पुरंदर काँग्रेस मधील आ. संजय जगताप यांचे दोन शिलेदार अजित दादांच्या छावणीत दाखल

 पुरंदर काँग्रेस मधील आ. संजय जगताप यांचे दोन शिलेदार अजित दादांच्या छावणीत दाखल

पुरंदर दि.१

पुरंदर तालुक्यातील काँग्रेसला मोठा झटका बसलेला आहे लोकसभेच्या निवडणुका समोर येत असतानाच पुरंदर तालुक्यातील संजय जगताप यांचे दोन शिलेदार हे आज उपमुख्यमंत्री आणि राष्ट्रवादीचे अध्यक्ष अजित पवार यांच्या पक्षांमध्ये सामील झालेले आहेत आज दिनांक 1 मार्च रोजी सकाळी आठ वाजता मुंबई येथे अजित पवार यांच्या निवासस्थानी हा पक्ष प्रवेश झाला आहे.

   लोकसभा निवडणुकीच्या पार्श्वभूमीवर राष्ट्रवादीच्या अजित दादा गटाकडून आपली बाजू भक्कम करण्याचे प्रयत्न सध्या सुरू झालेले आहेत आणि त्याचाच एक भाग म्हणून आज पुणे जिल्हा परिषदेचे माजी सदस्य आणि आमदार संजय जगताप यांचे खंदे समर्थक दत्ता झुरुंगे त्याचबरोबर आमदार संजय जगताप यांचे दुसरे खंदे समर्थक गणेश जगताप यांनी अजित दादांच्या राष्ट्रवादी काँग्रेसमध्ये प्रवेश केला आहे. या दोघांच्या अचानक आमदार संजय जगताप यांना सोडून जाण्याने पुरंदर काँग्रेसमध्ये मोठी खळबळ माजली आहे एकेकाळी आमदार संजय जगताप यांचे खंदे समर्थक असलेले हे दोन शिलेदार अचानक राष्ट्रवादीमध्ये गेले कसे? असा प्रश्न आता उपस्थित झाला आहे. लोकांमध्ये आज सकाळपासूनच ही चर्चा सुरू आहे. मात्र या संदर्भात गणेश जगताप यांच्याकडे विचारणा केली असताते म्हणाले की, दादांच्या नेतृत्वाखाली काम करण्याची चांगली संधी असल्यामुळे त्याचबरोबर दादांचा नेतृत्व चांगलं काम करत असल्यामुळे आपण त्या ठिकाणी जात आहोत.  अशी प्रतिक्रिया दुपारी बारावजाता माध्यमांशी बोलताना दिली आहे.