आद्यरामायणकार महर्षी वाल्मिकीऋषी मंदिरामध्ये सावित्रीबाई फुले यांची जयंती अनोख्या पद्धतीने साजरी .
आद्यरामायणकार महर्षी वाल्मिकीऋषी मंदिरामध्ये सावित्रीबाई फुले यांची जयंती अनोख्या पद्धतीने साजरी .
3 जानेवारी क्रांतीज्योती सावित्रीबाई फुले यांच्या जयंतीनिमित्त प्रथमच आद्यरामायणकार महर्षी वाल्मिकीऋषी मंदिरामध्ये अनोखी जयंती साजरी करण्यात आली. यावेळी प्राथमिक आरोग्य केंद्राचे वैद्यकिय अधिकारी डॉ.प्रशांत आंधळे, माजी उपसरपंच अमित पवार व उद्योजक मोहन पवार यांच्या हस्ते सावित्रीबाई फुले यांच्या प्रतिमेचे पुजन करण्यात आले. यावेळी मान्यवरांनी सावित्रीबाई फुले यांच्या रांगोळीतुन रेखाटलेल्या चित्रासभोवती मेणबत्त्या प्रज्वलीत करुन अनोखे अभिवादन केले.
याप्रसंगी ग्रामपंचायत सदस्या पुर्वा राऊत, माजी सरपंच सविता भुजबळ, उपक्रमशील शेतकरी उमेश पवार, आशा पर्यवेक्षिका वैशाली दानवले, प्राची जाधव, दत्तात्रय पवार, बबनमहाराज पवार, सुनिता पवार, अनुराधा काळंगे, आदि उपस्थित होते.
दरम्यान सावित्रीबाई फुले यांच्या जयंतीप्रसंगी येथील रश्मी पवार व श्रेया काळंगे यांनी रांगोळीच्या सहाय्याने कल्पकतेने रेखाटलेले क्रांतीज्योती
सावित्रीबाई फुले यांचे रेखाचित्र व लेक वाचवा लेक शिकवा आदि संदेश लक्ष वेधुन घेणारे ठरले.
उद्योजक मोहन पवार यांनी प्रास्ताविक केले. आरोग्य सेवक किशोर काळोखे यांनी सुत्रसंचालन तर ग्रामपंचायत सदस्य सागर भुजबळ यांनी
आभार मानले.
Comments
Post a Comment