मावडी येथे बांधकाम विभागाने अपघात ग्रस्त ठिकाणी तातडीने केली दुरुस्तीस सुरुवात
मावडी येथे बांधकाम विभागाने अपघात ग्रस्त ठिकाणी तातडीने केली दुरुस्तीस सुरुवात
जेजुरी दि.५
जेजुरी मोरगाव रस्त्यावर काल दोन चारचाकी एका दुचाकीचा अपघात झालेल्या ठिकाणची दुरुस्ती करण्याचे काम बांधकाम विभागाच्या वतीने सुरू करण्यात आले आहे. या ठिकाणच्या रस्त्यांची दुरुस्ती करण्याची मागणी अजिंक्य तेकवडे यानी केली होती.याची दखल घेत हे काम सुरू करण्यात आले आहे.
काल जेजुरी मोरगाव रोडवर मवडी का.प.येथील जवळार्जुन फाटा येथे रस्त्याच्या चुकीच्या कामामुळे चार अपघात झाले व त्याअगोदर गेल्या पाच ते सहा महिन्यात जवळपास 100 ते 110 छोटे-मोठे अपघात झाले आहेत.त्यामुळे मावडी व जवळार्जुन येथील संतप्त नागरिकांनी आणि राष्ट्रवादी युवक काँग्रेसचे बारामती लोकसभा मतदारसंघाचे अध्यक्ष अजिंक्यभैय्या टेकवडे यांनी या रस्त्याची दुरुस्ती करून अपघाताचे सत्र न थांबविल्यास रस्ता रोको करण्याचा इशारा दिला होता.
त्याचबरोबर संबंधित कामासाठी बारामती मतदार संघाच्या खासदार सौ. सुप्रियाताई सुळे यांच्याशी संपर्क साधला. तसेच मा.अशोकभाऊ टेकवडे (मा. आमदार), माणिकराव झेंडे पाटील (अध्यक्ष राष्ट्रवादी काँग्रेस पक्ष पुरंदर तालुका), बापूसो भोर, सुकुमार भामे, सोमनाथ कणसे (सरपंच) या सर्वांनी प्रयत्न केल्यामुळे कालच सार्वजनिक बांधकाम खात्याने रस्ता दुरुस्ती सुरुवात करून अपघात होऊ नयेत म्हणून इतरही उपाययोजना करण्याचे नियोजन तातडीने सुरू केले आहेत. बांधकाम खात्याने दखल घेऊन दुरुस्ती करण्यास सुरुवात करून पुढील अपघात टाळणे बाबत नियोजन केल्यामुळे अजिंक्य टेकवडे यांनी संबंधित अधिकाऱ्यांना धन्यवाद दिले व शासनाने दखल घेतल्याबद्दल व खासदार सुप्रियाताई सुळे यांनी त्वरित दखल घेतल्याबद्दल त्यांचेही आभार मानले.
यावेळी सचिन टेकवडे (ग्रा. पं. सदस्य), तेजस चाचर, दत्तात्रेय भामे, सोमनाथ खोमणे सर, महेंद्र भामे, विकास चाचर, विठ्ठल झगडे, आकाश चाचर, संतोष भामे, नारायण गुळूमकर, संतोष टेकवडे, तुषार लव्हाळे, अनिकेत लव्हाळे, सनी चाचर, दादा पांडे, राजेंद्र जगताप, ओंकार टेकवडे, हरी गोळे व मावडी क.प. आणि जवळार्जुन गावचे नागरिक उपस्थित होते.
Comments
Post a Comment