सुनेत्रा पवार यांनी घेतली विजय शिवतारे आणि कुटुंबियांची भेट..

 सुनेत्रा पवार यांनी घेतली विजय शिवतारे आणि कुटुंबियांची भेट..

पुरंदरमध्ये सक्रिय झाल्याचं सांगत विजय शिवतारे यांनी दिल्या शुभेच्छा.. 

सासवड : 

      बारामती लोकसभा मतदारसंघातील राष्ट्रवादी कॉंग्रेस व महायुतीच्या उमेदवार सुनेत्रा पवार यांनी आज पुरंदर दौऱ्यादरम्यान शिवसेना उपनेते व माजी राज्यमंत्री विजय शिवतारे व त्यांच्या कुटुंबियांची सदिच्छा भेट घेतली. शिवतारे यांच्या सासवड येथील निवासस्थानी झालेल्या भेटीत सुनेत्रा पवार यांनी विविध विषयांवर संवाद साधला. यावेळी विजय शिवतारे यांनी आम्ही सर्वजण मनापासून सक्रिय झालो असून कार्यकर्तेही विविध गावात प्रचार करत आहेत. त्यामुळे पुरंदर तालुक्यातून ५० हजारपेक्षा अधिक मताधिक्य मिळेल असं विजय शिवतारे यांनी यावेळी सांगितलं. 

       यावेळी शिवतारे कुटुंबियांकडून सुनेत्रा पवार यांचा सन्मान करण्यात आला. तसेच निवडणुकीसाठी शुभेच्छा देण्यात आल्या. या भेटीप्रसंगी शिवसेना आणि राष्ट्रवादी कॉंग्रेसचे पदाधिकारी उपस्थित होते.