पुणे पंढरपूर मार्गावर मोटासायकल कार अपघात अपघातात दोनजण जखमी

   पुणे पंढरपूर मार्गावर मोटासायकल कार अपघात अपघातात दोनजण जखमी

  नीरा दि .२

     पुरंदर तालुक्यात पुणे पंढरपूर मार्गावर मोटासायकल आणि कार यांच्या आज शनिवारी 2 मार्च रोजी सकाळी 8 वाजता अपघात झालाय.यामध्ये मोटार सायकल वरील दोन जन जखमी झालेत. यातील एकाची प्रकृती गंभीर असल्याची माहिती प्रत्यक्ष दर्शी लोकांनी दिलीय.दरम्यान अपघातानंतर नीरा येथील पोलिसांनी तातडीनं घटनास्थळी दाखल होत जखमींना उपचारासाठी जेजुरी येथील ग्रामीण रुग्णालयात पाठवले आहे.त्याच बरोबर पोलिसांनी अपघात ग्रस्त वाहने रस्त्यातून बाजूला घेत वाहतूक सुरळीत केलीय. 

 

     याबाबत प्रत्यक्षदर्शी लोकांनी दिलेल्या माहिती नुसार सकाळी 8 वाजता मारुती अल्टो कार नंबर एम एच १२ ए एस २४८९ जेजुरीहून नीरा कडे निघाली होती.तर मोटरसायकल क्रमांक एम एच ४२ डब्ल्यू ३३४६ ही निरेकडू वाल्हे येथे निघाली होती या दोन वाहनांमध्ये समोर समोर धडक होऊन मोटरसायकल वरील दोन जन जखमी झाले. लोकांकडून मिळालेल्या माहिती नुसार दोघे जखमी वाल्हे येथील.रहिवाशी असून अप्पा धनंजय चव्हाण, राहुल शिंदे.अशी दोघांची नावे आहेत.तर यातील एक जण गंभीर असल्याची माहिती पोलिसांनी दिलीय.पोलीस कर्मचारी संदीप मोकाशी आणि निलेश जाधव यांनी तातडीने घटनास्थळी धाव घेत अपघात ग्रस्थांना मदत केली. त्याच बरोबर पुणे पंढरपूर मार्गावरील वाहतूक सुरळीत केलीय..