जेजुरी येथील सिंह मल्टिस्पेशालिटी हॉस्पिटल वर कारवाईची आरपीआयची मागणी
हॉस्पिटल अनाधिकृत, असल्याचे म्हणत
री. पा. इ करणार मुख्याधिकारी कार्याल्यासमोर हलगी नाद आंदोलन
जेजुरी :
महाराष्टाचे कुलदैवत म्हणून जेजुरी सर्वत्र सुपरिचित आहे. याठिकाणी बहुवीध प्रांतातून, प्रदेशातून लोक वास्तव्यास आहेत. व्यवसायाच्या निमित्ताने येथे देशाच्या काना कोपऱ्यातून येऊन लोक उदर निर्वाह करीत आहेत. तशाच काहींशा प्रकारे वैद्यकीय क्षेत्रातील कोणतीही पदवी संपादन नं करता, कोणत्या तरी डॉक्टर च्या हाता खाली कंपाउंडर म्हणून शिकलेल्या व जुजबी ज्ञान असणाऱ्या व्यक्तीने मल्हार नगरीत दवाखाना नव्हे मल्टी स्पेशालिटी हॉस्पिटल सुरु करून लोकांच्या जीवाशी खेळण्याचा प्रकार सुरु आहे.
याबाबत सविस्तर माहिती अशी की, जेजुरी येथे सिंह मल्टि स्पेशालिटी हॉस्पिटल या नावाने पुणे -पंढरपूर पालखी महामार्गा लगत हॉस्पिटल सुरु आहे. पूर्वी छोट्या स्वरूपात जुन्या जेजुरी येथे एका खोलीत हे सुरु होते. आत्ता मात्र एखाद्या मल्टि नॅशनल हॉस्पिटलला लाजवेल अशा स्वरूपात हे हॉस्पिटल सुरु आहे. या हॉस्पिटलचे रजिस्ट्रेशन झालेले नाही अशी अधिकृत माहिती जेजुरी ग्रामीण रुग्णालयाचे वैद्यकीय अधिकारी यांनी दिलेली आहे. त्याचबरोबर या हॉस्पिटलच्या इमारत बांधणीसाठी जो आवश्यक बांधकाम परवाना नगरपरिषद यांचेकडून घ्यावा लागतो, तो देखील घेतलेला नाही असे मुख्याधिकारी यांनी लेखी दिलेले आहे. अशा प्रकारे अनधिकृत स्वरूपात सुरु असलेल्या हॉस्पिटल वर कारवाई करावी यासाठीचे निवेदन रिपब्लिकन पक्षाचे तालुका अध्यक्ष पंकज धिवार यांनी मुख्याधिकारी यांना दिले होते. परंतु हेतू पुरस्सर मुख्याधिकारी चारुदत्त इंगवले यांनी या निवेदनाला केराची टोपली दाखवलेली आहे. याबाबत वारंवार विचारणा करून देखील या हॉस्पिटल वर कारवाई करण्यास सदरचे मुख्याधिकारी टाळाटाळ करीत आहेत.
माणसाच्या आरोग्याशी म्हणजेच जीवनाशी निगडित असलेल्या बाबतीत देखील अधिकारी वर्ग आर्थिक हित संबंधा पोटी टाळाटाळ करीत असेल तर या अधिकाऱ्यांना वठनिवर आणण्यासाठी लोकशाही च्या मार्गाने गुरुवार दि. 23जानेवारी रोजी सकाळी 11वा. सर्व रिपब्लिकन कार्यकर्त्यांचे वतीने हलगीनाद आंदोलन करणार आहोत. असे प्रसिद्धी पत्रकाद्वारे पंकज धिवार यांनी सांगितले
" पंकज धिवार यांची तक्रार आल्यानंतर संबंधित हॉस्पिटलकडून या संदर्भातील त्यांच्याकडे असलेल्या कागदपत्रांची मागणी करण्यात आलेली आहे. त्या कागद पात्रांची तपासणी केली जाईल.अर्जदार आणि गैरअर्जदार यांची बाजू ऐकून घेतल्या नंतर योग्य ती कारवाई केली जाईल."
चारूदत्त इंगोले ( कार्यकारी अधिकारी जेजुरी नगरपरिषद)
.