🚨🚨🚨🚨🚨🚨🚨🚨🚨🚨 वीर धरणातून नीरा नदीत पहिला विसर्ग.. कितेक वर्षातून जून महिन्यात विसर्ग

 🚨🚨🚨🚨🚨🚨🚨🚨🚨🚨

वीर धरणातून नीरा नदीत पहिला विसर्ग.. 

कितेक वर्षातून जून महिन्यात विसर्ग 

पुरंदर : 

     पुणे, सातारा, सोलापूर जिल्ह्यातील शेतकऱ्यांची जिवनदायनी असेलेल्या नीरा नदित पुढील सहा तासांत वीर धराणातून पाण्याचा पहिला विसर्ग करण्यात येणार आहे. यावर्षी मे महिन्याच्या शेवटच्या आठवड्यापासून पावसाने दमदार हजेरी लावली आहे. त्यामुळे नीरा नदिवरील वीर धरण ८१.८७ टक्के पाणीसाठा झाला आहे. त्यामुळे वीर  धरणातून शनिवारी सायंकाळी ६ वाजता विसर्ग सुरू करण्यात येणार आहे 

       नदीत पाणी सोडणार असल्याने काठावरील शेतकरी सुखावले आहेत. नीरा नदीकाठच्या नागरिकांनी सतर्क रहावे असे आवाहन पाटबंधारे विभागाच्या वतीने करण्यात आले आहे. 

    वीर धरण ८१.८७ टक्के भरलेले आहे. नीरा खोऱ्यातील चारही धरणांच्या पाणलोट क्षेत्रात दमदार पाऊस बरसत आहे. वीर धरणामध्ये पाण्याची आवक पाहता वीर धरणामधून नीरा नदीमध्ये शनिवारी सायंकाळी सह वाजल्यापासून २ हजार क्युसेक्स वेगाने विसर्ग सोडण्यात येईल. तरी नदीकाठच्या नागरिकांना सुरक्षिततेच्या दृष्टीने काळजी घ्यावी. नदी पात्रात कोणीही जाऊ नये, कोणत्याही प्रकारची जिवीत व वित्तहानी होणार नाही याची दक्षता घ्यावी असेही आव्हान पाटबंधारे विभागाच्या वतीने करण्यात आले आहे. 

वीर  धरण पाणलोट क्षेत्रामध्ये पावसाचा जोर वाढत असून वरिष्ठ कार्यालयाच्या सूचनेनुसार  वीर धरणाच्या नीरा उजव्या कालव्यावरील विदुयतगृहाद्वारे 2000 cusecs  विसर्ग नदीपात्रात सुरू करण्यात येत आहे. 

पावसाचे प्रमाण व तीव्रता लक्षात घेता विसर्गामध्ये आवश्यक तो बदल करण्यात येईल, याची कृपया नोंद घ्यावी. तरी सर्वांना याद्वारे विनंती करण्यात येते की कृपया नदीपात्रात कोणीही उतरू नये आणि नदीपात्रात पंप अथवा तत्सम साहित्य अथवा जनावरे असल्यास तात्काळ हलविण्यात यावेत. कृपया सखल भागातील संबंधित नागरिकांना सूचना देण्यात याव्यात व सर्वांनी योग्य ती खबरदारी व दक्षता घ्यावी, काही अनुचित प्रकार घडल्यास जबाबदारी संबंधितांची राहील असे असा इशारा कार्यकारी अभियंता, नीरा उजवा कालवा विभाग, फलटण यांनी दिला आहे.