News marathi

 आदर्श तालुका पत्रकार संघ परिषदेचे पुरस्कार जाहीर  पुणे विभागातून पिंपरी चिंचवड पत्रकार संघाची निवड  मुख्य विश्वस्त एस.एम.देशमुख यांचे पत्रकारांना उपस्थितीचे आवाहन  मुंबई :       मराठी पत्रकार परिषदेचे दिवंगत अध्यक्ष वसंतराव काणे आणि रंगा अण्णा वैद्य यांच्या नावाने देण्यात येणाऱ्या  अनुक्रमे आदर्श तालुका पत्रकार संघ आणि आदर्श जिल्हा पत्रकार संघ पुरस्कारांची मुख्य विश्वस्त  एस.एम.देशमुख यांनी आज येथे घोषणा केली आहे. अकोला जिल्हा मराठी पत्रकार संघाला २०२४ चा आदर्श जिल्हा पत्रकार संघ पुरस्कार जाहीर करण्यात आला आहे. पुरस्कारासाठी विविध तालुका, जिल्हा संघांकडून प्रवेशिका मागविण्यात आल्या होत्या. त्यातून खालील तालुका संघांची पुरस्कारासाठी निवड करण्यात आली आहे..  १) पुणे विभाग : पिंपरी - चिंचवड तालुका पत्रकार संघ, जिल्हा पुणे, २) लातूर विभाग : उमरगा तालुका पत्रकार संघ, जिल्हा धाराशिव, ३) कोल्हापूर विभाग : कणकवली तालुका पत्रकार संघ, कणकवली जिल्हा सिंधुदुर्ग, ४) संभाजीनगर विभाग-सेलू तालुका मराठी पत्रकार संघ, सेलू जिल्हा परभणी, ५) अमरावती विभ...

 पुरंदरमध्ये या आठवड्यात तीन दिवस पावसाची शक्यता.  पुरंदर :  भारतीय हवामान खात्याच्या मुंबई केंद्राच्या अंदाजानुसार पुरंदर तालुक्यात २४ व २५ डिसेंबर रोजी हवामान कोरडे राहिलं तर २६, २७, २८ डिसेंबर रोजी पावसाची शक्यता व्यक्त केली आहे. यामुळे शेतकऱ्यांचे नुकसान होईल. शेतकऱ्यांनी पीकांबाबत योग्य ती काळजी घेण्याचे आवाहन करण्यात आले आहे  पुरंदर तालुका, जि. पुणे : भारतीय हवामान खात्याच्या प्रादेशिक हवामान केंद्र, मुंबई यांच्या अंदाजानुसार तालुक्यात दिनांक २४ व २५ डिसेंबर, २०२४ रोजी हवामान कोरडे राहण्याची शक्यता असून दिनांक २६, २७ व २८ डिसेंबर, २०२४ रोजी पावसाची शक्यता आहे. पुढील पाच दिवसात कमाल तापमान २७ ते २९ अंश सेल्सिअस, तर किमान तापमान १७ ते २० अंश सेल्सिअसच्या दरम्यान राहील. सकाळची सापेक्ष आर्द्रता ८७ टक्के तर दुपारची सापेक्ष आर्द्रता ४९ टक्के दरम्यान राहील. वाऱ्याचा सरासरी वेग ताशी ०२ ते ०५ कि.मी. दरम्यान राहील. आकाश अंशतः ढगाळ ते ढगाळ राहील.  प्रमुख अन्वेषक, ग्रामीण कृषि मौसम सेवा तथा प्रमुख, कृषि हवामानशास्त्र विभाग, कृषि महाविद्यालय, पुणे

 *बीडमधील "आगाव"पणा*  दैनिकाच्या संपादकांना फोनवरून अर्वाच्च भाषेत धमक्या : धमक्या देणारे जिल्हाधिकारी कार्यालयातील कर्मचाऱ्यांवर कारवाईची मागणी  मुंबई :       मस्साजोग मधील घटनेनं संपूर्ण महाराष्ट्र सुन्न झालेला असताना बीडमधून येणाऱ्या नकारात्मक बातम्या थांबता थांबत नाहीत. त्यामुळं बीडमध्ये चाललंय काय? बीडमध्ये कायदा आणि सुव्यवस्था स्थिती अस्तित्वात आहे की नाही? असं म्हणायची वेळ आली आहे.    बीड येथील दैनिक "वास्तव" चे संपादक तथा डिजिटल मिडिया परिषदेचे पदाधिकारी जितेंद्र शिरसाठ यांना जिल्हाधिकारी कार्यालयातील कर्मचारी श्रीमती आगाव यांनी दूरध्वनीवरून फोन करून अर्वाच्च भाषेत धमक्या दिल्या, 'तू तातडीने येऊन मला भेट अन्यथा तुला उचलून आणण्याची मला व्यवस्था करावी लागेल' अशी अरेरावीची भाषा वापरली. जितेंद्र शिरसाट यांनी जिल्ह्यातील अवैध खनिज उत्खनना संबंधी बातमी छापली होती.        श्रीमती आगाव यांच्या अरेरावी मुळे बीड जिल्ह्यातील माध्यम जगतात संताप व्यक्त होत आहे. आगाव यांच्यावर कठोर कारवाई व्हावी अशी मागणी डिजिटल मिडिया परिषदेचे ...

 "युसीसी" संस्थात्मक राष्ट्रीय पाककृती स्पर्धेत पुण्याच्या युईआय ग्लोबल एज्युकेशन चा आयुष बिडवे प्रथम :   ₹. 51000/- च्या रोख बक्षीसासह "मास्टर शेफ" किताबाचा मानकरी..... आपण जे शिक्षण घेतो ते आपल्या आयुष्यात उपयोगी पडावे म्हणून युईआय ग्लोबल एज्युकेशन ही "हॉस्पिटॅलिटी आणि हॉटेल मॅनेजमेंट" क्षेत्रात काम करणाऱ्या संस्थेने, देशातील ९ विविध शाखांमध्ये प्रशिक्षण घेणाऱ्या विद्यार्थ्यांसाठी "युसीसी" राष्ट्रीय स्पर्धेचे आयोजन केले होते. यावर्षी या स्पर्धेचा सिझन २ नुकताच लखनऊ येथे संपन्न झाला. या स्पर्धेत युईआय ग्लोबलच्या देशभरातील शाखामधून १९० स्पर्धक विध्यार्थी सहभागी झाले होते. यामध्ये युईआय ग्लोबलच्या पुण्यातील शिवाजीनगर भागात गेली 18 वर्षांपासून कार्यरत असणाऱ्या शाखमधून 15 विद्यार्थ्यांनी स्पर्धेत सहभागी होऊन आपल्या कौशल्याची चमक दाखविली. 'युसीसी' म्हणजे "युईआय कलिनरी कॉम्पिटिशन " स्पर्धेत विध्यार्थ्यांच्या कला गुणांना प्रोत्साहन देण्यासाठी आयोजन केले जाते, या स्पर्धेत सहभागी होणाऱ्या विद्यार्थ्यांसाठी व्यक्तिगत सहभाग महत्वाचा असतो...

 सातारा पत्रकार संघाच्या अध्यक्षपदी विठ्ठल हेंद्रे, कार्याध्यक्षपदी ज्ञानेश्वर भाेईटे, सचिवपदी गजानन चेणगे सचिवपदी बिनविरोध निवड.  मराठी पत्रकार परिषद मुंबई संचलित सातारा पत्रकार संघाची नवीन कार्यकारिणी  सातारा:  राज्यातील पत्रकारांची मातृसंस्था असलेल्या मराठी पत्रकार परिषद मुंबई संचलित सातारा पत्रकार संघाच्या अध्यक्षपदी विठ्ठल हेंद्रे, कार्याध्यक्षपदी ज्ञानेश्वर भोईटे, उपाध्यक्षपदी उमेश भांबरे, सचिवपदी गजानन चेणगे, संघटकपदी अजित जगताप, खजिनदारपदी अमित वाघमारे यांच्यासह १३ जणांच्या कार्यकारिणीची लोकशाही मार्गाने निवडणूकीची प्रक्रिया पार पाडून बिनविरोध निवड जाहीर झाल्याची माहिती मराठी पत्रकार परिषदेचे सातारा प्रसिद्धी प्रमुख दिपक शिंदे यांनी दिली आहे        पुणे विभागीय अधिस्‍वीकृती समितीचे अध्यक्ष व सातारा जिल्‍हा पत्रकार संघाचे माजी  आदर्श अध्यक्ष हरीष पाटणे, सातारा पत्रकार संघाचे मावळते अध्यक्ष विनोद कुलकर्णी यांच्या प्रमुख उपस्‍थितीत सातारा पत्रकार संघाची नगरवाचनालयाच्या पाठक हॉलमध्ये वार्षीक सर्वसाधारण सभा झाली. सभेच्या सुरुवातीला निवडणूक...

  शरद पवार यांच्या वाढदिवसा निमित्त सासवड येथे रक्तदान शिबिरात 227 रक्त दात्यांनी केले मतदान    पुरंदर दि.२०     पुरंदर तालुक्यातील सासवड येथे पद्मविभूषण शरदचंद्र पवार यांच्या वाढदिवसानिमित्त मागील 21 वर्षापासून रक्तदान शिबिर आयोजित केला जातो सासवड येथे यावर्षी झालेल्या या रक्तदान शिबिराला रक्तदात्यांनी मोठा प्रतिसाद दिला या वर्षी देखील 227 रक्तदात्यांनी रक्तदान करून विक्रम नोंदवला       पुरंदर राष्ट्रवादी काँग्रेसचे माजी अध्यक्ष शिवाजी आप्पा पोमण मित्र परिवार पुरंदर हवेली यांचे वतीने, पदमविभूषण शरदचंद्र पवार यांचे वाढदिवसाच्या निमित्ताने गेली 21 वर्षे रक्तदान शिबिराचे आयोजन केले जाते. शिवाजीअप्पांच्या नंतर हा उपक्रम पुरंदर हवेली विधानसभा मतदार संघांचे अध्यक्ष, राहुलदादा गिरमे यांनी सातत्याने न खंड पाडता गेली 4 वर्ष मित्र परिवाराच्या वतीने रक्तदानाचा हा कार्यक्रम सुरु ठेवलेला आहे. रक्तदान हे सर्व श्रेष्ठ दान आहे.        या उपक्रमाचे प्रातिनिधिक स्वरूपाचे उदघाटन शिरूर  चे मा.आमदार अशोकबापू पवार, पुणे जिल्हा मध्यवर्ती सहकारी...

विठू माऊलीच्या पंढरीत ‘पांडूरंग’ वाळीत !  ‘‘पंढरपुरचे विठ्ठल मंदीर हरिजनांना मोकळं व्हावं म्हणून मी मरायला उभा राहिलो आहे" या चळवळीत प्रमुखांचे स्मारक पंढरपूरातच अडगळीत.  पुणे :     मराठी पत्रकार परिषदेचे जेष्ठ मार्गदर्शक गो. पि. लांडगे नुकतेच महाराष्ट्राचे आराध्य दैवत असलेल्या पंढरपूरच्या पांडुरंगाच्या दर्शनासाठी गेले होते. यादरम्यान त्यांनी जे अनुभवलं व लिहिलं ते जशाच तसं घेऊन आलोय आपल्यासाठी.          गो. पि. लांडगे लिहितात 9 व 10 डिसेंबर रोजी माझे पंढरपुरला ठरवून जाणे झाले. श्री विठ्ठल रखुमाई मंदीरापासून जवळच असलेल्या संत तनपुरे मठात दोघा स्थानिक समाजसेवक, युवा पत्रकारांसोबत, साने गुरुजी यांच्या स्मारकाला भेट दिली. सुमारे 77 वर्षापूर्वी पंढरपुरच्या विठू माऊलीच्या मंदिरात दलितांना प्रवेश बंदी होती. बंदी उठवावी म्हणून मायमाऊली साने गुरुजींनी सामाजिक समतेची भगवा पताका फडकवणारा ग्रामीण भागात रुजलेल्या वारकरी संप्रदायाशी संवाद साधला. अवघा महाराष्ट्र पिंजून काढला. आपली भूमिका समजावून सांगितली आणि दलितांना मंदीर खुले व्हावे म्हणून प्राणपणाल...

 पुरंदर मधिल या गावातील कार गॅरेज जळाले.  १७ लाख ६० हजारांचे नुकसान : सासवड पोलीसांत नोंद  पुरंदर : पुरंदर तालुक्यातील सासवड हद्दीत कुंभारवळण रोडवरील कार गॅरेजला मंगळवारी पहाटे आग लागली होती. या आगीत एक मोटारसायकल, पाच चारचाकी वाहने तसेच गॅरेजमधील साहित्य जळाले असून एकूण १७ लाख ६० हजारा रुपयांचे नुकसान झाले आहे. या जळीताची सासवड पोलीस स्टेशनमध्ये गॅरेज मालक उमेश लक्ष्मण कामठे वय ३१ वर्षे यांनी खबर दिली आहे. अशी माहिती सासवड पोलीस स्टेशनचे पोलीस निरीक्षक ऋषिकेश अधिकारी यांनी माध्यमांना दिली आहे.       सासवड पोलीस स्टेशनमध्ये उमेश कामठे यांनी दिलेल्या माहितीनुसार त्यांचे कुंभारवळण रोडवर मौजे सासवड (ता. पुरंदर) येथे कामठे ॲटोमोबाईल नावाने कार गेरेज आहे. या गॅरेजवर कामगार म्हणुन महेश विवेकानंद कांबळे रा. सासवड (ता.पुरंदर) हा आहे. तो रात्री गॅटे केबीनचे वरील पार्टीषनमध्ये झोपतो. मंगळवार दि. १० रोजी पहाटे ०४.१२ मिनिटांनी कांबळे यांनी मला फोन करुन मला सांगितले की, गॅरेजमधील केबीनमध्ये कशाने तरी आग लागलेली आहे. तुम्ही येथे लवकर या. मी अग्निषामक दालाला फोन करून...

पंढरपूर अर्बन बॅंकेच्या बारामती शाखेच्या शाखाधिकाऱ्यांनेच केला ९ कोटींचा अपहार ;  बारामती शहर पोलीस ठाण्यात गुन्हा दाखल  बारामती :       पंढरपूर अर्बन को-ऑप बॅंक लि. पंढरपूर या बॅंकेच्या बारामती शाखेतील शाखाधिकाऱ्याने बनावट कागदपत्रांच्या आधारे बॅंकेत सुमारे ९ कोटी ३ लाख ३६१ रुपयांचा अपहार केला. अमित प्रदीप देशपांडे (रा. सहयोग सोसायटी समोर, गुरुसदन हौसिंग सोसायटी, बारामती) या शाखाधिकाऱ्याविरोधात बारामती शहर पोलीस ठाण्यात विविध कलमांन्वये गुन्हा दाखल करण्यात आला आहे. या प्रकरणी बॅंकेच्या मुख्य शाखेचे व्यवस्थापक कृष्णकुमार पुरुषोत्तम पेंडाल यांच्यावतीने फिर्याद देण्यात आली.         पंढरपूर बॅंकेच्या राज्यभरात ३० शाखा आहेत. बारामतीत भिगवण रस्त्यावर जळोची येथे एक शाखा आहे. तेथे अमित देशपांडे हे शाखाधिकारी म्हणून काम करतात. बॅंकेचे मुख्य कार्यकारी अधिकारी उमेश विरधे यांनी ताळेबंदपत्रकाचे अवलोकन केले असता बारामती शाखेत संशयास्पद व्यवहार होत असल्याचे त्यांना दिसून आले. त्यांनी फिर्यादीला तपासणीचे आदेश दिले. त्यानुसार तपासणी केली गेली त्यात...

महात्मा फुले मराठी साहित्य संमेलन २८ डिसेंबर रोजी खानवडीत होणार : दशऱथ यादव यांची माहिती पुरंदर : सतरावे राज्यस्तरीय महात्मा फुले प्रबोधन मराठी साहित्य संमेलन खानवडी (ता. पुरंदर) येथे दि.२८ डिसेंबर २०२४ रोजी होणार आहे, उद्घाटन समारंभ, कथाकथन, ग्रंथदिंडी, नाट्यप्रयोग, कविसंमेलन असे भरगच्च कार्यक्रम होणार आहेत. अशी माहिती संमेलनाचे मुख्य संयोजक व ज्येष्ठ साहित्यिक दशरथ यादव यांनी पत्रकार परिषदेत दिली. संमेलनाच्या संयोजन बैठकीला राजाभाऊ जगताप, प्रसिद्धी प्रमुख दत्तानाना भोंगळे, सुनील लोणकर, श्यामकुमार मेमाणे, गंगाराम जाधव, बहुजन हक्क परिषदेचे सुनील धिवार, दत्ता कड, अरविंद जगताप, दीपक पवार, संजय सोनवणे, आदी उपस्थित होते. महात्मा फुले यांच्या मूळ खानवडीमध्ये अखिल भारतीय मराठी साहित्य संशोधन परिषद व भीमथडी मराठी साहित्य प्रतिष्ठान यांच्या वतीने दरवर्षी साहित्य संमेलनाचे आयोजन करण्यात येते. या संमेलनात राज्यभऱातून लेखक, कवी सहभागी होतात. कऱ्हा नदीच्या काठावर रंगणा-या या साहित्य संमेलनात  सहभागी होऊ इच्छिणाऱ्या लेखक, कवींनी मो.९८८१०९८४८१ या क्रमांकावर संपर्क साधावा असे आवाहन श्री यादव यांन...

पत्रकार संरक्षण कायद्याची लवकरच नोटिफिकेशन काढणार : मुख्यमंत्री देवेंद्र फडणवीस  पत्रकार संरक्षण कायदयाची अंमलबजावणी करणार  मुंबई :    मुख्यमंत्री देवेंद्र फडणवीस यांनी मुख्यमंत्रीपदाची शपथ घेतल्यानंतर पहिल्याच पत्रकार परिषदेत पत्रकार संरक्षण कायद्याची "लवकरच नोटिफिकेशन काढून कायदयाची अंमलबजावणी करण्यात येईल" असे आश्वासन दिले आहे.       २०१७ मध्ये देवेंद्र फडणवीस पहिल्यांदा मुख्यमंत्री असताना महाराष्ट्रात पत्रकार संरक्षण कायदा झाला होता. मात्र त्याचे नोटिफिकेशन निघाले नव्हते. त्यामुळे कायदा झाला असला तरी त्याची अंमलबजावणी झालेला नाही. आज गुरुवारी देवेंद्र फडणवीस यांच्या शपथविधी नंतरच्या पहिल्याच पत्रकार परिषदेत मराठी पत्रकार परिषदेचे मुंबई विभागीय सचिव दीपक कैतके यांनी देवेंद्र फडणवीस यांना यासंदर्भात प्रश्न विचारला असता त्यांनी "लवकरच नोटिफिकेशन काढून कायदयाची अंमलबजावणी करण्यात येईल" असे आश्वासन  दिले.       एस.एम देशमुख यांच्या नेतृत्वाखाली मराठी पत्रकार परिषदेने सतत बारा वर्षे लढा दिल्यानंतर राज्यात २०१७ मध्ये पत्रकार संरक्...

 मुख्यमंत्रीपदाच्या शपथेनंतर देवेंद्र फडणवीसांची पहिली स्वाक्षरी वैद्यकीय मदतीच्या फाईलवर.  मुंबई :         मुख्यमंत्रीपदाची शपथ घेतल्यानंतर मुख्यमंत्री देवेंद्र फडणवीस यांच्या अध्यक्षतेखाली झालेल्या पहिल्याच मंत्रिमंडळ बैठकीपूर्वी मुख्यमंत्र्यांनी पहिली स्वाक्षरी मुख्यमंत्री सहाय्यता निधीच्या फाईलवर केली.       पुणे येथील रुग्ण चंद्रकांत शंकर कुऱ्हाडे यांना पाच लाखाची मदत मुख्यमंत्री वैद्यकीय सहायता निधीतून देण्याचे निर्देश त्यांनी फाईलवर दिले आहेत. चंद्रकांत कुऱ्हाडे यांच्या पत्नीने बोन मॅरो ट्रान्सप्लांट उपचारासाठी मुख्यमंत्री सहाय्यता निधीतून अर्थसहाय्य देण्याची विनंती केली होती.  राज्य मंत्रिमंडळ बैठकीत नवनियुक्त मुख्यमंत्री देवेंद्र फडणवीस यांना उपमुख्यमंत्री एकनाथ शिंदे आणि उपमुख्यमंत्री अजित पवार यांनी पुष्पगुच्छ देऊन अभिनंदन केले. यावेळी मुख्य सचिव सुजाता सौनिक यांनी देखील मुख्यमंत्री देवेंद्र फडणवीस यांना प्रशासनाच्या वतीने पुष्पगुच्छ देऊन त्यांना शुभेच्छा दि ल्या. 

 FRAUD पुरंदरमध्ये डबलच्या लालसेने ६१ लाखांचा गंडा.      मुंबईतील सोने वाहतूक कंपनीत रोख व सोने यांची गुंतवणूकीची बतावणी  पुरंदर :         आर्थिक गुंतवणूक केलेली रक्कम १० महिन्यांत डबल करून देण्याचे तसेच दर आठवड्याला प्रोत्साहनपर रक्कम देण्याची बतावणी करून नागरिकांना लाखो रुपयांचा गंडा घातल्याचा प्रकार सासवड (ता. पुरंदर) येथे घडला. याप्रकरणी सासवड पोलिस ठाण्यात एकावर गुन्हा दाखल करण्यात आला आहे. किरण अशोक शिंदे रा. शिंदेवाडी (ता. पुरंदर) असे गुन्हा दाखल झालेल्याचे नाव आहे. सचिन दिगंबर लोळे रा.सासवड, (ता. पुरंदर) यांनी फिर्याद दिली आहे.        पोलिसांनी दिलेल्या माहितीनुसार, किरण शिंदे याने फिर्यादी सचिन लोळे यांच्यासह काही नागरिकांना मुंबई येथील सोने वाहतूक कंपनीमध्ये रोख व सोने यांची गुंतवणूक केल्यास दामदुप्पट रक्कम तसेच प्रोत्साहनपर रक्कम मिळवून देण्याचे आमिष दाखविले होते. त्यास बळी पडून लोळेंसह अन्य काहींनी सुरुवातीला काही रक्कम गुंतविण्यासाठी दिली. त्यानंतर शिंदे याने त्यांना दुप्पट पैसे परत दिले ही.    ...

 धक्कादायक  पुरंदर मध्ये ट्रॅक्टर चालकाची आत्महत्या  राहत्या घरी अँगलला साडीने गळफास घेतलेला  पुरंदर :     पुरंदर तालुक्यातील थापेवाडी येथील शेतकऱ्याच्या ट्रॅक्टर चालकाने राहत्या घरी अँगलला साडीने गळफास घेऊन आत्महत्या केली आहे. सकाळी घराचे दार वाजवल्यावर प्रतिसाद न दिल्याने खिडकीतुन पाहीले असता त्याने घराचे अँगलला साडीने गळफास घेतल्याचे दिसल्याने ट्रॅक्टर मालक बाळासाहेब काळुराम खवले रा.थापेवाडी (ता.पुरंदर) यांनी सासवड पोलीसांनी फिर्याद दिली आहे. ट्रॅक्टर चालक अभंग हरीभाऊ कांबळे (वय ३३ वर्षे) मुळ रा. ब्रम्हांण्डपुरी, सध्या रा. थापेवाडी (ता.पुरंदर) याने आत्महत्या केली आहे.     सासवड पोलीसांनी दिलेल्या माहितीनुसार फिर्यादी बाळासाहेब काळुराम खवले रा.थापेवाडी (ता.पुरंदर) यांची शेती करण्याकरीता त्यांच्याकडे ट्रैक्टर आहे. ट्रॅक्टरवर चालक म्हणुन अभंग हरीभाऊ कांबळे वय ३३वर्षे मुळ रा. ब्रम्हांण्डपुरी सध्या रा. थापेवाडी ता. पुरंदर जि. पुणे गेले ८महीण्यांपासुन काम करतो व तो कुंटुंबासह खवले यांच्या घराच्या शेजारीच राहतो.        आज...

 पुणे जिल्हा मराठी पत्रकार संघाच्यावतीने पत्रकारांसाठी आरोग्य शिबिर  ३ डिसेंबर "पत्रकार आरोग्य दिन" म्हणून साजरा होतो. पुणे (प्रतिनिधी ):- राज्यातील समस्त मराठी पत्रकारांच्या स्वाभिमान आणि न्याय हक्कासाठी लढा उभारणाऱ्या मराठी पत्रकार परिषद मुंबईच्या ८६ व्या वर्धापन दिनाचे औचित्य साधून राज्यभरात पत्रकारांसाठी आरोग्य तपासणी शिबिराचे आयोजन करण्याचे निर्देश पत्रकार परिषदेचे मुख्य विश्वस्त एस.एम.देशमुख यांनी दिले आहेत. त्यानुसार  मंगळवार  दि. ३ डिसेंबर रोजी पुणे जिल्हा पत्रकार संघाच्या वतीने पुणे जिल्हा पत्रकार संघ संलग्न सर्व तालुका पत्रकार संघांच्या पुढाकाराने प्रत्येक तालुक्यात पत्रकारांसाठी आरोग्य तपासणी शिबिर संपन्न होणार असल्याची माहिती पुणे जिल्हा पत्रकार संघाचे अध्यक्ष सुनील लोणकर यांनी दिली.       ३ डिसेंबर १९३९ रोजी मराठी पत्रकार परिषदेची मुंबईत स्थापना झाली. मराठी पत्रकार परिषदेचा हा स्थापना दिवस राज्यात गेली दहा वर्षे "पत्रकार आरोग्य दिन" म्हणून साजरा केला जातो. या दिवशी स्थानिक डॉक्टर्सच्या मदतीने पत्रकारांच्या आरोग्याची तपासणी करून त्यांच...