शरद पवार पंतप्रधान का झाले नाहीत; विजय शिवतारे यांचे अनुमान काय ते पहा
.jpg)
बारामती:
देशाचा इतिहास, भूगोल, अर्थकारण राजकारण,सहकार, शेतकरी, कष्टकरी वर्गाच्या
समस्यांविषयी जाण आणि राजकीय क्षेत्रात १८ तास काम करण्याची क्षमता तसेच प्रचंड
दूरदृष्टी नेतृत्व असणारा देशातील एकमेव नेतृत्व म्हणजे शरद पवार. देशात
पवारांच्या कर्तृत्वाबाबत कुणाचेही दुमत नाही, असे वक्तव्य माजी मंत्री विजय शिवतारे
यांनी बारामतीत केले. विजय शिवतारे सोमवारी बारामती दौऱ्यावर होते. यावेळी त्यांनी
प्रसारमाध्यमांशी संवाद साधला. पुढे बोलताना ते म्हणाले की, २०१४ साली पंतप्रधान
कोण होणार याबाबत कल चाचणी घेतली जात होती. या चाचणीमध्ये पंतप्रधान नरेंद्र मोदी
यांना ४३ टक्के, सोनिया
गांधी १७ टक्के, राहुल
गांधी यांना ८ टक्के आणि शरद पवार यांना दीड टक्के लोकांनी पंतप्रधान म्हणून पसंती
दिली होती.
याचाच धागा पकडत शिवतारे म्हणाले की, या कलचाचणीत
पवारांना दीड टक्के मते पडण्याचे कारण म्हणजे शरद पवारांचे राजकारण हे सेल्फ
स्टॅंडर्ड तर मोदींचे राजकारण हे मिळालेल्या संधीतून राज्य घडवणे. देश सर्वात पुढे
असला पाहिजे तरुणांना नवीन संध्या मिळाल्या पाहिजेत. देशाची अर्थव्यवस्था सर्वात
मोठी असली पाहिजे. नरेंद्र मोदी हे ध्येय घेऊन २४ तास काम करणारे होते. म्हणून
त्यांना नियतीने साथ दिली. मात्र, केवळ
राक्षसी मानसिकतेमुळे क्षमता असतानाही पवार पंतप्रधान होऊ शकले नसल्याची जहरी टीका
शिवतारे यांनी केली.
शिवतारे म्हणाले की,बारामती लोकसभा मतदारसंघाचे नाव बदलायला हवे. कारण याच नावावरून देशभरात फसवणूक होते. विधानसभेचे नाव बारामती विधानसभा आहे, म्हणून लोकसभेचे नाव बदलून ते पुणे दक्षिण विभाग मतदार संघ असे करावे. देशाचे पंतप्रधान किंवा आणखी कोणी परदेशी लोक आले की फक्त बारामती शहर दाखवायचे आणि देशभरात बारामती लोकसभा मतदारसंघाचा विकास झाला असे सांगायचे. मात्र, हा विकास शहरापुरताच मर्यादित असून ५० वर्ष पवारांच्या हातात सत्ता असतानाही विकास केला नाही, असे म्हणत त्यांनी शरद पवारांवर निशाणा साधला. तसेच बारामती लोकसभा मतदार संघात फक्त वीस लोकांचा विकास झाला आहे. इतरांचा विकास झालेला नाही. ३० वर्षे नगरसेवक राहिलेल्यांची ही व्यथा आहे, अशी टीकाही शिवतारे यांनी केली.
Posts
.jpeg)
