३ डिसेंबर हा मराठी पत्रकार परिषदेचा वर्धापन दिन 'आरोग्यदिन' म्हणून जाहीर : शरद पाबळे पत्रकारांनी सहकुटुंब आरोग्य तपासणी करून घ्याच.

३ डिसेंबर हा मराठी पत्रकार परिषदेचा वर्धापन दिन 'आरोग्यदिन' म्हणून जाहीर : शरद पाबळे 

पत्रकारांनी सहकुटुंब आरोग्य तपासणी करून घ्याच. 

 

पुणे : 

      मित्रहो, पत्रकारितेच्या अत्यंत धावपळीच्या क्षेत्रात सर्व समाजाचे प्रश्न मांडत असताना पत्रकार आपले स्वतःकडे व स्वतःच्या कुटुंबाच्या आरोग्याकडे मात्र दुर्लक्ष होत असते. आरोग्याकडे होत असलेल्या या दुर्लक्षाचा वेळप्रसंगी मोठा फटका आपल्याला व पर्यायाने आपल्या कुटुंबालाही बसतो.  

       हीच बाब गांभीर्याने घेत मराठी पत्रकार परिषदेचे मुख्य विश्वस्त मा. एस.एम. देशमुख सर यांनी राज्यभरातील प्रत्येक तालुका पत्रकार संघाच्या वतीने आयोजित आरोग्य तपासणी कार्यक्रमानंतर मराठी पत्रकार परिषदेचा ३ डिसेंबर हा वर्धापन दिन आरोग्यदिन म्हणून जाहीर करत या दिवशी राज्यभर पत्रकारांची आरोग्य तपासणी आणि रक्तदान शिबिराचे आयोजन करण्याचे आवाहन केले. 

      त्यानुसार गेली अनेक वर्षे मराठी पत्रकार परिषदेच्या वर्धापन दिनी म्हणजेच ३ डिसेंबरला राज्यभर प्रत्येक तालुक्यात स्थानिक रुग्णालये तसेच स्वयंसेवी संस्थांच्या मदतीने पत्रकार व त्यांच्या कुटुंबियांसाठी आरोग्य तपासणी शिबीर आणि रक्तदान शिबिराचे आयोजन केले जात आहे. 

      आजवरच्या या आरोग्य तपासणी व रक्तदान शिबिरात वेळीच आजाराचे निदान झाल्याने तसेच वेळीच गरजु रुग्णांना रक्त मिळाल्याने अनेकांच्या प्राणांवरचे संकट टळले आहे. गतवर्षी राज्यभरात ८ हजारांपेक्षा अधिक पत्रकारांनी त्यांची व त्यांच्या कुटुंबियांची आरोग्य तपासणी करून घेतली. 

      यावर्षीही मराठी पत्रकार परिषदेच्या ८५ व्या वर्धापन दिनी म्हणजेच ३ डिसेंबरला राज्यभर पत्रकार आरोग्य तपासणी शिबीर आणि रक्तदान शिबिराचे आयोजन करण्यात आले आहे. यावर्षी १० हजारापेक्षा अधिक जणांच्या तपासणीचे उद्दीष्ट ठेवण्यात आले आहे. आरोग्य तपासणीचे महत्व लक्षात घेऊन जास्तीत जास्त पत्रकारांनी त्यांची व त्यांच्या कुटुंबियांची आरोग्य तपासणी करून घ्यावी, असे आवाहन परिषदेचे मुख्य विश्वस्त मा. श्री. एस. एम. देशमुख सर, विश्वस्त मा. श्री. किरण नाईक सर तसेच अध्यक्ष शरद पाबळे, कार्याध्यक्ष मिलिंद अष्टीवकर, सरचिटणीस मन्सूरभाई शेख, कोषाध्यक्ष विजय जोशी, राज्य महिला प्रमुख शोभा जयपूरकर, राज्य प्रसिध्दी प्रमूख संदीप कुलकर्णी, सह प्रसिद्धी प्रमुख भरत निगडे, राज्य निवडणूक प्रमुख सुरेश नाईकवाडे, परिषदेचे आरोग्य दूत दीपक कैतके तसेच परिषदेचे उपाध्यक्ष, संघटक, विभागीय सचिव आदिंनी केलेले आहे. 

      मित्रांनो, आपले व आपल्या परिवाराचे आरोग्य खुप मोलाचे व महत्वाचे आहे. याकडे दुर्लक्ष करू नका. आपल्या परिवाराचा एक घटक म्हणून आपल्याला विनंती करतो की, कृपया या शिबीरात आपली व आपल्या परिवारातील प्रत्येक सदस्याची आरोग्य तपासणी करून घ्याच. तसेच ज्यांना शक्य आहे, त्यांनी रक्तदानाचे पुण्यकर्मही करा, तुम्ही केलेले रक्तदान एखादयाला जीवदान देवू शकतो असे आव्हान मराठी पत्रकार परिषद, मुंबईचे अध्यक्ष शरद पाबळे यां

नी केले आहे.