जेऊर येथे बेकायदा हातभट्टीची दारू विक्री करणाऱ्यावर पोलिसांची कारवाई

 जेऊर येथे बेकायदा हातभट्टीची दारू विक्री करणाऱ्यावर पोलिसांची कारवाई

  नीरा दि.२४

  पुरंदर तालुक्यातील जेऊर येथे हातभट्टीची दारू विक्री करणाऱ्या एकावर पोलिसांनी कारवाई केली आहे. यासंदर्भात पोलिसांनी आज दिनांक 23 ऑक्टोबर रोजी महाराष्ट्र दारूबंदी अधिनियम 1949 कलम 65 (ई) नुसार जेऊर येथील शुभम तांबे यांचेवर गुन्हा दाखल केला आहे.

  याबाबत पोलिसांनी दिलेली माहिती अशी की जेऊर गावच्या हद्दीत पश्चिम बाजूला ओढ्यालगत मावलाईचा डोह येथे बाभळीचे झाडाचे आडोशाला हातभट्टीची दारू विक्री करण्यात येत असलेची माहिती पोलिसांना मिळाली होती . या माहितीनुसार जेजुरी पोलिस स्टेशनचे पोलिस निरीक्षक सुनील महाडिक यांनी दिलेल्या सूचनेनुसार पोलिसांनी आज दिनांक 23 ऑक्टोबर रोजी दुपारी या ठिकाणी धाड टाकली असता त्या ठिकाणी आरोपी शुभम मोहन तांबे रा. जेऊर ता. पुरंदर जि. पुणे या ठिकाणी गावठी हातभट्टीची दारू विक्री करताना आढळून आला.त्याच्याकडून पोलिसांनी 

७५० /- रू किमतीची एक पांढर्‍या रंगाची पिशवी मध्ये १ लिटर मापाचे १५ पिशव्या म्हणजे १५ लिटर गावठी हातभट्टीची तयार दारू जप्त केली आहे.

याबाबतचं अधिकचा तपास जेजुरी पोलीस स्टेशनचे पोलीस निरीक्षक सुनील महाडिक यांच्या मार्गदर्शनाखाली पोलिस हवालदार संदीप मोकाशी करीत आहेत.