नीरा येथे मराठी पत्रकार दिन उत्साहात साजरा
नीरा येथे मराठी पत्रकार दिन उत्साहात साजरा
मराठी पत्रकार दिना निमित वृत्तपत्र प्रतिनिधींचा सन्मान
नीरा दि.६
आज ( ६ डिसेंबर ) राज्यभरात मराठी पत्रकार दिन साजरा करण्यात आला. नीरा येथील सौ. लीलावती रिखवलाल शहा कन्या शाळेमध्ये स्थानिक वृत्तपत्र प्रतिनिधींचा सन्मान करण्यात आला. तर दर्पणकार बाळशास्त्री जांभेकर यांच्या प्रतिमेचे पूजन करण्यात आले.
नीरा (ता.पुरंदर) सोमवारी सौ लीलावती रिखवलाल शहा कन्या विद्यालय मध्ये बाळशास्त्री जांभेकर यांनी दर्पण या वृत्तपत्राचा शुभारंभ केल्याच्या स्मृती प्रत्यार्थ मराठी पत्रकार दिन साजरा करण्यात आला . यानिमित्त बाळशास्त्री जांभेकर यांच्या प्रतिमेचे पूजन मान्यवरांच्या हस्ते करण्यात आले. ज्येष्ठ पत्रकार बाळासाहेब ननवरे,राहुल शिंदे यांच्या हस्ते हे पूजन करण्यात आले. तर पुरंदर पंचायत समितीचे माजी उपसभापती लक्ष्मणराव चव्हाण यांच्या हस्ते सन्मानपत्र, शाल, श्रीफळ व गुलाबाचे रोप देऊन स्थानिक वृत्तपत्रे आणि न्यूज चॅनलच्या प्रतिनिधींचा सन्मान करण्यात आला. यावेळी बाळासाहेब ननवरे, भरत निगडे, राहुल शिंदे, रामदास राऊत, श्रद्धा जोशी, मोहम्मदगौस आतार , स्वप्निल कांबळे, या वृत्तपत्र प्रतिनिधींचा सन्मान करण्यात आला.
यावेळी विद्यालयाच्या मुख्यद्यापिका निर्मला नायकोडे पर्यवेक्षक ज्ञानेश्वर जाधव, संतोष गांधी,शिक्षक विद्यार्थी आदी मान्यवर उपस्थित होते. कार्यक्रमाचे सुत्रसंचलन आणि प्रस्त्विक ज्ञानेश्वर जाधव यांनी केले तर आभार मयुरी भिसे यांनी मानले.
Comments
Post a Comment