धक्कादायक नीरा लोणंद रोडवर तडिपार गुंडांकडून ६ पिस्टल, मोकळ्या मॅग्झीन, ३० जिवंत काडतूसासह १५ लाख ८० हजारांचा मुद्देमाल जप्त.

 धक्कादायक

नीरा लोणंद रोडवर तडिपार गुंडांकडून ६ पिस्टल, मोकळ्या मॅग्झीन, ३० जिवंत काडतूसासह १५ लाख ८० हजारांचा मुद्देमाल जप्त. 

पुरंदर : 

     पुणे पंढरपूर पालखी मार्गावरील नीरा लोणंद रस्त्यावरील रेल्वे पुलावर सापळा लावून सातारा जिल्ह्यांतून तडिपार असलेले दोन व्यक्ती कार मधून पिस्टल व जिवंत काडतुसे विक्रीसाठी येणार असल्याची माहिती सातारा स्थानिक गुन्हे शाखेच्या अधिकाऱ्यांना मिळली होती. त्या अनुषंगाने धडक कारवाई करत सिनेस्टाईलने वाहने आडवी लावून ऐन पुलावर पोलीसांनी ती कार थांबवत दोन मोक्क्यातून जामिनावर असलेले व सातारा जिल्हा बंदी असलेले आरोपींना ताब्यात घेण्यात यश आले आहे. 

     गुरुवारी (दि. ५) सातारा जिल्हा बंदी असलेले व मोक्क्यातून जामिनावर सुटलेले अमित उर्फ बिऱ्या कदम रा. लोणी व विशाल महादेव चव्हाण रा. भोळी ता. खंडाळा, जिल्हा सातारा हे दोघे मारुती कार क्र. एम.एच. १२- टि.एस.-१८८९ मधून नीरा ते लोणंद जाणाऱ्या रोडवर देशी बनावटीचे पिस्तूल व जिवंत काडतुसे विक्रीसाठी घेऊन येत असल्याची माहिती सातारा स्थानिक गुन्हे शाखेचे पोलिस निरीक्षक अरुण देवकर यांना माहिती मिळाली होती. त्या माहितीनूसार देवकर यांनी सहाय्यक पोलीस निरीक्षक रोहित फार्णे यांना त्यांच्या पथकासह वरील ठिकाणी कारवाई करण्याच्या सुचेना दिल्या. त्याप्रमाणे तपास पथकाने लोणंद नीरा रोडवरील रेल्वे पुलावर सापळा लावून कार क्र. एम.एच. १२- टि.एस.-१८८९ मंदिर तडिपार गुंडंना ताब्यात घेऊन त्यांच्याकडील ६ देशी बनावटीचे पिस्टल, ६ मोकळ्या मॅग्झीन, ३० जिवंत काडतूसे, दोन मोबाईल व कार असा एकूण १५ लाख ८० हजारांचा मुद्देमाल हस्तगत करुन दोघांवर लोणंद पोलीस स्टेशनमध्ये अवैध शस्त्र बाळगून तडीपारीचा भंग केल्याप्रकरणी गुन्हा दाखल करण्यात आला असल्याची माहिती सातारा जिल्हा पोलीस अधिक्षक कार्यालयाकडून प्रसिद्धीपत्रकाद्वारे माध्यमांना माहिती दिली आहे.