसार पृथ्वीराज अशोक ढुमे (वय ४२) रा. ढुमेवाडी, दिवे (ता.पुरंदर) यांनी फिर्याद दिली आहे. ढुमे यांच्या फिर्यादीनुसार त्यांचे चुलते विजय काळुराम कोंढाळकर हे ढुमेवाडी हुन जाधववाडी येथील राहत्या घरी लुना मोटारसायकल क्र. एम.एच. १२- यु. एल. ९४३६ चालवत चालले होते. जाधववाडी फाट्यावर रस्ता ओलांडताना बारामती डेपोची भरधाव वेगात येणार एसटी बस क्र. एम.एच. १४- के.यु. ५०४१ ने कोंढाळकर यांच्या लुनाला जोरदार धडक दिली. ते गंभीर जखमी झाल्याने स्थानिकांनी त्यांना सासवडच्या संत सोपानदेव हॉस्पिटल...

 मकरसंक्रांतीच्या पार्श्वभूमीवर  निरेत या दिवशी अधिकचा आठवडे बाजार  पुरंदर : पुरंदर तालुक्यातील सर्वात मोठी बाजारपेठ असलेल्या नीरा शहराचा आठवडे बाजार हा बुधवारी असतो. यावर्षी मकरसंक्रांतीचा सण मंगळवारी होत आहे. तर भोगीच्या सण सोमवारी आहे. या पार्श्वभूमीवर शनिवारी (दि.११) अधिकचा आठवडे बाजार भरविण्याचा निर्णय नीरा ग्रामपंचायतींच्या पदाधिकाऱ्यांनी घेतल्याची माहिती सरपंच तेजश्री काकडे व उपसरपंच राजेश काकडे यांनी दिली आहे.       पुरंदर तालुक्यातील राख, कर्नलवाडी, गुळूंचे, पिंपरे (खुर्द), पिसुर्टी, जेऊर, मांडकी, बारामती तालुक्यातील सोमेश्वरनगर, निंबूत, खंडोबाचीवाडी, गडदरवाडी, निंबुतछपरी, वाघळवाडी, वाणेवाडी, मळशी तर सातारा जिल्ह्यातील पाडेगाव, बाळुपाटलाचीवाडी, रावडी, कसुर, धायगुडेमळा, पिंपरे (बुदृक) आदी गावातील लोक निरेच्या आठवडे बाजारात खरेदी विक्रीसाठी येत असतात.      सोमवार (दि.१३) रोजी भोगीच्या सणाला घेवडा, पावटा, वाटाणा, गाजर, यांसह भाजिपाला आवश्यक असतो. तर, मंगळवार दि.१४ रोजी मकरसंक्रांतीचा सण असल्याने परिसरातील गावखेड्यातील लोकांना खरेदी...

 स्व. एकनाथ काका जगताप प्रतिष्ठानचा जाधववाडी येथील आढाळगे परिवाराला मदतीचा हात     गराडे दि.९(वार्ताहर) :     दिवे गावाजवळील जाधववाडी ( ता. पुरंदर ) येथील कुमार सर्जेराव आढाळगे यांच्या घरात शॉटसर्किटमुळे लागलेल्या आगीत अंदाजे चार लाख रुपयांचे वस्तू जळून नुकसान झाले होते. ही बातमी समजताच स्व.एकनाथकाका जगताप प्रतिष्ठानचे संस्थापक संतोष जगताप यांनी संसार उपयोगी वस्तू देऊन आढाळगे परिवाराला मदतीचा हात दिला.     यावेळी त्यांच्या समवेत स्वर्गीय एकनाथ काका जगताप प्रतिष्ठानचे सचिव हेमंत ताकवले ,पुणे जिल्हा पत्रकार संघाचे अध्यक्ष सुनील लोणकर, सामाजिक कार्यकर्ते अंकुर शिवरकर ,माधव शिवरकर, ग्रामपंचायत सदस्य निलेश जाधवराव , राजू आढाळगे,श्रीकांत जाधवराव, भगवान आढाळगे, सोमनाथ आढाळगे उपस्थित होते.    याबाबतचे सविस्तर वृत्त असे की जाधववाडी येथे कुमार आढाळगे,आई जयश्री आढाळगे पत्नी करिष्मा आढाळगे यांचे राहते घर आहे. हे तिघेही मजूर कामानिमित्त सासवडला गेले होते. सायंकाळच्या सुमारास शॉर्टसर्किटमुळे घराला आग लागली. शेजारील ग्रामस्थांना घरातून  धुराच...

 पुरंदरच्या तरुणाने शब्दबद्ध केले माणच्या धनगरी स्त्री ओव्यातील लोकतत्व  नीरा. दि.८           गुळुंचे (ता.पुरंदर) येथील प्रसिद्ध लेखक, कवी व संशोधक प्रवीण जोशी यांनी गेल्या चार वर्षांपूर्वी हाती घेतलेले कार्य अखेर पूर्णत्वाकडे पोहचले आहे. सातारा जिल्ह्यातील माण तालुक्यातील धनगर महिलांच्या शेकडो ओव्या त्यांनी शब्दबद्ध केल्या असून त्यातील लोकतत्व लवकरच वाचकांपुढे येणार आहे.           प्रवीण जोशी हे प्राथमिक शिक्षक असून त्यांनी १४ वर्षे माण तालुक्यातील वाघमोडेवाडी येथे सेवा बजावली. त्याकाळात विद्यार्थी विकासाचे अनेक उपक्रम राबवत गुणवत्तापूर्ण शाळेची पायाभरणी केली. कोरोना संकटकाळात त्यांनी ऑनलाईन पाठशाळा घेतली जिचा फायदा राज्यातील अनेक विद्यार्थ्यांना झाला होता. त्यांच्या माणुसकीचा गाव, चिरंतन चिंतन, घरकुल, गल्हाटा, पनव्या या पुस्तकांनी वाचकांच्या मनात घर केले आहे. नुकतेच दुबई येथे पार पडलेल्या विश्व मराठी सृजन साहित्य संमेलनात त्यांच्या पुस्तकांचे कौतुक देखील करण्यात आले होते. सावित्रीबाई फुले विद्यापीठात ते इ.स. १८०० ते इ.स. १९...

 मुंबईत आढळला HMPV चा रुग्ण ६ महिन्यांच्या चिमुकलीला लागण; रुग्णालयात उपचार सुरू मुंबई दि.८      भारतातील पहिला एचएमपीव्ही रुग्ण कर्नाटकात आढळल्यानंतर देशातील इतर राज्यातही या व्हायरसचा संसर्ग झाल्याचं समोर येत आहे. कर्नाटकनंतर गुजरात आणि महाराष्ट्रातही एचएमपीव्हीचे रुग्ण आढळले आहेत. नागपूर नंतर आता महाराष्ट्रातील मुंबईमध्ये देखील या विषाणूने बाधित असलेला एक रुग्ण आढळून आला आहे महाराष्ट्रात नागपूरनंतर आता मुंबईत रुग्ण सापडले आहेत. मुंबईत सहा महिन्यांच्या चिमुकलीला एचएमपीव्हीची लागण झालीय. तिला गेल्या आठवड्यात रुग्णालयात दाखल केलं होतं. तिच्यावर आयसीयूत उपचार सुरू आहेत.  हिरानंदानी हॉस्पिटलच्या डॉक्टरनी बोलताना सांगितलं की, याबाबत स्थानिक प्रशासनाला माहिती देण्यात आलीय. 1 जानेवारीलाच या प्रकरणाची माहिती समजली होती. बीएमसीच्या परेलमधील आरोग्य विभागाच्या कार्यालयाने मात्र अशी काही माहिती नसल्याचं सांगितलंय. देशभरात १० पेक्षा जास्त रुग्ण गेल्या काही दिवसात आढळले आहेत. नागपूरच्या एका खासगी रुग्णालयात दोन रुग्ण आढळल्याची माहिती सोमवारी दिली होती. चीनमध्ये एचएमपीव्ही र...

 अभंग संस्कृति उपासक संत कशिबा महाराज पुण्यतिथी संपन्न.  गुरव समाज महासंघाचे आयोजन  जेजुरी  राज्यांतील श्री संत सावतामाळी संतांच्या अभंगवाणी आपल्या लेखन साहित्यानं शब्दबद्ध करणारे साहित्यिक संत काशिबा महाराज यांच्या पुण्यतिथी मंदिरा संस्कृति उपासाक गुरव समाजाच्या वतीन नुकतीच साजरी करण्यात आली यात राज्यांतील विवीध जिल्हयातील गुरव बंधू भगिनी सहभाग दर्शविला. पुरंदर खंडाळा सीमेलगत असलेल्या सूखेड येथे अभंग कीर्तन आणि पुष्प वृष्टी कऱण्यात आली या प्रसंगी प्रमुख अतिथी म्हणून युवा नेते मिलिंद पाटिल, परिवहन अधिकारी ज्योती गुरव, सार्वजनिक फेडरेशन देवस्थान अध्यक्ष विजय कुमार पवार, राष्ट्रीय उपाध्यक्ष गुरव समाज प्रतापराव गुरव. गोरीहर गुरवउपस्थित होते.,तर कार्यक्रमत समाजातील सामाजिक सांस्कृतीक धार्मिक पत्रकारिता,उद्योजक शैक्षणिक अशा विवीध क्षेत्रात उल्लेखनीय कामगिरी करणाऱ्या मान्यवरांना समाजरत्न पुरस्काराने सन्मानीत करण्यात आले यात ख्यातनाम ज्योतिषतज्ञ प्रवीण राजगुरू, राष्ट्रीय गुरव समाज अध्यक्षा अनुपमा गुरव, पत्रकार दिग्दर्शक विजयकुमार हरिश्चंद्रे, नितीन शिर्के, प्रसिध्द महिल...

 एचएमपीव्ही विषाणूची महाराष्ट्र मध्ये एन्ट्री  नागपूर मध्ये आढळले दोन रुग्ण  मुंबई. दि.७           एचएमपीव्ही या विष्णूची महाराष्ट्रात देखील एंट्री झालेली आहे. नागपूर महानगरपालिकेच्या हद्दीमध्ये या विष्णूने बाधित झालेले दोन रुग्ण आढळून आले आहेत. त्यामुळे महाराष्ट्रामध्ये आता एचएमटीव्ही विष्णूचा शिरकाव झाल्याचे स्पष्ट झाले आहे. या रुग्णांमध्ये एक सात वर्षाचा तर दुसरा तेरा वर्षाचा रुग्ण आहे. देशामध्ये बंगलोर, नागपूर आणि तामिळनाडू त्याचबरोबर अहमदाबाद या शहरांमध्ये एचएमटीव्ही या वायरचे रुग्ण आढळले आहेत आणि त्यानंतर आता टास्क फोर्सची घोषणा करण्यात आलेली आहे. पल्लवी सापळे या टास्क फोर्सच्या मुख्याधिकारी असणार आहेत. महाराष्ट्र सरकारचा आरोग्य विभाग या रुग्णांवर सध्या लक्ष ठेवून आहे. यानंतर आता एचएमटीव्ही व्हायरसने महाराष्ट्रात प्रवेश केल्याचं निश्चित झालेल आहे. त्यामुळे आता महाराष्ट्रातील लोकांना देखील या व्हायरसने बाधा होऊ नये म्हणून काळजी घेणे आवश्यक होणार आहे. चीनमध्ये HMPV या नव्या व्हायरसनं शिरकाव केल्याने जगभरातील देशांची धाकधूक वाढवली आहे. सोम...

 केंद्र सरकारने पत्रकार संरक्षण कायदा करून तो देशभर लागू करावा : एस.एम.देशमुख यांची मागणी  मुंबई :        छत्तीसगढ येथील तरूण पत्रकार मुकेश चक्राकर यांची झालेली निर्घृण हत्त्या आणि देशातील पत्रकारांवरील वाढते हल्ले लक्षात घेऊन केंद्र सरकारने देशभर पत्रकार संरक्षण कायदा लागू करावा अशी मागणी मराठी पत्रकार परिषदेचे मुख्य विश्वस्त एस. एम. देशमुख यांनी गृहमंत्री अमित शहा यांच्याकडे केली आहे.       भ्रष्टाचाराच्या विरोधात आवाज उठवत बातमी दिल्याबद्दल बिजापूर येथील रस्ता गुंतेदाराने (ठेकेदार) तरूण पत्रकार मुकेश चक्राकर यांची निर्घृण हत्त्या केली. त्या अगोदर महाराष्ट्रात देखील रत्नागिरी येथील पत्रकार शशिकांत वारिशे यांना गाडीखाली चिरडून ठार करण्यात आले. नरेंद्र मोदी सरकारच्या काळात देशात तब्बल २८ पत्रकारांच्या हत्या झाल्या आहेत. यामध्ये केवळ युपी, बिहारच नाही तर मध्यप्रदेश, झारखंड, पंजाब, गुजरात, पंजाब, महाराष्ट्र, आंध्र प्रदेश, कर्नाटक, तामिळनाडू, जम्मू आणि काश्मीर या राज्यांमध्ये देखील पत्रकारांच्या हत्त्या झालेल्या आहेत.       ...

 नीरा येथे मराठी पत्रकार दिन उत्साहात साजरा  मराठी पत्रकार दिना निमित वृत्तपत्र प्रतिनिधींचा सन्मान        नीरा दि.६             आज ( ६ डिसेंबर ) राज्यभरात मराठी पत्रकार दिन साजरा करण्यात आला. नीरा येथील सौ. लीलावती रिखवलाल शहा कन्या शाळेमध्ये स्थानिक वृत्तपत्र प्रतिनिधींचा सन्मान करण्यात आला. तर दर्पणकार बाळशास्त्री जांभेकर यांच्या प्रतिमेचे पूजन करण्यात आले.           नीरा (ता.पुरंदर) सोमवारी सौ लीलावती रिखवलाल शहा कन्या विद्यालय मध्ये बाळशास्त्री जांभेकर यांनी दर्पण या वृत्तपत्राचा शुभारंभ केल्याच्या स्मृती प्रत्यार्थ मराठी पत्रकार दिन साजरा करण्यात आला . यानिमित्त बाळशास्त्री जांभेकर यांच्या प्रतिमेचे पूजन मान्यवरांच्या हस्ते करण्यात आले. ज्येष्ठ पत्रकार बाळासाहेब ननवरे,राहुल शिंदे यांच्या हस्ते हे पूजन करण्यात आले. तर पुरंदर पंचायत समितीचे माजी उपसभापती लक्ष्मणराव चव्हाण यांच्या हस्ते सन्मानपत्र, शाल, श्रीफळ व गुलाबाचे रोप देऊन स्थानिक वृत्तपत्रे आणि न्यूज चॅनलच्या प्रतिनिधींचा सन्मान करण्यात...

  आद्यरामायणकार  महर्षी वाल्मिकीऋषी मंदिरामध्ये  सावित्रीबाई फुले यांची जयंती अनोख्या पद्धतीने साजरी . 3 जानेवारी क्रांतीज्योती सावित्रीबाई फुले यांच्या जयंतीनिमित्त प्रथमच आद्यरामायणकार महर्षी वाल्मिकीऋषी मंदिरामध्ये अनोखी जयंती साजरी करण्यात आली. यावेळी प्राथमिक आरोग्य केंद्राचे वैद्यकिय अधिकारी डॉ.प्रशांत आंधळे, माजी उपसरपंच अमित पवार व उद्योजक मोहन पवार यांच्या हस्ते सावित्रीबाई फुले यांच्या प्रतिमेचे पुजन करण्यात आले. यावेळी मान्यवरांनी सावित्रीबाई फुले यांच्या रांगोळीतुन रेखाटलेल्या चित्रासभोवती मेणबत्त्या प्रज्वलीत करुन अनोखे अभिवादन केले.  याप्रसंगी ग्रामपंचायत सदस्या पुर्वा राऊत, माजी सरपंच सविता भुजबळ, उपक्रमशील शेतकरी उमेश पवार, आशा पर्यवेक्षिका वैशाली दानवले, प्राची जाधव, दत्तात्रय पवार, बबनमहाराज पवार, सुनिता पवार, अनुराधा काळंगे, आदि उपस्थित होते.  दरम्यान सावित्रीबाई फुले यांच्या जयंतीप्रसंगी येथील रश्मी पवार व श्रेया काळंगे यांनी रांगोळीच्या सहाय्याने कल्पकतेने रेखाटलेले क्रांतीज्योती  सावित्रीबाई फुले यांचे रेखाचित्र व लेक वाचवा लेक शिकवा...