डोळ्याची साथ पसरू नये स्वच्छतेवर भर द्यावा : डॉ. नरेश बागुल.
डोळ्याची साथ पसरू नये स्वच्छतेवर भर द्यावा : डॉ. नरेश बागुल.
नीरा प्राथमिक आरोग्य केंद्राकडून विद्यार्थ्यांचा सर्वे.
नीरा :
पुणे जिल्ह्यातील काही भागांमध्ये डोळे येण्याची साथ पसरले आहे. आपल्या भागामध्ये डोळ्याची साथ पसरू नये म्हणून ग्रामस्थांनी व विदयार्थ्यांनी हाताची व डोळ्यांची स्वच्छता यावर विशेष लक्ष देऊन काळजी घेणे. रुग्ण आढळल्यास प्राथमिक आरोग्य केंद्र नीरा यांच्याशी संपर्क करून मोफत औषधोपचार करून घ्यावेत असे आव्हान डॉ. नरेश बागुल यांनी केले आहे.
प्राथमिक आरोग्य केंद्र नीरा अंतर्गत नीरा शहर, गुळुंचे, मांडकी येथील प्राथमिक शाळा व माध्यमिक शाळा येथे जाऊन सदयस्थितीत विद्यार्थ्यांमध्ये डोळ्यांची काही समस्या आहे का याबाबत सर्वे करण्यात आला. यावेळी वैद्यकीय अधिकारी डॉ. नरेश बागुल बोलत होते. समुदाय आरोग्य अधिकारी डॉ. समिक्षा कांबळे, आरोग्य सहाय्यक बाळासाहेब भंडलकर, आरोग्य सहाय्यिका सत्यभामा म्हेत्रे, बेबी तांबे, आरोग्य सेवक तुकाराम मुलमुले, आरोग्य सेविका अनिता नेवसे, योगीता टिळेकर, शाळांतील शिक्षक, विद्यार्थी व विद्यार्थीनी उपस्थित होते.
पावसाळ्या मध्ये उद्भवणारे साथीचे आजार यामध्ये जलजन्य, किटकजन्य आजार पसरू नये म्हणून आपला आजुबाजुचा परिसर स्वच्छ ठेवणे व पाणी उकळून थंड करून प्यावे असे आव्हान डॉ. समिक्षा कांबळे यांनी केले.
Comments
Post a Comment